Coca-Cola ичимдиктери. Архив

Гомосексуалдарды жарнамалаганы үчүн "Кока-Колага" бойкот жарыяланмакчы

430
(жаңыланган 12:07 06.08.2019)
Венгрияда бир жыныстагы жуптардын "Шекери жок, эч кандай жаман ой жок" деген жазуусу бар сүрөтү менен жарнамалар пайда болгон.

БИШКЕК, 6-авг. — Sputnik. Венгрияда гомосексуалдар менен чыгарган жарнамасынан кийин "Кока-Кола" компаниясынын продукциясын бойкот кылууга чакырышты. Бул туурасында Reuters жазып чыкты.

Бийликтегилердин айтымында, мындай жол менен компания бир жыныстагылардын мамилесин жайылтып жатат. Жарнамалар өлкөдө музыкалык фестивалдын алдында илинген. Сүрөттө эркек кишилер жана "Шекери жок, эч кандай жаман ой жок" деген жазуу көрүнүп турат. Мындай реклама суусундук сүйүүчүлөрдүн жана саясатчылардын ачуусуна тийген. "Фидес — Венгердик жарандык союз" партиясы бир жыныстуу никеге каршы чыгып келгени айтылат.

Партиянын өкүлү Иштван Болдог "Кока-Кола" компаниясынын суусундугун жарнамасы үчүн убактылуу бойкот кылууга чакырган. Социалдык тармактарда рекламалык постерлерди алууну талап кылган петиция дагы пайда болгон. Алар гомосексуалдардын таасири балдарга, үй-бүлөгө жана коомго тийишинен кооптонгон.

430
Белгилер:
нааразычылык акциясы, жарнама, Венгрия
Тема боюнча
Газдалган таттуу суунун зыяндуу жактары тизмектелди
Москванын кызыл аянтындагы полиция кызматкери. Архив

Москвада COVID күч алып бир апталык локдаун жарыяланды

22
(жаңыланган 11:55 13.06.2021)
Россиянын борбор калаасында коронавирус жуктургандардын саны өсүп жаткандыктан тогуз күн бою ишке чыкпоо боюнча жарлык чыкты.

БИШКЕК, 13-июн. — Sputnik. Москва шаарында коронавирустун жаңы штаммы тарап жаткандыктан кайрадан чектөөлөр киргизилди. Бул тууралуу шаар мэри Сергей Собяниндин жарлыгында айтылды.

Документке ылайык, Москвада 15-19-июнь күндөрү эс алуу жарыяланды. Анын алдындагы дем алыштарды эске алганда Москва шаарында 9 күн бою (12-20-июнь) иштешпейт. Ошондой эле шаар бийлиги ишканаларда кызматкерлердин 30 пайызын аралыктан иштөө режимине өткөрүүнү сунуштады.

"Вирустун жаңы штаммдары табылууда. Шаарда эпидемиологиялык абал курчуп, мурда белгиленген жогорку чекке жетип бара жатат. Акыркы сутка ичинде эле өлкөдө 13 510 адамдан вирус аныкталды. Анын 6 миңден ашыгы Моксва шаарында жашагандар", — деп айтылат кабарда.

Ошондой эле зоопарк, түнкү клуб, караоке, балдар аянтчалары, тамактануу жайларында иштөө убактысы боюнча чектөөлөр киргизилди.

22
Белгилер:
абал, локдаун, коронавирус, Москва, Россия
Тема:
Дүйнөгө жайылган коронавирус
Тема боюнча
COVID-19дан улам Ош шаарында 1-июлга чейин бардык иш-чаралар токтотулду
Кит. Архив

Кит жутуп алып кайра чыгарып салган балыкчынын азыркы кебетеси. Сүрөт

65
(жаңыланган 11:36 13.06.2021)
Океандын жээгинде лобстер уулап жүргөн балыкчыны кит жутуп алды. Адегенде ири толкун болгонун сезген киши андан кийин караңгынын кучагында калган.

БИШКЕК, 13-июн. — Sputnik. АКШда кит жутуп алган балыкчы аман калды. Бул тууралуу CBS Boston телеканалы жазып чыкты.

Шумдук окуяга Американын Провинстаун шаарынын тургуну Майкл Паккард кабылган. Ал Кейп-Код жарым аралында океанды жээктеп лобстер (деңиз рагы) уулап жүргөн.

Ага адегенде ири толкун болгону байкалган, анан эле караңгы болуп кеткен. Майкл адегенде акула жутуп алды деп ойлогон. Кийинчерээк киттин оозунда экенин билген. Жөн турбастан сүзүп, кыймылын уланткан. Бактысына алп жандык суунун бетине чыгып, оозундагыларын сыртка бүркүп, балыкчы океанга кулаган.

"Мен бошонуп, эркин болуп сүзүп кеттим. Өзүм да буга ишенген жокмун", — деген ал.

Жакын жердеги балыкчылар аны ооруканага жеткиришкен. Дарыгерлер Майклдын майда тамырлары гана жабыркаганын аныкташкан. Башка эч кандай олуттуу жаракат алган эмес, эч жери сынган да эмес.

Окумуштуулар мындай окуя сейрек кездешерин белгилешет. Алардын айтымында, кит демейде адамга коркунуч келтирбейт, болгону суудагы майда балыктар жана башка деңиз жандыктары менен тамактанып жатканда кишини да кокусунан жутуп алышы мүмкүн.

65
Белгилер:
АКШ, окуя, кит, океан, адам
Тема боюнча
Торго түшкөн акуланы сууга кое беришкен. Боорукер балыкчылардын видеосу
Мушкер. Архив

Баш көтөртпөй... Абдыкааров OPEN FC Гран-при мелдешинин финалына чыккан видео

0
(жаңыланган 12:12 13.06.2021)
Беттеш кечээ, 12-июнда, Россиянын Жигулевск шаарында өткөн OPEN FC 5 мелдешинин алкагында болду. Кыргыз мушкеринин кубаттуу соккуларынан кийин калыс беттешти токтотту.

БИШКЕК, 13-июн. — Sputnik. Кыргызстандык ММА мушкери Алимардан Абдыкааров OPEN FC уюмунун Гран-при мелдешинин финалына чыкты. Маалыматты менеджери Марат Бекмуратов өзүнүн Instagram баракчасына чыгарды. 

Посмотреть эту публикацию в Instagram

Публикация от Marat Bekmuratov (@mara_team_mng)

Эми Гран-принин финалы Кыргызстанда өтүп калышы мүмкүн.

Уюмдун эң жеңил салмак категориясында ат салышкан Абдыкааров финалда бразилиялык Матеус Сантосту нокаутка кетирип утту. Беттеш кечээ, 12-июнда, Россиянын Жигулевск шаарында өткөн OPEN FC 5 мелдешинин алкагында болду. Кыргыз мушкеринин кубаттуу соккуларынан кийин калыс беттешти токтотту.

Бир катар жергиликтүү спорттук пабликтер беттештин кыскача видеосун жарыялашты. 

Посмотреть эту публикацию в Instagram

Публикация от MMA KYRGYZ (@mma_kyrgyz)

Буга чейин аталган уюмдун президенти Александр Гурьянов эгерде Алимардан Абдыкааров мелдештин финалына чыкса, финалдык таймашты Кыргызстанда өткөрүүгө даяр экенин билдиргенин аталган уюм өзүнүн Instagram баракчасына жазган.

Абдыкааров чейрек финалда азербайжандык тажрыйбалуу атлет Эльнар Ибрагимов менен октагонго чыгып, экинчи раундда сулата соккон. Атаандашы жерге кулаганда учурдан пайдаланып сокку жаадырган. Калыстын кийлигишүүсү менен беттеш токтотулуп, техникалык нокаут деп катталган болчу.

0
Белгилер:
нокаут, жеңиш, гран-при, OPEN FC, ММА
Тема боюнча
Кыргызстандык ММА мушкери Сатыбалдиев бразилиялык спортчу менен беттешет
Кыргызстандык оор атлетчи Бакдөөлөт Расулбеков Олимпиадага лицензия алды. Сүрөт