Спикер парламента Новой Зеландии Тревор Маллард на заседании с младенцем на руках. 21 августа 2019

Жыйында ымыркай алып отурган Жаңы Зеландиянын спикери элди элжиретти

399
(жаңыланган 12:48 23.08.2019)
Окуя 21-август күнү болгон.

БИШКЕК, 23-авг. — Sputnik. Социалдык тармак колдонуучуларын Жаңы Зеландия парламентинин колуна ымыркай алып отуруп жыйын өткөргөн спикери Тревор Маллард элжиретти.

The Guardian басылмасынын жазганына караганда, 65 жаштагы Маллард башка депутаттын алты жумалык ымыркайын "атасы тоскоолдуксуз иштеп алсын" деп алып отурган. Бул жыйын 21-август күнү болгон.

Залда ар кандай мыйзам долбоорлору тууралуу талкуулар жүрүп жатканда, төрага наристеге бөкөлкөдөн сүт берип отурган.

Бул учурда транспорт министри Фил Твайфорд күйүүчү майдын баасы, коргоо министри Рон Марк коргонуу саясаты боюнча документтин эскилиги жөнүндө сөз кылып жатканы айтылат. Ал эми Улуттук партиянын мүчөсү Марк Митчелл өкмөттү катуу сынга алууга жетишти.

"Адатта төраганын ордунда өзүм эле отурчумун. Бирок бүгүн мени менен чогуу VIP-конок бар. Кесиптештерди "үй-бүлөбүздүн" жаңы мүчөлүү болушу менен куттуктайм!" — деп жазды спикер Twitter баракчасына.

​Тревор Малларддын сүрөтү социалдык тармактарда катуу талкууланып, миңдеген лайктарды чогулта алды.

"Азаматсыз, спикер мырза! Лидерликтин жогорку үлгүсүн көрсөттүңүз. Позитивдүү ирмемдер үчүн рахмат", — деп жазды Кора Лунн аттуу колдонуучу.

​"2019-жылдын мыкты сүрөтү десек болот. Саясатчылар менен карапайым адамдар бирдей, бири-бирине окшош экенин далилдедиңиз", — деген билдирүүнү Видит Патил аттуу адам калтырган.

Сүрөткө өз пикирин Жашылдар партиясынын депутаты Гарет Хьюз дагы билдирди.

"Парламентте ымыркайдын болушу абдан жагымдуу көрүнүш", — деп жазды ал.

​Мындан эки жыл мурда Австралияда 40 жаштагы сенатор Ларисса Уотерс парламенттин жыйынында жаңы төрөлгөн кызын эмизген видео тарап, көпчүлүккө позитив тартуулаган.

399
Белгилер:
ымыркай, спикер, парламент, Жаңы Зеландия
Тема боюнча
Австралиялык депутат парламентте сүйлөп жатып бала эмизди. Видео
Сөгүнгөн саясатчы мыйзам бузду делбейт. Саясий кызматкерлерди тарбиялоо жолу барбы?
Норканын терилери. Архив

Израиль биринчилерден болуп аң тери буюмдарын сатууга тыюу салды

4
(жаңыланган 11:14 13.06.2021)
Мыйзам бузгандарга 75 миң шекель (23 миң доллардай) өлчөмүндө айып пул салынат же бир жылга чейин эркинен ажыратылмакчы.

БИШКЕК, 13-июн. — Sputnik. Израиль биринчилерден болуп аң тери буюмдарын сатууга тыюу салды. Бул тууралуу National Geographic жазды.

Жапайы жаныбарларды коргоо жобосуна өзгөртүүлөрдү киргизүүнү сурамжылоого катышкандардын 86 пайызы колдогон. Ал 2021-жылдын декабрь айында күчүнө кирет. Тиешелүү документке өлкөнүн айлана-чөйрөнү коргоо министри Гила Гимлиэль кол койгон.

Израилде мындан ары аң терилеринен тигилген кийимдер менен алардан жасалган буюмдарды өндүрүүгө жана сатууга лицензия берилбей турганы айтылат. Мыйзам бузгандарга 75 миң шекель (23 миң доллардай) өлчөмүндө айып пул салынат же бир жылга чейин эркинен ажыратылат.

Бирок мыйзамда бир нерсеге уруксат берилген: аң терилери илим-изилдөө иштеринде жана диний жөрөлгөлөрдө колдонулат. Бул хасид жамааттары (штраймл) кара териден тигилген баш кийим кийгендери менен байланыштуу.

Дүйнөлүк уюмдар бул кадамды "тарыхый жеңиш" деп атаган.

4
Белгилер:
мыйзам, тыюу салуу, сатуу, тери, жаныбарлар, Израиль
Тема боюнча
Кочкордогу фотокапканга түшкөн жаныбарлардын жаңы сүрөттөрү
Кыз талиясын ченеп жатат. Иллюстративдик сүрөт

Дарыгер диетасыз, залга барбай эле арыктоонун жолун айтты

50
Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт.

БИШКЕК, 13-июн. — Sputnik. Диетолог Тамила Арсеньева тез жана ден соолукка зыян келтирбей, диетасы жок, машыгуу залына барып оор көнүгүү жасабай эле арыктоонун сырлары менен бөлүшкөнүн РИА Новости жазды.

Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт. Рациондо сөзсүз түрдө курамында клетчаткасы көп азыктардын болушу керек. Анткени клетчатка ичегинин иштөөсүн жакшыртып, адамды ток алып жүрөт.

Организмге белокко бай азыктар, жалбырактуу жашылча, чөп-чар, мөмө-жемиштер да керек.

Диетолог кумшекерди, кофе, газдалган суусундук жана ичимдикти азайтуу керектигин да белгилеген.

"Жок дегенде ушуларды тизмеден чийип салсаңар бир айда беш килограммга чейин салмак таштоого болот. Арыктоону каалагандар суу ичкенди да билиши керек. Таттуу суусундук тууралуу айтканым жок. Кадимки сууну басып-туруп ичсе, ал зат алмашууну 20 пайызга чейин ылдамдатат", — деди адис.

Арсеньева зат алмашууну ылдамдатууга спорт да жакшы жардамчы экенин айтып, ага кыймылдын бардык түрү, ал тургай жөө басуу да кирерин белгилеген.

Адис стресстен оолак болууну эскертип, кыйын учурда кызыктуу ишке алаксып кетүүнү сунуштаган. Мисалы, фитнес, йога же китеп окуп алаксып, достор менен баарлашууга кеңеш берген.

50
Белгилер:
рацион, тамак, машыгуу, диета, арыктоо, диетолог
Тема боюнча
Дарыгер: майы жок азык менен арыктоо тукумсуздукка алып келиши мүмкүн
Диетолог жумуртканы эртең мененки тамакка колдонбой эле коюуга чакырды
Жылдыздуу асман. Архив

Июндун аягында кыргызстандыктар жылдыз жааган түнгө күбө болот

0
(жаңыланган 11:18 13.06.2021)
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

БИШКЕК, 13-июн. — Sputnik. 28-июнга караган түнү Июнь Боотиддеринин метеордук агымы өзүнүн жогорку чегине жетет. Бул тууралуу Москва планетарийинен кабарлашты.

Россия илимдер академиясынын жана Роскосмостун космосту изилдөө институту түзгөн асмандын интерактивдүү рентгендик картасы
© Фото / Институт космических исследований Российской академии наук, Роскосмос
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

Жылдыздардын акыркы активдүү учканы 1998 жана 2004-жылдары байкалган. Ачык булактардагы маалыматтарга караганда, Боотиддер атмосфера аркылуу өтүп бара жатып жарылып, жарык чыгарган учурлар дагы болот.

Июнь Боотиддери — жылдыздардын 1916-жылы ачылган агымы. Жыл сайын 26-июндан 2-июлга чейин байкалат.

0
Белгилер:
аалам, июнь, учуу, жылдыз, асман
Тема боюнча
Кытай алгачкы жолу Марска космостук аппаратын кондурду