Instagram баракчасы. Архив

Instagram баракчасындагы фейктерди маалымдоого жол ачылды. Жаңы функция

244
Күмөн жараткан билдирүүнү жайылтууга атайын хештегдин жардамы менен тыюу салынат.

БИШКЕК, 17-авг. — Sputnik. Instagram колдонуучулар фейк контенттерди кабарлап турган жаңы функцияны ишке киргизет. Бул тууралуу Poynter порталы кабарлады.

Күмөн жараткан контент тууралуу маалыматтан кийин соцтармактын адистери ошол аккаунттун ишенимдүүлүгүн анализдеп чыгышат.

Билдирмеге ылайык, жаңы функцияны менюдан тапса болот. Ал Instagram баракчасын ачканда оң тараптын жогору жагындагы бурчта турган үч чекитти басканда жеткиликтүү болот.

Колдонуучулар ал баскычты басып, кезек менен күмөн жараткан контенттерди "талапка жооп бербейт", "фейк" деп көрсөтүшөт.

Постторду модераторлор кол менен текшерип турат. Мындай маалыматтар өчүрүлбөйт, бирок аларды жайылтууга атайын хештегдин жардамы менен тыюу салынат.

244
Белгилер:
социалдык тармак, функция, Instagram
Тема боюнча
WhatsApp, Instagram жана Facebook жакшы иштебей жатат