Казакстандык ырчы Димаш Кудайберген. Архив

Димаш оорулуу кыздын кыялын аткарды. Сүрөт

297
Казандагы хосписте ооруп жаткан Лейсан менен жолукканга атагы таш жарып бара жаткан ырчы Димаш убакыт деле таппаса керек деп ойлошкон.

БИШКЕК, 28-авг. — Sputnik. Ырчы Димаш Кудайберген Казань шаарындагы хосписке барып, оор илдет менен жаткан жана World Skills Kazan 2019 салтанатынын жабылышына барууну каалаган күйөрманына жолугуп кайтты.

Посмотреть эту публикацию в Instagram

Публикация от Фонд имени Анжелы Вавиловой (@angela_vavilova)

Лейсан алып баруучу Андрей Малаховдун телеберүүсүндө Димаштын чыгармачылыгы аны шыктандырып, алдыга сүрөй тургандыгын айткан эле.

"Ырларын укканда менин жашоом дагы алдыда экендигин түшүнөм", — деген кыз.

Лейсан ырчынын Казандагы концертине барууну кыялданып жүргөн. Бирок бешинчи химиотерапиядан кийин кыялы ишке ашпай калганын Анжела Вавилова атындагы фондудан билдиришти.

"Бул жагдайдан кийин кыздын кыялын орундатуу үчүн Димашты биздин хосписке чакырганбыз, бирок анын убакыт таап келерине анча ишене бербеген элек. Себеби анын учуп келүүсү, репетициясы, масштабдуу иш-чарасы бар эле. Бирок Димаш убакыт таап, сөзүбүздү четте калтырган жок. Акыркы мүнөттөргө чейин Лейсанга атактуу ырчынын келерин айткан жокпуз. Димашты көргөндөгү кыздын кубангандыгын сөз менен айтып бере албайбыз", — деп жазылган аталган фондунун Instagram баракчасында.

Димаш күйөрман кыздан тез арада сакайып кетүү боюнча убадасын алып жана өзүнүн концертине чакырган. Лейсан менен эстелик үчүн сүрөткө түшүп, кол тамгасын калтырган.

"Ал баарыбызды кучактады. Биз Димаш жана анын командасына, World Skills Kazan 2019 командасына ыраазыбыз. Периштебиздин кыялын аткарууга көмөктөшкөн, бактылуу мүнөттөрдү тартуулоого ар бир адамдарга рахматыбызды айтабыз. Көз алдыңда эле керемет болоруна, аны жасоо колдон келерине күн сайын ынанып жатабыз", — деп айтышкан хоспистен. 

Казанда 22-27-августта World Skills салтанаты өтүп, ага 63 өлкөдөн 1 300 конкурсант катышкан. Иш-чаранын жабылышында Димаш "Там, где живет любовь" деп аталган ырды аткарган.

297
Белгилер:
кол тамга, кыял, Димаш Кудайберген, Казакстан
Тема боюнча
Жеки Чандын Димаштын ырдаганына суктанып жана таңгалган видеосу
Димаштын жаңы ырына клип. Видео
Улуу акын Александр Сергеевич Пушкиндин эстелиги. Архивдик сүрөт

Дүйнөнүн атактуулары Пушкиндин чыгармаларын түз эфирде окушат

16
(жаңыланган 13:15 06.06.2020)
Иш-чара улуу акын Александр Сергеевич Пушкиндин 221 жылдыгына жана Орус тили күнүнө арналат. Онлайн-трансляцияны "Россотрудничество" мекемеси Facebook баракчасында Бишкек убактысы менен саат 17:00дө баштайт.

БИШКЕК, 6-июн. — Sputnik. Бүгүн "Почитаем Пушкина" адабий-музыкалык марафону түз эфирде өткөрүлмөкчү. Бул тууралуу "Россотрудничество" мекемеси маалымдайт.

Иш-чара улуу акын Александр Сергеевич Пушкиндин 221 жылдыгына жана Орус тили күнүнө арналат. Онлайн-трансляцияны "Россотрудничество" мекемеси Facebook баракчасында Бишкек убактысы менен саат 17:00дө баштайт.

Түз эфирде белгилүү адамдар Пушкиндин ыр саптарын окуп, анын сөзүнө жазылган романстар аткарылат.

Иш-чараны "Россотрудничество" мекемесинин башчысы Элеонора Митрофанова ачып берип, акын жана драматург Жулиан Генри Лоуэнфельд алып барат.

Ага Россия, Бельгия, Улуу Британия, Индия, Ирландия, Кытай, Сербия, АКШ жана Франциядан ырчы, музыкант, акындар катышат.

Пушкиндин чыгармалары бир гана орус эмес, башка тилдерде дагы жаңырат.

16
Белгилер:
түз эфир, чыгарма, ыр, Александр Пушкин
Тема боюнча
Айтматов Пушкин, Толстойдон эмне үйрөнгөн? Орус адабиятынын таасири тууралуу 5 факты
Эмне үчүн Пушкин менен Шаляпиндин тилин үйрөнүү керек?
Алкоголдук ичимдик ичип жаткан адамдар. Арихв

Жай мезгили жаман адаттардан арылууга ыңгайлуу учур. ДССУнун сунушу

52
Туздуу, майлуу жана канты көп тамактардан баш тартууга жай мезгилинде жаңы бышып, ар бир дүкөндө сатылган жер-жемиштер жардам берет.

БИШКЕК, 6-июн. — Sputnik. Жай мезгили жаман адаттардан арылууга эң ыңгайлуу учур. Бул тууралуу Дүйнөлүк саламаттыкты сактоо уюмунун (ДССУ) Россиядагы өкүлү Мелита Вуйновичке таянып "Известия" басылмасы жазды.

"Азыркыдай жугуштуу илдет ар тараптан курчап турган кезде адам иммунитетин жакшыртышы керек. Ал үчүн ичимдик, чылым, туура эмес тамактануу, аз уктоо сыяктуу жаман адаттардан арылуу зарыл. Бул нерселердин баарын таштап коюуга күн жылуу, айлана жашыл болуп турган жай мезгили өтө ыңгайлуу", — деди Вуйнович.

Мисал катары ал туздуу, майлуу жана канты көп тамактардан баш тартууга жай мезгилинде жаңы бышып, ар бир дүкөндө сатылган жер-жемиштер жардам берерин айтат.

Ошондой эле жылуу мезгилдеги активдүү жашоо образы адамдын саламаттыгын бир топ жакшыртары кошумчаланды.

52
Белгилер:
чылым, ичимдик, ден соолук, жай, Дүйнөлүк саламаттыкты сактоо уюму
Тема боюнча
Сак болгула! Кан басымы жогоруларга COVID-19 өзгөчө кооптуу
Биринчи вице-премьер-министр Кубатбек Боронов Манас аэропортунун ички аба каттамдарын жандандыруунун алдындагы даярдык менен таанышты.

8-июнда ички каттамдар жанданат. Боронов аэропорттун даярдыгы менен таанышты

0
(жаңыланган 14:14 06.06.2020)
Вирустун клиникалык белгилери аныкталган шартта жаран ооруканага жаткырылат. Клиникалык белгилери жок жүргүнчүлөр анкеталык маалыматтарды толтурат.

БИШКЕК, 6-июн. — Sputnik. Биринчи вице-премьер-министр Кубатбек Боронов "Манас" аэропортунун ички аба каттамдарын жандандыруунун алдындагы даярдык менен таанышты. Бул тууралуу өкмөттүн маалымат кызматынан билдиришти.

Бороновго кызматкерлер коронавирус инфекциясынын жайылышын алдын алуу боюнча аракеттердин алгоритми, аэропорттун көзөмөл пункту аркылуу өткөн жүргүнчүлөрдү текшерүү тартиби тууралуу айтып беришти.

  • Первый вице-премьер-министр Кубатбек Боронов посетил Международный аэропорт Манас и ознакомился с подготовкой к возобновлению внутренних авиарейсов.
    Биринчи вице-премьер-министр Кубатбек Боронов "Манас" аэропортунун ички аба каттамдарын жандандыруунун алдындагы даярдык менен таанышты.
    © Фото / пресс-служба правительства / Алишер Алиев
  • Сотрудник проходит дезинфекцию в тоннеле в Международном аэропорту Манас, где идет подготовка к возобновлению внутренних авиарейсов.
    Бороновго кызматкерлер коронавирус инфекциясынын жайылышын алдын алуу боюнча аракеттердин алгоритми, аэропорттун көзөмөл пункту аркылуу өткөн жүргүнчүлөрдү текшерүү тартиби тууралуу айтып беришти.
    © Фото / пресс-служба правительства / Алишер Алиев
  • Первый вице-премьер-министр Кубатбек Боронов посетил Международный аэропорт Манас и ознакомился с подготовкой к возобновлению внутренних авиарейсов.
    Узатуучу жана тосуп алган жарандар үчүн аэробекетке кирүү убактылуу чектелген, алар үчүн күтүүгө өзүнчө орун даярдалган.
    © Фото / пресс-служба правительства / Алишер Алиев
  • Самолеты в Международном аэропорту Манас, где идет подготовка к возобновлению внутренних авиарейсов.
    Алсак, "Манас", "Ош" жана "Ысык-Көл"аэропортторунун аэробекеттер комплексинин имаратына ошол күнгө билети бар жүргүнчүлөр жана ден соолугунан мүмкүнчүлүгү чектелген адамдарды коштогондор гана киргизилет.
    © Фото / пресс-служба правительства / Алишер Алиев
  • Дезинфекционный тоннель в Международном аэропорту Манас, где идет подготовка к возобновлению внутренних авиарейсов.
    Аэробекеттер имаратынын кире беришинде бардык жүргүнчүлөр жана жүк милдеттүү түрдө дезинфекциялоочу туннелден, термометрдик көзөмөлдөн жана дене табын тепловизордук камералар менен ченөөдөн өткөрүлөт.
    © Фото / пресс-служба правительства / Алишер Алиев
  • Первый вице-премьер-министр Кубатбек Боронов посетил Международный аэропорт Манас и ознакомился с подготовкой к возобновлению внутренних авиарейсов.
    Вирустун клиникалык белгилери аныкталган шартта жаран ооруканага жаткырылат. Клиникалык белгилери жок жүргүнчүлөр анкеталык маалыматтарды толтурушат.
    © Фото / пресс-служба правительства / Алишер Алиев
1 / 6
© Фото / пресс-служба правительства / Алишер Алиев
Биринчи вице-премьер-министр Кубатбек Боронов "Манас" аэропортунун ички аба каттамдарын жандандыруунун алдындагы даярдык менен таанышты.

Алсак, "Манас", "Ош" жана "Ысык-Көл"аэропортторунун аэробекеттер комплексинин имаратына ошол күнгө билети бар жүргүнчүлөр жана ден соолугунан мүмкүнчүлүгү чектелген адамдарды коштогондор гана киргизилет.

Узатуучу жана тосуп алган жарандар үчүн аэробекетке кирүү убактылуу чектелген, алар үчүн күтүүгө өзүнчө орун даярдалган.

Аэробекеттер имаратынын кире беришинде бардык жүргүнчүлөр жана жүк милдеттүү түрдө дезинфекциялоочу туннелден, термометрдик көзөмөлдөн жана дене табын тепловизордук камералар менен ченөөдөн өткөрүлөт.

Вирустун клиникалык белгилери аныкталган шартта жаран ооруканага жаткырылат. Клиникалык белгилери жок жүргүнчүлөр анкеталык маалыматтарды толтурушат.

Сөзсүз түрдө бет кап тагынып, аралыкты сактоо зарыл экени дагы айтылат.

"Ички аба каттамдарын жандандыруу инфекциянын жайылышы боюнча белгилүү бир тобокелдиктерди алып келет. Ошондуктан бардык көзөмөлдөөчү органдар текшерүү алгоритмдерин так аткарып, зарыл шартта ыкчам чара көрүүгө тийиш. Келген жүргүнчүлөргө көзөмөл катуу болушу шарт", — деди Боронов.

Мындан тышкары ал билет баасынын жогору экендиги тууралуу жарандардын кайрылуулары болуп жатканын айтты. Тармактык органдарга бул маселени иштеп чыгып, жөнгө салуу тапшырмасын бергендигин билдирди.

Эске салсак, Кыргызстанда 8-июндан баштап ички рейстердин иши жанданат.

0
Белгилер:
коронавирус, каттам, аэропорт, Кубатбек Боронов, кыргызстандыктар
Тема:
Коронавируска байланыштуу Кыргызстандагы кырдаал
Тема боюнча
Учактан оору жуктуруп албаш үчүн эмне кылуу керек. Кеңеш
Министр: Бишкек — Оштун ортосунда авиакаттам жумасына бир эле жолу болот