Сулуулук сынагынын катышуучулары. Архив

50 жаштагы модель жаштыгынын сыры менен бөлүштү. Сүрөт

1619
(жаңыланган 11:37 12.08.2019)
Моделди көпчүлүк 17 жаштагы уулунун эжеси деп ойлошот.

БИШКЕК, 12-авг. — Sputnik. Англиялык 50 жаштагы модель Шани Хаган жаштыгынын сыры менен бөлүшкөнүн The Sun басылмасы жазды.

Маалыматка ылайык, моделди көпчүлүк адамдар 17 жаштагы уулунун эжеси деп ойлошот.

​Шани Хаган 50 жашында "Аалам жылмаюусу" сулуулук сынагынын экинчи вице-сулуусу аталган. Ал бетине бырыш түшүрбөө үчүн ботокс жана башка каражаттарды колдонбогонун айтып келет.

"Жаштыгымдын сыры жөнөкөй. Мен эч ким менен мамиле курбайм. Жашоомдо мени санаага салган эркек жок. Ошондуктан бетимден карылыктын белгилери байкалбайт", — деди Хаган.

Модель бетке бырыш түшүрбөө үчүн уктаар алдында балдан маска коерун кошумчалады. Ошондой эле жашылча-жемишти көп жеп, күндүз нормага ылайык суу ичип, уйкусун кандыраарын айткан.

1619
Белгилер:
жаштык, сулуулук, модель, Англия
Тема боюнча
Өзүм теңдүүлөр апама кызыгып... Эне-баланын сүрөтү соцтармакты дүң кылды
ТИМ жетекчиси Руслан Казакбаев. Архивдик сүрөт

ТИМ жетекчиси Казакбаев Россияга иш сапар менен барат

85
(жаңыланган 13:38 21.10.2020)
Министр Казакбаев менен россиялык кесиптеши Сергей Лавровдун жолугушуусунда эки өлкөнүн алака маселелери каралат.

БИШКЕК, 21-окт. — Sputnik. 22-24-октябрда КРдин тышкы иштер министри Руслан Казакбаев иш сапары менен Россия Федерациясына барарын министрликтин маалымат кызматы билдирди.

Аталган иш сапардын алкагында министр Казакбаевдин россиялык кесиптеши, РФдин тышкы иштер министри Сергей Лавров менен эки тараптуу жолугушуусу болот.

Алдыдагы сүйлөшүүлөрдүн жүрүшүндө саясий, соода-экономикалык, маданий-гуманитардык чөйрөдө жана коопсуздук жаатындагы кыргыз-орус кызматташтыгынын өз ара кызыкчылыкты камтыган ар тараптуу алака маселелери тууралуу сөз болору айтылган.

85
Белгилер:
жолугушуу, Кыргызстан, Руслан Казакбаев, Россия
Тема боюнча
Россия биздин ишенимдүү өнөктөш. Садыр Жапаров элчи менен жолукту
Президенттин милдетин аткаруучу, премьер-министр Садыр Жапаров РФтин Кыргызстандагы элчиси Николай Удовиченко менен жолугушту

Россия биздин ишенимдүү өнөктөш. Садыр Жапаров элчи менен жолукту

112
(жаңыланган 12:24 21.10.2020)
Тараптар КРге финансылык көмөк көрсөтүү, өлкөлөр ортосундагы үзгүлтүксүз каттамдарды көбөйтүү, социалдык-экономикалык абалды жакшыртуу маселелерин дагы талкуулашты.

БИШКЕК, 21-окт. — Sputnik. Кыргызстан Россия Федерациясы менен стратегиялык өнөктөштүктү жана союздук мамилелерди чыңдоого чоң маани берет. Бул туурасында президенттин милдетин аткаруучу, премьер-министр Садыр Жапаров РФтин Кыргызстандагы элчиси Николай Удовиченко менен жолугушууда билдиргенин өкмөттүн маалымат кызматы кабарлады.

Жапаров өлкөдөгү ички саясий абал турукташканын белгилеген.

  • Исполняющий обязанности Президента, Премьер-министра Кыргызской Республики Садыр Жапаров сказал на встрече с Чрезвычайным и Полномочным послом Российской Федерации в Кыргызской Республике Николаем Удовиченко. 21 октября 2020 года
    Президенттин милдетин аткаруучу, премьер-министр Садыр Жапаров РФтин Кыргызстандагы элчиси Николай Удовиченко менен жолугушту
    © Пресс-служба правительства / Алишер Алиев
  • Исполняющий обязанности Президента, Премьер-министра Кыргызской Республики Садыр Жапаров сказал на встрече с Чрезвычайным и Полномочным послом Российской Федерации в Кыргызской Республике Николаем Удовиченко. 21 октября 2020 года
    Жапаров өлкөдөгү ички саясий абал турукташканын белгилеген.
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Президенттин милдетин аткаруучу, премьер-министр Садыр Жапаров РФтин Кыргызстандагы элчиси Николай Удовиченко менен жолугушту
"Бийлик өлкөнүн социалдык-экономикалык абалын калыбына келтирүүгө, анын ичинде болжолдонуп жаткан коронавирус пандемиясынын экинчи толкунуна даярдык көрүүгө багытталган иштерди активдештирди. Мындан сырткары, Россиянын жана Владимир Путиндин атайын өкүлү Дмитрий Козактын Кыргызстандагы ички саясий абалдын турукташуусундагы өзгөчө ролун белгилеп кетким келет. Россия биздин өлкөнүн ишенимдүү стратегиялык өнөктөшү болуп келген жана кала берет", — деди Жапаров.

Ал ошондой эле коронавирус инфекциясынын жайылышына байланыштуу кыйын кырдаалда көмөк көрсөткөндүгү үчүн Россия тарапка ыраазычылык билдирди.

Жапаров: Кыргызстан Россиянын алдындагы милдеттемелерин толук аткарат

Ал эми элчи Удовиченко Садыр Жапаровду Кыргыз Республикасынын премьер-министри кызматына дайындалышы менен куттуктап, Россиядан кошумча инвестиция тартууга басым жасалганын белгиледи.

"Кыргызстан менен Россия тыгыз жана жылуу мамиледе. Россия өз ара пайдалуу экономикалык кызматташтыкка жана Кыргызстанда тил саясатын улантууга кызыкдар. КРде бир катар олуттуу программалар ишке ашырылууда. Маанилүү элементтердин бири катары Россиядан инвестиция тартуу, ошондой эле өлкөлөр ортосундагы экономикалык кызматташтыкка басым жасоо болуп саналат. РФтин салык тутумун модернизациялоого жана товарларга байкоо жүргүзүүчү маркировкалоо тутумун ишке киргизүүгө көмөктөшүүгө даяр", — деп белгиледи элчи.

Премьер өлкөнүн Конституциясына ылайык, орус тили расмий тил боюнча каларын, анын макамын өзгөртүү боюнча ой жок экенин белгилеген. Буга байланыштуу ал Кыргызстандын айылдарында жашаган жарандарга сабак берүү үчүн орус тили мугалимдеринин санын көбөйтүү өтүнүчүн билдирген.

Садыр Жапаров: Россия — негизги өнөктөш, бизди көп нерсе байланыштырып турат

Тараптар КРге финансылык көмөк көрсөтүү, өлкөлөр ортосундагы үзгүлтүксүз каттамдарды көбөйтүү, социалдык-экономикалык абалды жакшыртуу маселелерин дагы талкуулашкан.

Маалымдалгандай, өкмөттөр аралык соода-экономикалык, илимий-техникалык, гуманитардык кызматташтык боюнча Кыргыз-Россия комиссиясынын мындан аркы ишин Кыргызстандын биринчи вице-премьери Артем Новиков алып барат.

112
Белгилер:
жолугушуу, Николай Удовиченко, Россия, Садыр Жапаров, Кыргызстан
Тема боюнча
Жапаров: Кыргызстан Россиянын алдындагы милдеттемелерин толук аткарат
Россия-кыргыз өнүктүрүү фондуна жаңы жетекчи келди
ИИМ кызматкери. Архив

Милиция БШК мүчөлөрүн эмнеге суракка чакырды? ИИМдин жообу

0
(жаңыланган 18:12 21.10.2020)
Учурда ИИМдин тергөө кызматы 5-6-октябрь күндөрү Бишкектеги массалык башаламандык фактысы боюнча сотко чейинки өндүрүштү иликтеп жатат.

БИШКЕК, 21-окт. — Sputnik. Ички иштер министрлигинин маалымат кызматы Борбордук шайлоо комиссиясындагы абал тууралуу билдирүү таратып, сотко чейинки өндүрүштүн алкагында милиция күбөлөрдү суракка алып келүүгө милдеттүү экенин маалымдады.

Ага ылайык, учурда ИИМдин тергөө кызматы 5-6-октябрь күндөрү Бишкектеги массалык башаламандык фактысы боюнча сотко чейинки өндүрүштү иликтеп жатат. Бул иш Жазык кодексинин 264-беренесинин 1-бөлүмү ("Массалык башаламандык") боюнча Кылмыш жана жоруктардын бирдиктүү реестрине катталган.

"Массалык башаламандыкка түрткү болгон себептерди аныктоо максатында ИИМдин криминалдык милиция кызматы Борбордук шайлоо комиссиясынын бардык мүчөлөрүн күбө катары суракка алуу үчүн кабарлама берүүнү тапшырган", — деп айтылат маалыматта.

Бийлик кантип алмашты? Соңку окуялардагы урунттуу учурлар

Буга чейин ИИМдин кызматкерлери Борбордук шайлоо комиссиясынын мүчөлөрүн суракка алып кетүүгө аракет кылып жатканы кабарланган.

0
Белгилер:
күбө, митинг, сурак, БШК, ИИМ
Тема боюнча
БШК бул жолку шайлоого канча каражат кетерин кабарлады
БШК: милиция биздин мүчөлөрдү суракка алып кеткени жатат