Күзгүдөн өзүн караган кыз. Архивдик сурөт

Кызы менен тең болуп... 49 жаштагы кытайлык актрисанын укмуштуудай сүрөтү

2242
(жаңыланган 10:23 01.08.2019)
Бул сүрөттөн актрисанын берилген күйөрмандары гана кимиси кызы, кимиси апасы экенин айырмалай алат.

БИШКЕК, 1-авг. — Sputnik. Интернетте кытай актрисасы Чингми Яу менен 18 жаштагы кызынын сүрөтү катуу талкууланып жатат. Бул тууралуу Daily Mail басылмасы жазды.

Посмотреть эту публикацию в Instagram

Публикация от annaboop (@annaboop)

Фото Instagram социалдык тармагына жарыяланган. Негизи сүрөткө актриса кызы менен 2017-жылы түшкөн, бирок коомчулукка эми гана көрсөтүлдү. Ал Кытайдын Weibo деген социалдык тармагында бат эле тарап, андан соң дүйнөлүк медиага жайылып кеткен. Бул сүрөттөн актрисанын берилген күйөрмандары гана кимиси кызы, кимиси апасы экенин айырмалай алат.

Чингми Яу өз убагында абдан белгилүү болгону айтылат. 80-жылдардан тарта көп убакытка чейин өлкөнүн эң сексуалдуу айымы аталып жүргөн. Ал "Шаардык аңчы", "Кызыл ажыдаар жөнүндө баян" тасмаларына тартылган.

Чингминин сүрөтү Кытайдын ар бир экинчи жарнама тактасында илинип турчу. 1999-жылы актриса турмушка чыгып, убактысын үй-бүлөгө бөлүп, карьерасын токтотуп койгон.

2242
Белгилер:
Кытай, актриса, сулуу, Сүрөт
Тема боюнча
Мастардын арасында жаткан сулуу кыз... Бишкектеги ооруканадан репортаж
Ирандын футбол күйөрманы хиджабын чечип, сулуулугу менен элди арбады. Сүрөт
Россиянын президенти Владимир Путин. Архив

Песков Путиндин "унутуп калган" көйнөгүн саткан жарнама боюнча айтып берди

290
(жаңыланган 20:33 04.07.2020)
Жарнамада көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган.

БИШКЕК, 4-июл. — Sputnik. Интернеттеги "Россия президенти Владимир Путиндин унутуп таштап кеткен көйнөгү сатылат" деген кабарга лидердин маалымат катчысы Дмитрий Песков комментарий берип, ага ишенбеш керектигин айтты. Бул тууралуу РИА Новости жазды.

Элге белгилүү болгон сайттардын бирине "Нижний Новгород аймагындагы Sheraton мейманканасына президент Путиндин унутуп таштап кеткен көйнөгү сатылат" деген жарнама чыккан. Анда көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган. Көйнөк 165 миң рублга бааланган. Путин аталган шаарда соңку ирет 2019-жылдын 10-ноябрында Дене тарбия жана спортту өнүктүрүү боюнча президенттин алдындагы кеңештин отурумуна катышкан.

Путин жыйында калемин столго ыргытып жиберип, министрлерден отчёт сурады. Видео

Сатуучу көйнөк дагы деле сатыкта экендигин айткан. Анын сөзүнө караганда, "кийимдин президентке таандык экендиги боюнча жазылган эч кандай атрибуттар жок, бирок зарыл болсо ДНК-экспертизага берүүгө даяр".

Песков мындай кулактандырууларга ишене берүүгө болбой тургандыгын айткан.

"Жок. Андай болууга мүмкүн эмес", — деген ал көйнөк чын эле президентке таандык болушу мүмкүнбү деген суроого жооп берип жатып.

Путин буга чейин журналисттерге кабинетиндеги жашыруун бөлмөсүн көрсөтүп, ал ЖМКлардын эле эмес, коомчулуктун дагы кызыгуусун жараткан.

290
Белгилер:
отель, көйнөк, Владимир Путин, Россия
Тема боюнча
Путин кабинетиндеги жашыруун бөлмөсүн көрсөттү. Видео
Путин чүмбөттөлүп алып коронавируска кабылган жарандарын көрүп чыкты. Видео
UFC чемпиону Хабиб Нурмагомедовдун атасы, машыктыруучусу Абдулманап Нурмагомедов. Архив

Хабибдин атасы Абдулманап Нурмагомедовдун сөөгү Дагестанда жерге берилди

289
(жаңыланган 20:07 04.07.2020)
Маалыматта машыктыруучуну акыркы сапарга узатуу зыйнатына Чеченстандын башчысы Рамзан Кадыровдун дагы катышканы айтылат.

БИШКЕК, 4-июл. — Sputnik. UFC чемпиону Хабиб Нурмагомедовдун атасы, машыктыруучусу Абдулманап Нурмагомедовдун сөөгү кичи мекенинде жерге берилди. Бул туурасында РИА Новости билдирди.

Маалыматка ылайык, коштошуу зыйнатына Чеченстандын башчысы Рамзан Кадыров дагы катышкан.

Россиянын эмгек сиңирген машыктыруучусу Нурмагомедовдун сөөгү Дагестандын Кизилюртов районунун Кироваул айылына коюлган.

UFC чемпионунун атасы коронавирустун оор түрү менен жабыркап Москвадагы клиникалардын бирине жаткырылган. Ага эки тараптуу пневмония деген диагноз коюлуп, андан кийин инсульт алган. Бул дарттан айыга албай 3-июль күнү 58 жаш курагында каза тапты.

"Аны акыркы сапарга узатууга көп адам катышкан жок. Туугандары жана Москвадан спортчулар келди", — деп айткан Кироваул айылынын башчысы Ильяс.

Мушкер Хабиб Нурмагомедовго UFC уюмунун президенти Дана Уайт көңүл айтып, спортчунун атасынын жашоодогу орду тууралуу айтып берген видеосун жарыялады.

​Ошондой эле Хабибдин октагондогу атаандаштары Конор Макгрегор жана Тони Фергюсон сыяктуу бир катар спортчулар көңүл айткан.

289
Белгилер:
жерге берүү, сөөк, машыктыруучу, Дагестан, Абдулманап Нурмагомедов
Тема боюнча
Белгилүү ырчы-обончу Тургуналы Нурматовдун жерге качан берилери айтылды
Коомдук ишмер, экс-депутат Болот Шердин сөөгү кичи мекенинде жерге берилди
Ала-Тоо аянты. Архив

Алдыда аптаптуу ысык болбойбу? Бир жумага карата аба ырайы

0
(жаңыланган 08:30 05.07.2020)
Синоптиктер жуманын башында өлкөнүн бир нече аймактарында жамгыр жаап, ортолоп калганда күндүн көзү ачыла турганын айтты.

БИШКЕК, 5-июл. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.

Ага ылайык, бул жумада борбор калаада күн ачык болот. Батыштан соккон шамалдын ылдамдыгы секундасына 4-9 метрден, 6-июлда 14 метрге жетет.

Чүй, Талас облустары

6-июлда Чүй облусунун көпчүлүк аймактарында, Талас облусунун кээ бир райондорунда жамгыр, тоолорго кар жаашы күтүлөт. Чүйдүн кээ бир айылдарында нөшөр болот.

7-июлда эки облуста тең күн ачык болот.

8-9-июль күндөрү тоо этектеринде жана тоолуу райондордо жамгыр жаайт, өрөөндөрдө күн ачык болору айтылат.

Ош, Жалал-Абад, Баткен облустары

6-7-июлда тоолуу региондордо жамгыр жааса, дыйканчылык аймактарында күн ачык болот.

8-июлда күндүз, 9-июлда түнкүсүн тоо этектеринде жамгыр жааса, өрөөндөрдө аба ырайы бузулбайт.

Ал эми 9-июлда күндүз Ош, Баткен облустарынын кээ бир райондорунда, Жалал-Абаддын тоолуу аймактарында жамгыр жаайт.

Июлда мээ кайнаткан ысык болобу? Аба ырайынын келерки айга божомолу

Ысык-Көл облусу

6-июлда көпчүлүк аймактарында жамгыр жаап, тоолорго кар түшүшү ыктымал.

7-июлда түнкүсүн кээ бир райондордо жамгыр жаап, күндүз аба ырайы ачык болот.

8-9-июлда кээ бир райондордо жамгыр, бийик тоолуу райондордо кар жаашы күтүлөт.

Нарын облусу

6-июлда көпчүлүк аймактарда жамгыр жаап, тоолорго кар түшөт. 7-8-июлда күн ачык болот, бирок 9-июлда күндүз көпчүлүк аймактарда жамгыр жаай турганын синоптиктер билдирди.

10-11-июль күндөрү өлкөнүн кээ бир райондорунда жамгыр жаайт, бирок негизинен абанын температурасы дээрлик өзгөрүлбөйт.

0
Белгилер:
Кыргызгидромет, Кыргызстан, аба ырайы
Тема боюнча
Дүйнөдө аба ырайы өзгөрүп, 50 жылда Сахара чөлүндөй ысыйт. Изилдөө
Жаңы конуштарда газ туташтыруунун акысын бөлүп төлөө каралууда