Индиялык жубайлар. Архив

Индияда сагыздын айынан аялына талак берген эркек соттолмой болду

1699
Индияда талак жолу менен ажырашууга 2017-жылы тыюу салынган.

БИШКЕК, 24-авг. — Sputnik. Индияда кадимки сагыздын айынан эрди-катын ажырашып, эми күйөөсү соттолуу алдында турат. Бул тууралуу Daily Mail басылмасы жазды.

Уттар-Прадеш штатындагы Лакхнау шаарында жашаган Сайед Рашид аялы менен түтүн булатып келе жатканына 15 жыл болгон. Өткөн айда ал жубайы менен жайбаракат сүйлөшүп отуруп, ага сагыз сунган. Аялы чайнабайм дегенине карабай, кайра-кайра айта берип, аягында экөө уруша кеткен. Ошол маалда кыжыры келип турган Рашид жубайына үч ирет талак берип койгон.

"Эми анын үстүнөн кылмыш иши козголуп, жубайлар 19-август күнү соттун биринчи отурумуна келишти. Мыйзамга ылайык, аялына талак бергендиги үчүн эркек бир нече жылга эркинен ажырашы мүмкүн", — деп жазылат макалада.

Көрсө индиялык мусулмандар арасында талак жолу менен ажырашуулар көбөйүп кетип, Жогорку сот аялдардын укугун коргоо максатында 2017-жылы "талак" түшүнүгүнө мыйзамдуу түрдө тыюу салыптыр. Ошондон бери үч сөз айтып эле ажырашам деген эркектердин саны кескин азайган.

Талак — арабчадан которгондо "бошотуу". Мыйзамды эске албастан, шарият эрежелерине ылайык үч ирет "талак" деген сөздү айтып туруп оозеки ажырашуу.

1699
Белгилер:
ажырашуу, сагыз, талак, Индия
Тема боюнча
Индияда талак берип ажырашууга тыюу салынды
Мындан ары имамдар никени жөн эле кыя бербейт. Шарт-талабы
Хакасияда болгон жол кырсыгы

Эс алам деп... Хакасиядагы жол кырсыгында кыргызстандык жигиттер каза болду

132
(жаңыланган 17:02 12.08.2020)
Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

БИШКЕК, 12-авг. — Sputnik. Хакасияда беш кыргызстандык жол кырсыгына кабылып, экөө көз жумду. Бул тууралуу аймак боюнча Жол кыймылы коопсуздугун камсыздоо башкармалыгынын "ВКонтакте" тармагындагы баракчасына жарыяланды.

  • На месте ДТП с кыргызстанцами в Хакасии
    Хакасияда беш кыргызстандык жол кырсыгына кабылып, экөө көз жумду
    © Фото / УГИБДД Хакасии
  • На месте ДТП с кыргызстанцами в Хакасии
    Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.
    © Фото / УГИБДД Хакасии
1 / 2
© Фото / УГИБДД Хакасии
Хакасияда беш кыргызстандык жол кырсыгына кабылып, экөө көз жумду

Маалыматка караганда, кыргызстандыктар Красноярск крайынан көлгө түшүп, эс алуу үчүн барышкан. Кырсык 11-август күнү саат 13:50дө Ачинск — Ужур — Шира — Троицкое автожолунун 232-чакырымында болгон.

Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

"Кесепетинде арткы орундуктагы эки киши көз жумган. Айдоочу менен 24 жана 20 жаштагы эки жигитке медициналык жардам көрсөтүлдү. Бирок алар ооруканага жаткан жок", — деп айтылат кабарда.

Машина талкаланган. Бишкектин четиндеги үрөй учурган кырсыктын видеосу

Кырсыктын чоо-жайы иликтенип жатат.

132
Белгилер:
өлүм, жол кырсык, Хакасия, Россия
Тема боюнча
Бетме-бет сүзүшкөн. Көлдөгү жол кырсыктын чоо-жайы

"Данияр, сен чынчыл адам экенсиң". Лукашенко менен Үсөновдун жолуккан видеосу

2550
(жаңыланган 13:38 12.08.2020)
10-августта Беларусь президенти Александр Лукашенко агро өнөр жай комплексинин долбоору менен таанышты. Долбоор тууралуу ага Даниил Урицкий айтып берген. Жолугушууга Кыргызстандын ТИМи реакция кылды.

Беларустун президенти Александр Лукашенко Минск облусуна барып, жогорку технологиялык агро өнөр жай толук циклдүү өндүрүшүнүн инвестициялык долбоору менен таанышты. Аны Даниил Урицкий (Данияр Үсөнов азыр өзүн ушинтип атап жүрөт) жетектеген "Беларусь улуттук биотехнологиялык корпорация" жабык акционердик коому ишке ашырууда. Бул боюнча СТВ сюжет даярдаган.

Долбоор тууралуу айтып берип жаткан Урицкий алардын баасы дүйнөлүк нарктан жогору экенин айтып, "биздин дыйкандын эмгеги татыктуу бааланышы керек" деген.

Данияр Үсөнов менен Лукашенконун сүрөтү. Бишкекте ТИМ Беларусь элчисин чакыртты

Андан соң Лукашенко колун Урицкийдин ийинине коюп: "Саясат бул жерде, Данияр, бирөө гана болушу керек, ал адамдар. Мен сенин принципиалдуу, чынчыл адам экениңди, белорустарды таарынтпай турарыңды көрүп турам, анткени алар эмгекчилдик жагынан кыргыздарга окшош", - деп айтканын көрүүгө болот.

Бул жолугушуунун сүрөттөрү 10-августта эле тарап, Кыргызстандын Тышкы иштер министрлиги Беларусь Республикасынын элчилигинин өкүлүн чакырган. Анда кыргыз тарап КРдин мурунку премьер-министри, соттолуп издөөдө жүргөн Данияр Үсөновдун ээн-эркин жүрүшү боюнча түшүндүрмө талап кылган. 

Мужчина, похожий на беглого премьер-министра КР Данияра Усенова, который сегодня именует себя Даниилом Урицким с президентом Беларуси Александром Лукашенко на встрече в Минской области
Өзүн Даниил Урицкий деп атаган качкын өкмөт башчы Данияр Үсөновго окшош кишинин Беларустун президенти Александр Лукашенко менен түшкөн сүрөтү

Курманбек Бакиевдин тушундагы акыркы өкмөт башчы кызматынан Апрель революциясынан кийин кол жууган. Үсөнөвдун өкмөтү болгону 3,5 ай иштеди. Ал апрель окуясы боюнча сыртынан соттолуп, учурда Даниил Урицкий болуп Беларуста жашайт.

2550
Белгилер:
жолугушуу, Сүрөт, Тышкы иштер министрлиги, Александр Лукашенко, Даниил Урицкий, Данияр Үсөнов
Тема боюнча
Жээнбеков Лукашенкону кайрадан президент болуп шайланышы менен куттуктады
Лукашенко Данияр Үсөновго окшош киши менен жолукту. Сүрөт
Грузовики-цистерны припарковались в хранилище и диспетчерском пункте Petroleos Mexicanos (Pemex), принадлежащей государственной нефтяной компании Мексики, в порту Веракрус, Мексика. 30 декабря 2016 года

Бишкек Ош жолунда эки бензовоз өрттөнүп, бир киши каза болду. Видео

0
Кырсыктын бири Чычкан капчыгайында болсо, экинчи автоунаа Ала-Белде оодарылып кетти. Жыйынтыгында бир киши көз жумду.

БИШКЕК, 12-авг. — Sputnik. Бүгүн Бишкек — Ош автожолунда эки бензовоз кырсыктап, өрттөнүп кетти. Бул тууралуу ӨКМдин маалымат кызматынан билдиришти.

Окуя болгон жерде тартылган видеолор "Короче" Тelegram-каналына жүктөлдү.

Биринчи окуя Токтогул районундагы Чычкан капчыгайында катталды. Бишкек — Ош унаа жолунун 239-чакырымында күйүүчү май ташыган оор жүк ташуучу унаанын прицеп-цистернасынан өрт чыккан.

"Өрттү өчүрүүгө саат 12:19да Токтогул райондук №97 Өрт-куткаруу кызматынан бир бөлүм тартылган. Бирок от куураган чөпкө өтүп кеткендигине байланыштуу кошумча 24 куткаруучу, Токой чарбачылыгынан тогуз кызматкер тартылган. Унаалардын өтүүсү жол инспекторлору тарабынан көзөмөлдөнүүдө", — дешти ӨКМден.

Экинчи кырсык Ала-Белде болгон. Саат канчада жана кандай жагдайда болгону такталып жатат. Азырынча өрттөнгөн автоунаанын ичинде бир адам каза болгону белгилүү.

0
Белгилер:
ӨКМ, автоунаа, өрт, Жалал-Абад, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкекте кафеден өрт чыкты. Видео
Эс алам деп... Хакасиядагы жол кырсыгында кыргызстандык жигиттер каза болду