Бразилия менен Франциянын президенттери Жаир Болсонару жана Эммануэль Макрон. Архивдик сүрөт

Макрондун аялын Бразилиянын президенти мазактап... Өрттөн чыккан чыр

1602
(жаңыланган 11:58 27.08.2019)
Дүйнө коомчулугунун назарын өзүнө бурган бул кайым айтышууларга себепчи Амазондогу өрт болгон.

БИШКЕК, 27-авг. — Sputnik. Дүйнөлүк интернет айдыңында Бразилия менен Франциянын президенттери Жаир Болсонару жана Эммануэль Макрондун кайым айтышуусу өрттөн улам башталып, акыры аялдарынын сырткы көрүнүшүнө чейин жетти. Бул туурасында BBC баштаган бир топ басылмалар жазды.

Коомчулук президент Болсонару кесиптеши Макрондун жубайынын кебетесин мазактады деген пикирде турат.

Болсонарунун тарапташтарынын бири Facebook тармагына эки президенттин аялдары — 66 жаштагы Брижитт Макрон менен 39 жаштагы Мишель Болсонарунун сүрөтүн койгон. Анын алдына "Эммануэль Макрондун Болсонарунун артынан түшүп алгандыгын эми түшүндүңөрбү?"— деген пост жазган.

Ал эми буга Бразилия президентинин расмий аккаунтунун "Досум, эми аны мазактабай эле кой, ха-ха", — деген комментарийин окууга болот.

Муну Эммануэль Макрон өтө одоно жана көңүлдү чөгөрө турган комментарий деп баалаган.

"Ал менин аялыма карата урмат-сыйы жок кеп-сөз айтты. Бразилия элине сый-урматым чоң. Бул элде өзүнүн милдетин аткарууга даяр болгон президенти тезирээк шайланат деп үмүт кылам", — деп айткан ал Биаррицте берген маегинде.

Ал эми Бразилиянын мамлекет башчысынын маалымат кызматы бул боюнча комментарий берүүдөн баш тарткан.

Дүйнө коомчулугунун назарын өзүнө бурган бул кайым айтышууларга себепчи Амазониядагы өрт болгон.

"Чоң жетиликтин" саммитинде Франция президенти Бразилия бийлигин Амазония аймагында чыккан токойдогу өрт менен күрөшүүгө маани бербей жатат деген тейде сынга алган. Мындан улам дипломатиялык тиреш башталган.

Макрон тилсиз жоого каршы турууга шашылыш кеңеш уюштуруп, анда өнүккөн өлкөлөрдүн кантип жардам берүүсүн талкуулоо керек деген сунушун айткан.

"Мындайча айтканда, биздин үйүбүз күйүп жатат. Амазониянын тропикалык токою — дүйнөнү дем алдырып жаткан өпкөсү, ал Жер жүзүндөгү кычкылтектин 20 пайызын бөлүп чыгарат. Бул — эл аралык каатчылык. Келгиле, "Чоң жетиликтин" мүчөлөрү жакынкы эки күндө бул маселени талкуулайлы", — деп жазган Макрон Facebook тармагына. Бул саммиттин алдында болгон эле.

Франция лидерине жооп кылган Бразилия аларга кол сунган Францияны колониалдык ой-туюмдан алигиче арыла элек деп сындаган.

1602
Белгилер:
айым, өрт, Брижит Макрон, Эммануэль Макрон, Амазония, Бразилия, Франция
Тема боюнча
Трамп G7 лидерлери менен мамилеси кандай экенин айтып берди
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

65
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

65
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш

Тынчтыкка карай... Россия Тоолуу Карабахка кандай жардам берип жатат

147
Өзүн-өзү эркин деп жарыялаган Тоолуу Карабах республикасынын жашоочулары согуштан кийин акырындык менен үйлөрүнө кайта баштады. Аларга россиялык тынчтык орнотуучулар менен ӨКМ куткаруучулары жардам берүүдө.

Аскер инженерлери согуш учурунда талкаланган аймакта байланыш каражаттары менен инфраструктураны калыбына келтирүүгө жардам берүүдө. Ошондой эле жол кыймылы калыбына келип, борбор калаада коомдук транспорт каттай баштады.

Адистер мурда согуш талаасы болгон аймактын ар бир метринен жарылуучу заттарды издеп, учурда 2 гектар аймак менен 3 чакырым жолду тыкыр карап чыгышты. Көптөгөн жарандык жана социалдык объектилер текшерилди.

147
Белгилер:
жашоо, эл, тынчтык, Тоолуу Карабах, Россия
Тема:
Тоолуу Карабахтагы жаңжал
Тема боюнча
Кадам сайын жарылбасын! Карабахтагы миналарды зыянсыздандыруу аракеттери
Карабахтагы сириялык туркомандар: согушууга барышканбы же жайгашуугабы?