Twitter социалдык тармагынын негиздөөчүлөрүнүн бири Жек Дорсинин архивдик сүрөтү

Twitter негиздөөчүсү өзү хакерлердин чабуулуна кабылып, аккаунту талкаланды

170
(жаңыланган 11:30 31.08.2019)
Окуя 30-августта болгон. BBC телеканалынын жазышынча, хакерлер расисттик мүнөздөгү жана коркутуп-үркүтүүчү 15 билдирүү жазып коюшкан.

БИШКЕК, 31-авг. — Sputnik. Twitter социалдык тармагынын негиздөөчүлөрүнүн бири Жек Дорсинин аккаунтун бузуп кетишти. Бул тууралуу Twitter компаниясынын маалымат кызматы билдирди.

Ага ылайык, окуя 30-августта болгон. BBC телеканалынын жазышынча, хакерлер расисттик мүнөздөгү жана коркутуп үркүтүүчү 15 билдирүү жазып коюшкан.

Twitter окуя тууралуу 20 мүнөттөн кийин расмий билдирүү таратып, учурда Дорсинин баракчасы калыбына келтирилгенин маалымдаган. Башкалардын ар намысына шек келтире турган билдирүүлөрдүн бардыгы өчүрүлгөн.

Chuckling Squad аттуу топ аккаунтту алар бузуп киргенин моюндашкан.

Дорсинин баракчасы 2016-жылы да талкаланган болчу.

170
Белгилер:
хакерлер, интернет, коопсуздук, Twitter
Тема боюнча
Хакерлер башка бирөөнүн почтасын, социалдык баракчасын бузуп берүүгө даяр. Баасы
Казакстанда хакерлер Элдик банктын 200дөн ашуун кардарынын акчасын уурдады
Сан-Сальвадордогу коронавирустан каза болгондор үчүн даярдалган көрүстөн. Архивдик сүрөт

ДССУ: коронавирустан дагы миллион адам ажал табышы мүмкүн

9
(жаңыланган 17:57 26.09.2020)
ДССУнун өкүлү бүгүнкү күндө вакцинаны каржылоо, өндүрүү жана ага баа берүү негизги көйгөй болуп жатканын белгилеген.

БИШКЕК, 26-сен. — Sputnik. Дүйнөлүк саламаттык сактоо уюму коронавируска каршы вакцина калың элге жеткиликтүү болгонго чейин бул оорудан дүйнө боюнча эки миллион адам көз жумат деген маалыматты четке кага албайт. Бул туурасында ДССУнун саламаттык сактоо жаатындагы өзгөчө кырдаалдар программасынын директору Майкл Райан брифингде билдирди.

Ал ушул тапта вакцинаны каржылоо, өндүрүү жана ага баа берүү негизги көйгөй болуп жатканын белгилеген.

"Албетте, муну элестетүү кыйын, бирок андан кача албайбыз. Себеби биз тогуз айда миллион адамды жоготтук, вакцинанын калың элге жайылышына дагы тогуз ай кетерин болжоп жатабыз", — деди Райан "вакцина жалпы массага жеткенге чейин өлгөндөрдүн саны эки миллионго жетиши мүмкүнбү?" деген суроого жооп берип жатып.

ДССУ COVID-19га каршы чыгарылып жаткан вакциналардын санын айтты

Ошондой эле ал ооруканага жаткырылган бейтаптардын арасында каза болгондор азайып калганын белгиледи. Дүйнө эли массалык өлүмгө жол бербөө үчүн артта калган тогуз айдан сабак алышы керектигин кошумчалады.

9
Белгилер:
өлүм, коронавирус, вакцина, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Вирус боюнча тараган жалган маалымат менен күрөшөлү. ДССУ жана БУУнун чакырыгы
Европада эпидемиологиялык абал эмнеге начарлап баратат. ДССУнун түшүндүрмөсү
Алп жазуучу Чыңгыз Айтматов. Архивдик сүрөт

Будапешт шаарындагы скверге Айтматовдун ысымы ыйгарылат

17
(жаңыланган 17:29 26.09.2020)
Келерки аптада президент Жээнбеков расмий иш сапар менен Венгрия өлкөсүнө барат. Иш сапарда бир катар маанилүү келишимдерге кол коюлары айтылууда.

БИШКЕК, 26-сен. — Sputnik. Венгриянын баш калаасы Будапешт шаарынын скверине улуу жазуучу Чыңгыз Айтматовдун ысымы берилип, салтанатка президент Сооронбай Жээнбеков катышат. Бул тууралуу мамлекет башчы "Биринчи радиого" берген кезектеги маегинде айтты.

Президент Венгрия өлкөсүнө жасалуучу иш сапар, эки мамлекеттин ортосундагы алака тууралуу суроого жооп берип жатып бир нече учурду белгилеген.

"Мен расмий сапарымдын алкагында Түрк кеңешинин Будапешттеги өкүлчүлүгүнө барам. Будапешт шаарынын скверине биздин улуу жазуучубуз Чыңгыз Айтматовдун ысымын ыйгаруу иш-чарасы болот. Иш сапарым соода-экономикалык гана эмес, маданий тармакты да камтыйт", — деген Жээнбеков.

Сооронбай Жээнбеков эмки жумада Россия менен Венгрияга барат

Жээнбеков иш сапар кыргыз-венгер кызматташтыгын жакшы деңгээлге көтөрүп, өлкөлөр байланышын күчөтөрүн белгилейт. Анда биргелешкен өнүгүү фондусун түзүү боюнча сөз болот.

"Кыргыз-венгер өнүгүү фондусун түзүү боюнча ниетибиз бар. Ал фондго жүгүртүүчү капитал катары Венгрия "Эксимбанкы" буюрса, 50 миллион евро бөлгөнү турат. Бул фонддун катышуусу менен биргелешкен ишканаларды түзөбүз, аталган фонд кичи жана орто бизнеске төмөн пайыздык насыялар менен жардам көрсөтө баштайт.

Бул дагы абдан жакшы жетишкендик болот. Бул эми Кыргыз-Орус өнүгүү фондундай эле, келечекте ошондой фондго айлантканга аракет кылып жатабыз", — деди Жээнбеков.

Эки өлкөнүн бизнес өкүлдөрүнүн катышуусу менен бизнес-форум өткөрүү пландаштырылууда. Кыргызстандык ишкерлер Венгриянын рыногуна чыгуу мүмкүнчүлүгү талкууланат.

Президент Жээнбековдун Венгрияга иш сапар жазында пландалып, коронавирус пандемиясынан улам жылган.

17
Белгилер:
инвестициялар, экономика, алака, фонд, сквер, Чыңгыз Айтматов, иш сапар, Венгрия, Сооронбай Жээнбеков
Тема боюнча
Шайлоодон кийин карантин киргизилеби? Президент Жээнбековдун жообу
Жээнбеков Путин менен жолугар алдында эмне деди. Мамиле, кызматташтык, деңгээл