Дарыгер. Архив

Дем кысылат, жаак талыйт... Инфаркттын алгачкы белгилери айтылды

344
"Жайкы инфаркттын" бирден-бир белгилеринин бири — демдин кысылуусу.

БИШКЕК, 9-авг. — Sputnik. Айрым белгилер адамдын инфаркт илдетине чалдыгышы мүмкүн экенинен кабар берерин дарыгер Сергей Агапкиндин сөзүнө таянып "Известия" басылмасы жазды.

Анын айтымында, инфарктка кабылуу тобокелдиги жайдын күнү өзгөчө өсөт. Бул жүрөгү ооруп жүргөн адамдарга гана эмес, ден соолугу тазаларга да тиешелүү. Буга абада кычкылтектин аздыгы себеп болот.

"Жайкы инфаркттын" бирден-бир белгилеринин бири — демдин кысылуусу.

"1-2 кабатка көтөрүлгөндө эле күйүгүп калсаңыз, демек жүрөккө күч келип жатат. Ошондой эле бир аз кыймылдап койсоңуз эле алсырасаңыз, эки далынын ортосу уюп ооруса, бул жакындап келе жаткан инфаркттан кабар берет. Мындан тышкары, көкүрөк туш кысылып, жаакты, колдорду же далыны талытса, дароо дарыгерге кайрылыңыз", — деди Агапкин.

Адистин айтымында, бул белгилерге маани бербей, чарчап-чаалыгууга шылтап жүрө берүүнүн акыры жакшы бүтпөйт.

344
Белгилер:
инфаркт, ден соолук, жай
Тема боюнча
Сирия президентинин жубайы Асма Асаддын рактан айыкканы айтылды
Беткап кийген аял. Архивдик сүрөт

Окумуштуулар алсыроону коронавируска мүнөздүү эмес симптом дешти

11
(жаңыланган 09:48 15.08.2020)
Карыларга жүргүзүлгөн иликтөөдө ооруну жугузуп алгандардын көпчүлүгүнүн алы кетип, жалпы абалы начарлаган. Муну окумуштуулар COVID-19дун типтүү эмес белгилерине кошкон.

БИШКЕК, 15-авг. — Sputnik. Чыгыш Англия университетинин окумуштуулары COVID-19 илдетин жашы улгайган адамдар кандай көтөргөнүнө талдоо жүргүзүп, алардын көпчүлүгүндө оорунун типтүү эмес белгилери бар деген жыйынтыкка келишкен. Иликтөө medRxiv порталына жарыяланганын РИА Новости жазды.

Карылар үйүндөгү бейтаптарды байкоо иштери 7-апрелден 29-июнга чейин жүргөн. Тестинде коронавирус аныкталган 103 адамдын 38инде гана коронавирустун стандарттуу симптомдору аныкталган.

"Спутник V". Россиялык вакцинага 20 өлкө кызыгууда. Видео

54 кишиде оорунун эч кандай белгилери байкалган эмес же алар жуктургандан эки аптадан соң билине баштаганы айтылат.

Деген менен оору жуктургандардын көпчүлүгү алсырап, жалпы абалынын начарлаганын сезишкен. Муну окумуштуулар COVID-19дун типтүү эмес белгилерине кошкон.

11
Белгилер:
иликтөө, Англия, симптом, коронавирус
Тема:
Дүйнөгө жайылган коронавирус
Тема боюнча
Коронавирустун экинчи толкунунда дары тартыш болбойбу? Мамрезервдин жообу
АКШда коронавируска чалдыккан балдардын саны кескин өстү
Бал. Архивдик сүрөт

Ченемин билгиле. Диетолог балдын зыян жактарын айтып берди

46
(жаңыланган 08:31 15.08.2020)
Биохимиялык индекс боюнча, бал кумшекерге тете болгондуктан айрым оорулууларга такыр жегенге болбойт. Кээ бирлери чеги менен колдонушу шарт.

БИШКЕК, 15-авг. — Sputnik. Балды ченемден тыш колдонуу бир катар көйгөйгө алып келерин "Известия" дарыгер-диетолог, эксперт Дарья Русаковага шилтеме берип жазды. 

Адистин айтымында, кант диабети менен жабыркаган адамдар балдан таптакыр баш тартканы оң. Анткени таттуу азык кандагы глюкозаны көтөрөт. Ошондой эле балда углевод көп болгондуктан ден соолугу чың адамдар дагы ченеп жеши керек.

"Бир күндө 1-2 кашык колдонсо болот. Бирок күндүз жегенге аракет кылгыла, углеводдорду коротконго жардам берет. Биохимиялык индекс боюнча, бал кумшекерге тете болуп калат. Ошондуктан балды көп жеген ашыкча салмакка алып келет", — деген диетолог.

Уйку канат. Дарыгер кумшекерден баш тартуунун пайдасын айтты

Ал кошумчалагандай, балды дайыма колдонгудай анда пайдалуу делген микроэлементтер, витаминдер жана заттар аз.

Ошондой эле тамак-аш адиси балдын жаңысын дүкөндөрдөн алууну сунуштаган. Себеби колдон-колго өтүп сатылгандар анын каякта чогултулуп сакталганына жана алып келингенине жооптуу эмес.

46
Белгилер:
салмак, бал, азык, диетолог
Тема боюнча
Дарыгер салмак коштурчу суусундуктарды тизмектеп берди