Украинанын билим берүү жана илим министри Анна Новосад. Архивдик сүрөт

Украинанын билим берүү министри катасы толтура пост жазып шылдың болду

697
(жаңыланган 17:13 02.09.2019)
Жаңы министрди украиналыктар кескин сындап жатышат.

БИШКЕК, 2-сен. — Sputnik. Кызматка жаңы эле дайындалган Украинанын билим берүү жана илим министри Анна Новосаддын жазган текстинен толтура ката чыгып, соцтармактын сынына кабылды. Бул тууралуу РИА Новости жазды.

Новосад ага ишеним көрсөткөн президент менен өкмөткө ыраазычылык билдирип Facebook баракчасына пост жазган. Айрымдар анын текстинен ката таап, астын сызып тууралап берген.

"Бул деген шермендечилик. Билим берүү министри ката жазганы үчүн мен уялып жатам", — деп комментарий калтырган Лиля Бойко.

Ал эми Наталья Зацерковная аттуу колдонуучу "эгер жаңы министрдин тушунда украин тилинин жаңы эрежелерин жазып чыгышса таң калбайм", — деп какшыктады.

Кээ бирлери министр орус тилдүү болгондуктан ушундай каталар кетсе керек деп болжолдошууда.

"Бул кыз орусча сүйлөп, орусча ойлонот да, жумушта украинчени колдонот. Кадыресе эле көрүнүш", — деген Юрий Михайлевич.

Анна Новосад ушул жылдын 29-августунда билим берүү жана илим министри болуп дайындалган.

697
Белгилер:
Билим берүү министрлиги, Украина, ката
Тема боюнча
22 ката! Мамлекеттик кызматкерлер жат жазуудан "1" алган. Сүрөттөр
Эми дипломдордон ката чыгууда. Буга ким күнөөлүү?

Белгилүү боксчу көз караштар таймашында атаандашынын бетин тытып алды. Видео

95
(жаңыланган 12:31 23.09.2021)
Бул 6-ноябрь күнү Лас-Вегаста (АКШ) өтө турган беттешке карата уюштурулган биринчи маалымат жыйын болгон.

БИШКЕК, 23-сен. — Sputnik. Мексикалык боксчу, WBA, WBC жана WBO чемпиону Сауль (Канело) Альварес америкалык IBF титулунун ээси, супер орточо салмактагы Калеб Планттин бетин тытып алды. Бул туурасында ESPN телеканалы жазды.

Белгилүү мушкерлердин жаңжалы көз караштар таймашы учурунда чыккан. Алгач алар айтыша кетип, андан соң мексикалык боксчу америкалык атаандашын түртүп жиберген. Ага жооп катары кайтып келип алаканы менен чапкан. Аларды күзөтчүлөр арачалап, токтотуп калган. Натыйжада Альварестин бетинин оң тарабы тытылып кеткен.

"Сен мен тууралуу оозуңа келгендин баарын айтсаң да, апама тийишпе. Мен апам тууралуу жаман нерсе айткан кишинин ар бири менен мушташам", — деп айткан Альварес жаңжалдан кийин журналисттердин суроосуна жооп берип жатып.

Бул 6-ноябрда Лас-Вегаста (АКШ) өтө турган беттешке карата уюштурулган биринчи маалымат жыйын болгон. Ал күнү супер орточо салмак категориясындагы абсолюттук чемпион аныкталат.

95
Белгилер:
бокс, көз караштар таймашы, атаандаштык, мушташ
Тема боюнча
"Нокауттардын ханышасы". Шевченко UFC уюмун кантип багындырган. Видео
Жаракат алгандары бар... Казакстанда спортчулар чабыша кеткен видео
Россиянын Кыргызстандагы элчиси Николай Удовиченко. Архив

Россиянын элчиси мекендештери менен тыгыз иштешкен кыргыз бийлигин үлгү кылды

75
(жаңыланган 11:54 23.09.2021)
РФтин элчиси Удовиченко кыргыз бийлиги мекендештердин коомдук кыймылы менен кызматташуу аркылуу дайыма бир нерсеге ыкчам реакция кыларын айткан.

БИШКЕК, 23-сен. — Sputnik. Россиянын Кыргызстандагы элчиси Николай Удовиченко мекендештери менен тыгыз иштешкен кыргыз бийлигин үлгү кылды.

Удовиченко Бишкекте Жакынкы Чыгыш өлкөлөрүндөгү россиялыктар уюштурган аймактык жаштар конференциясында сөз сүйлөгөн.

Элчи көбөйүп, өсүп жаткан көйгөйлөр мекендештер менен кызматташууну кантип күчөтүш керек деген маселени ойлонууга мажбур кылып жатканын белгиледи.

"Кыргыз бийлигин мисал катары айткым келет. Алар мекендештердин коомдук кыймылы менен кызматташуу аркылуу дайыма бир нерсеге ыкчам реакция кылышат", — деген Удовиченко.

Ал белгилегендей, конференцияга Кыргызстандын президенттик администрациясынын өкүлүнүн катышып жатканы кыргыз бийлигинин Россиянын элчилиги, Россотрудничествонун өкүлчүлүгү жана мекендештер менен тыгыз кызматташууга даярдыгын тастыктайт.

75
Белгилер:
Россия, Кыргызстан, Николай Удовиченко, элчи, мекендештер, кызматташуу
Тема боюнча
Мамытов: пандемия учурунда мигранттар бири-бирин жакшы колдоду
Канттагы аскер базасы көп балалуу жалгыз бой энеге жардам берди. Сүрөт
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров

Пирназаров: Кыргызстанда криптобиржалардын ишмердүүлүгү көзөмөлдөнөт

0
(жаңыланган 13:44 23.09.2021)
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров Кыргызстанда криптобиржалардын ишмердүүлүгү тууралуу жобо иштелип чыккандыгын айтты.

Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы. Мындай пикирин Марат Пирназаров Sputnik Кыргызстан радиосунун эфиринде маек куруп жатып билдирди.

Пирназаров: Кыргызстанда криптобиржалардын ишмердүүлүгү көзөмөлдөнөт

Анын айтымында, аталган багытта шарт түзүү аркылуу көп киреше табуу мүмкүнчүлүгүн жаратса болот.

"Кыргызстанда криптобиржаларга укуктук талаа түзүү үчүн аракеттер жүрүп жатат. Финансы рыногун жөнгө салуу жана көзөмөлдөө боюнча мамлекеттик кызматка криптобиржалардын ишмердүүлүгүнө шарт түзүү максатында тиешелүү укуктук ченемдик актыларды иштеп чыгуу тагылган. Ушул жылдын 27-майында Экономика жана финансы министрлигинин буйругу менен мекемелер аралык жумушчу топ түзүлүп, бул тармакты билген адистер менен биргеликте жобо иштеп чыктык. Жобо министрлер кабинетинин кароосуна киргизилип, макулдашуу иштери жыйынтыкталууда. Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы", — деди Пирназаров.

Ошондой эле адис криптоактивдер менен ишмердүүлүгүн жүргүзгөндөр санариптик биржалар боюнча билим алып коюусу керектигин кошумчалады.

0
Белгилер:
Марат Пирназаров, криптовалюта
Тема боюнча
Жасалма биткоин, финансы пирамидасы. Милиция шылуундарды кантип билсе болорун айтты