Кара өрүк. Архив

Күзүндө оорутпай турган үч азык аталды. Диетологдун сунушу

4511
Күзүндө дагы жаз мезгили сыяктуу организмге витаминдер жетишпей турганы белгилүү.

БИШКЕК, 30-авг. — Sputnik. Күзүндө ден соолукту чыңдоо үчүн кайсы жемишти жана жашылчаны көбүрөөк жеш керектигин Sputnik Тажикстан диетологдорго таянып жазды.

Адистин айтымында, ашкабак организмге абдан пайдалуу азык. Анын курамындагы бета-каротин көздүн көрүүсүн, терини жакшыртып, денедеги былжыр челдерди калыбына келтирет.

Ошондой эле иммунитетти чыңдап, жөтөлдүн алдын алат. Ашкабактын курамындагы А витамини рактан жана меланомадан сактайт. Ал эми калий жүрөк-кан тамыр ооруларын болтурбайт. Ашкабак кандай бышырылса да пайдалуу касиеттерин жоготпой турганы белгиленет.

Кара өрүк дагы организмге аба менен суудай керек. Андагы антиоксиданттардын көптүгү картаюу процессин кечеңдетет. Мындан тышкары, кара өрүктө клетчатка, пектин жана С витамини бар.

Алмурут тамак сиңирүүгө жардам берет. Курамында калий, магний жана пектин бар. Адам тамакка ууланганда же холестериндин калдыктарын чыгарам дегенде алмурут жардамга келери белгиленген. Аны жада калса десерт катары же ботконун ордуна жесе болору айтылат.

4511
Белгилер:
мөмө-жемиштер, ден соолук, күз
Тема боюнча
Медиктер кайсы топтогу кан өтө кооптуу экенин аныкташты
Анар ширеси түйүлдүктүн мээсине да таасир этет. Жаңы иликтөө
Курулуш иштери. Архив

ЕАЭБ курулуш жаатындагы адистердин билим, эмгек стажын тааныган келишим түзөт

24
(жаңыланган 22:40 04.12.2020)
ЕАЭБдин өкмөттөр аралык кеңешинин мүчөлөрү курулуш тармагында кызмат көрсөткөндөрдүн бирдиктүү рыногун жакшыртуу боюнча иш-чаралардын планын бекитишкен.

БИШКЕК, 4-дек. — Sputnik. Курулуш жаатында жетектөөчү адистердин (архитектор, инженер) квалификациясын ич ара таануу боюнча ЕАЭБ өлкөлөрүнүн ортосунда келишим түзүлөт. Бул тууралуу ЕЭК маалымат кызматы кабарлады.

Ага ылайык, ЕАЭБдин өкмөттөр аралык кеңешинин мүчөлөрү курулуш тармагында кызмат көрсөткөндөрдүн бирдиктүү рыногун жакшыртуу боюнча иш-чаралардын планын бекитишкен.

Курулуш тармагында кызмат көрсөткөндөрдүн бирдиктүү рыногу ЕАЭБде 2014-жылы эле түзүлгөн. Анын ичинде инженердик изилдөө, архитектуралык долбоорлоо, курулуш, реконструкция, капиталдык курулуштан өтө турчу объектилерди ремонттоо кызматтары бар болчу.

"ЕЭК комиссиясы биримдиктеги мамлекеттер курулуш тармагындагы бирдиктүү рыноктун иштөө механизмин толугу менен камсыз кылбай койгонун аныктаган. Башкача айтканда, андагы талаптар аткарылган эмес. Алсак, курулуш тармагындагы адистер өз өлкөсүнөн тийиштүү уруксаттарды алганы менен ЕАЭБге мүчө мамлекеттерге барганда анысы жарабай, тоскоолдуктарга кабылчу. Мындан сырткары, ЕАЭБге мүчө мамлекеттердин куруучулары ошол эле биримдиктин курамындагы башка өлкөлөргө барганда ал жактын юридикалык уруксаты жок кызмат көрсөтө албай келишкен", — деп айтылат маалыматта.

ЕЭКтен түшүндүрүшкөндөй, иш-чаралардын планы бул көйгөйдү акырындык менен чечүүгө жардам берет.

Курулуш жаатында жетектөөчү адистердин (архитектор, инженер) квалификациясын ич ара таануу боюнча план бардык мамлекеттердин сунуш-пикирлерин эске алуу менен иштелип чыгып, 2022-жылы бул боюнча эл аралык келишим түзүлүшү күтүлүүдө.

Ал документке ылайык, куруучулардын билими, квалификациясы жана эмгек стажынын баары ЕАЭБге мүчө мамлекеттерде бирдей таанылат.

24
Белгилер:
келишим, квалификация, адис, курулуш, мамлекет, Евразиялык экономикалык биримдик
Тема:
ЕАЭБдеги Кыргызстан
Тема боюнча
ЕАЭБ өсүмдүк майынын зыяндуулугун азайтуу үчүн атайын норма иштеп чыгат
ЕАЭБ аймагында "COVID жок саякаттайм" тиркемеси ишке кирет. Артыкчылыгы

Крымдан улам НАТО Россия армиясына тыюу салууга кыялданып келет

78
Йенс Столтенберг НАТО Россиянын кадамдарына карап, ага жооп иретинде Кара деңизге көбүрөөк күчүн жайгаштыра тургандыгын айтты. Бирок Түндүк атлантикалык альянстын башкы катчысы аскердик блоктун күчтөрү Россиянын чек арасында эмне кылып жүргөндүгүн түшүндүргөн жок.

Андан сырткары, Россия эмне үчүн өзүнүн аймагын НАТО тараптан улам арбыган коркутуп-үркүтүүлөрдөн коргобошу керек дегенге да жооп бере алган жок.

Акыркы учурда альянс тараптан Россия чек арасына жакын аймактарда көбөйүп кеткен агрессиялык аракеттер арбыгандыктан, Россия өзүнүн коопсуздугун камсыздаганга аргасыз.

78
Белгилер:
чагымчыл, чек ара, Крым, НАТО, Россия, АКШ
Тема боюнча
НАТО Кара деңизге чыгууда. Альянс Крымда Россияны кысымга алмакчыбы?
Грузиядагы "Татыктуу өнөктөш-2020" аяктады. НАТО аскерлери өлкөдө эмне кылды
Кыргызстандын экономика министри Санжар Мукамбетов. Архив

Мукамбетов: Кытай Кыргызстан Өзбекстан темир жолу ЕАЭБде жаңы рынокторду ачат

0
Министр темир жолду куруу иштерине кызыкдар мамлекеттер гана эмес, ЕАЭБдин структуралары анын ичинде банк жана башка өнүктүрүү институттары да катышуусу керек деп эсептейт.

БИШКЕК, 5-дек. — Sputnik. Кытай — Кыргызстан — Өзбекстан темир жолу ЕАЭБде жаңы рынокторду ачат. Бул тууралуу Кыргызстандын экономика министри Санжар Мукамбетов билдирди.

4-декабрда Евразия өнүктүрүү банкы тарабынан уюштурулган биринчи Евразия конгресси өттү.

Форумдун алкагында министр Sputnik Кыргызстан агенттигине Кыргызстандын ЕАЭБдеги артыкчылыктарын айтып берди.

"Биз ЕАЭБдин түштүк чек арасында жайгашканбыз. Кыргызстан аркылуу Кытай, Индия жана Пакистанга жол ачылат. Тилекке каршы, бул ири рыноктор Кыргызстан тарабынан колдонулбай жатат. Кытай — Кыргызстан — Өзбекстан темир жолу курулса ЕАЭБге көп пайда алып келмек", — деди Мукамбетов.

Анын айтымында, бул ири долбоор көп жылдардан бери ишке ашпай келе жатат.

"Кыймыл бар. Жолдун узундугу, казылуучу тоннелдердин саны, калктуу конуштарды аралап өтүүчү участоктор талкууланып жатат. Бирок бул маселеде саясий чечим талап кылынат. Ошондой эле бул долбоорго кызыкдар мамлекеттер гана эмес, ЕАЭБдин структуралары анын ичинде банк жана башка өнүктүрүү институттары да катышуусу керек", — деди министр.

Кытай менен байланыштыра турган аталган темир жол долбоору 20 жылга чукул убакыттан бери талкууланып келе жатат. Маршруттун бир нече варианттары каралган. Алардын ичинен Кытайдан Кыргызстан, Өзбекстан аркылуу Түркмөнстанга өтүп, андан ары Иранга чыгуу да пландалган.

0
Белгилер:
министр, Өзбекстан, Кытай, Кыргызстан, темир жол, Евразиялык экономикалык биримдик
Тема:
ЕАЭБдеги Кыргызстан
Тема боюнча
Жээнбеков: Кытай — Кыргызстан — Өзбекстан темир жолун курууга Россия да кызыкдар
Кытай — Кыргызстан — Өзбекстан темир жолу: кандай сүйлөшүүлөр болуп жатат