Ымыркай. Архивдик сүрөт

Индияда кыз-эркеги билинбеген өзгөчө бала төрөлдү. Сүрөт

2154
(жаңыланган 11:37 30.07.2019)
Наристенин абалы өтө оор болгондуктан, жарыкка келгенине бир саат боло элек жатып чарчап калган.

БИШКЕК, 30-июл. — Sputnik. Индияда сиреномелия синдрому (русалка синдрому) менен жабыркаган ымыркай төрөлдү. Бул тууралуу The Times of India басылмасы жазып чыкты.

Маалыматка ылайык, төрөт жеңил эле өткөн. Бирок 22 жаштагы эненин ымыркайы буттары балыктыкына окшоп, жабышып төрөлгөн. Мындан улам дарыгерлер анын жынысын аныктай алышкан эмес. Наристенин абалы өтө оор болгондуктан, жарыкка келгенине бир саат боло элек жатып чарчап калган.

​Сиреномелия 100 миң ымыркайдын бирөөндө гана кездешет. Мындай синдром менен төрөлгөн балдардын ички органдары толук өсүп жетилбегендиктен көбү чарчап калат.

2154
Белгилер:
балык, ымыркай, Индия
Тема боюнча
АКШда төрөлгөн өзгөчө наристе элдин үрөйүн учурду. Сүрөт
Онколог: калы, меңи бар адамдар онкологго көрүнүп коюшу керек
Британиялык актер Шон Коннери. Архив

Белгилүү актёр Шон Коннери көз жумду

60
(жаңыланган 20:34 31.10.2020)
Дүйнөгө белгилүү актёр 1988-жылы “Оскар” сыйлыгына татыган. Анын жалпы жонунан үч “Алтын глобусу” бар.

БИШКЕК, 31-окт. – Sputnik. Британиялык актёр Шон Коннери 90 жашында дүйнөдөн өттү. Бул тууралуу BBC жазды.

Актёр Джеймс Бонд жөнүндөгү тасмалардан сырткары, 70тен ашык кинодо роль жараткан. 1988-жылы “Оскар” сыйлыгына татыган. Актёрдун үч “Алтын глобусу” бар.

Анын уулу Жейсондун айтымында, Коннери Багам аралдарындагы Нассау шаарында көз жумган. Ал бир нече күндөн бери ооруп жүргөн.

60
Белгилер:
Шон Коннери, каза болду, актер
Тема боюнча
"Форрест Гамп" романынын автору көз жумду
Измирдеги жер титирөөдөн кийин куткаруучулар иш учурунда

Измирде уранды алдында калган төрт киши бир суткадан кийин тирүү табылды

68
(жаңыланган 19:23 31.10.2020)
Аман-эсен табылган төрт адамдын экөө аял, бирөө эркек жана бирөө бала. Куткаруучулар жана окуя болгон жерде тургандар аларды кол чаап тосуп алышкан.

БИШКЕК, 31-окт. — Sputnik. Измирдеги жер титирөөдөн кийин куткаруучулар уранды алдынан төрт адамды тирүү алып чыгышкан. Алар талкаланган үйлөрдүн алдында бир сутка жаткан. Бул тууралуу РИА Новостинин кабарчысы жеринен маалымдады. 

Билдирмеге ылайык, куткарылган төрт адамдын экөө аял, бирөө эркек жана бирөө бала. Куткаруучулар жана окуя болгон жерде тургандар аларды кол чаап тосуп алышкан.

Уранды алдында дагы бир нече адам бар экени божомолдонууда. Анын ичинде имаратта жайгашкан кафенин кардарлары да болушу ыктымал.

Эске салсак, кечээ, 30-октябрда, Түркиянын батышында күчү 6,6 баллга жеткен жер титирөө катталган. Очогунун тереңдиги 16,5 чакырымды түзүп, ал Измирдеги Сеферлихисар шаарындагы райондо жайгашкан.

Жер силкинүү Грециянын аралында да сезилип, жергиликтүү сейсмологдор анын күчүн 6,9 баллга жетти деп баалашкан.

Измирдин жер титирөөдөн коркуп калган тургундары таңды көчөдөн атырды

Измирдеги жер силкинүүдөн 20дай имарат талкаланганы айтылууда. Акыркы маалыматтар боюнча, жаратылыш кырсыгынан 26 адам каза болуп, 831 киши жабыркаган.

Ал эми Грециянын Самос аралында эки адам көз жумуп, 20дай адам жаракат алган.

68
Белгилер:
куткаруучу, урандылар, имарат, жер титирөө, Измир, Түркия
Тема:
Измирдеги жер титирөө
Тема боюнча
Түркиядагы зилзала. Каза болгондордун саны 24кө жетип, 804 киши жабыркады
Түркиядагы зилзаладан 200дөн ашык адам жабыркап, каза болгондордун саны өсүүдө
Парктын көлмөсүндө өрдөк

Жекшембиге карата аба ырайы

0
Жекшембиге караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 31-окт. — Sputnik. 1-ноябрь, жекшембиде, республика боюнча күн ачык болот. Бул тууралуу Кыргызгидромет билдирди. 

Абанын температурасы Чүй, Талас өрөөндөрүндө +13...+18, Ош, Жалал-Абад жана Баткен облустарында +16...+21, Ысык-Көл жана Нарын жергесинде +9...+14 градус болот.  

Күндүн табы борборубуз Бишкекте +16...+18  жана Ош шаарында +19...+21 градуска көтөрүлөт.

0
Белгилер:
Кыргызстан, аба ырайы
Тема боюнча
Адаттагыдан суук болот. Ноябрга карата аба ырайы