Америкалык каскадер жана теле алып баруучу Жесси Комбс . Архивдик сүрөт

Рекорд коём деп жан берди. Каскадёр аял Комбстун өлүмү

2445
(жаңыланган 19:50 30.08.2019)
Ал аялдар арасында ылдамдык боюнча рекордду жаңылагысы келген.

БИШКЕК, 30-авг. — Sputnik. Америкалык каскадёр жана теле алып баруучу Жесси Комбс ылдамдык боюнча рекорд коём деп жол кырсыгынан каза болду. Бул тууралуу ABC7 News каналы билдирди.

Ага ылайык, окуя 27-августта Алворд чөлүндө болгон. Реактивдүү автоунааны саатына 996 чакырым менен айдоого аракет кылып кырсыктап, алган жаракатынан каза болгон.

Посмотреть эту публикацию в Instagram

Публикация от Jessi Combs (@thejessicombs)

ЖМКлардын жазышынча, Комбс каскадёр аял Китти О'Нилдин койгон рекордун жаңылоого белсенген. О'Нил 1976-жылы саатына 843 чакырым ылдамдык менен машина айдап тарыхта калган.

Жесси Комбс дүйнөдөгү "эң ылдам аял" деген лакап ат менен белгилүү. 2013-жылы ал саатына 632 чакырым ылдамдык менен машина айдаган. 2016-жылы бул көрсөткүчтү 769 чакырымга чыгарган. Акыркы жолу темир тулпарды 2018-жылы саатына 777 чакырым ылдамдык менен айдаган. Бирок анын бул ийгилиги расмий түрдө каттоого алынган эмес.

​Маркум All Girls Garage, Extreme 4x4 аттуу телеберүүлөрдү алып барчу. Ал 39 жашта эле.

2445
Белгилер:
машина, рекорд, АКШ
Тема боюнча
Өзгөлөрдөн өзгөчөлөнүп Гиннесстин китебине киргендер. Эсти оодарган 15 сүрөт
Жаңы Зеландияда жол кырсыгына кабылган аял семиз болгону үчүн аман калды