Россиянын лидери Владимир Путин телефон аркылуу сүйлөшүсүндө. Архивдик сүрөт

Путин менен Зеленский телефон аркылуу сүйлөштү. Ортодо эмне кеп болду?

254
(жаңыланган 11:45 09.09.2019)
Россия менен Украинанын башчылары эки тараптуу сүйлөшүүлөр оң натыйжа берип жатканына ынанган.

БИШКЕК, 8-сен. — Sputnik. Россиянын лидери Владимир Путин менен Украинанын президенти Владимир Зеленский телефон аркылуу сүйлөштү. Бул тууралуу Кремлдин маалымат кызматы билдирди.

Мамлекет башчылар ишемби күнү өткөн сүйлөшүүдө камактагы жарандарды алмашуу жараянын жакшы жышаан катары баалашты. Муну менен эки тараптуу мамилени чыңдоого чоң кадам ташталганын белгилешкен.

Мындан сырткары, Путин менен Зеленский Украинанын ичиндеги жаңжалды жөнгө салууну талкуулашты. Тагыраак айтканда, кагылышууларды токтотуу режимин сактоо негизги маселе катары каралган.

Сүйлөшүүнүн соңунда Россия менен Украинанын башчылары мындан ары да байланышып турууга макулдашышты.

Ушуну менен алар үчүнчү ирет телефон аркылуу сүйлөшүштү, бирок расмий түрдө жолугуша элек.

Белгилей кетсек, кармалган жарандар менен бирге терроризм боюнча соттолгон Олег Сенцов жана Россиянын чек ара мыйзамын бузган украиналык 24 аскер өз мекенине жөнөтүлгөн.

Ал эми РИА Новости порталынын жетекчиси Кирилл Вышинский Украинадан соттун чечими менен бошотулуп, Россияга кайтып келген.

254
Белгилер:
Украина, Россия, сүйлөшүүлөр, Владимир Зеленский, Владимир Путин
Тема боюнча
Путин менен Зеленский телефондон сүйлөштү. Ортодо эмне кеп болду?
Зеленскийдин өмүрү коркунучтабы? Ажырым жараткан аскерий парад
Доллар акчалары. Архивдик сүрөт

ЕТӨФ кеңеши Кыргызстанга 100 миллион доллар насыя бермей болду

66
(жаңыланган 13:28 10.08.2020)
Каражат өкмөт менен Улуттук банктын COVID-19 эпидемиясынын кесепеттерине каршы күрөшүү программасын ишке ашырууга жумшалат.

БИШКЕК, 10-авг. — Sputnik. Евразия турукташтыруу жана өнүктүрүү фондунун (ЕТӨФ) кеңеши Кыргызстанга 100 миллион доллар насыя берет. Бул тууралуу Россиянын Финансы министрлигинин сайтында жазылды.

"Региондук финансылык механизм катары иш алып барган фонд башка эл аралык каржы институттары жана донорлор менен биргеликте катышуучу-мамлекеттерге маанилүү колдоолорду көрсөтүп келет. Бул алардын каржылык туруктуулугун камсыздап, пандемиянын социалдык-экономикалык кесепеттерин жоюу үчүн кризиске каршы улуттук программаларды ишке ашырууга мүмкүнчүлүк берет", — деген Финансы министри жана ЕТӨФ кеңешинин башчысы Антон Силуанов.

Каражат өкмөт менен Улуттук банктын COVID-19 эпидемиясынын экономика, финансы жана социалдык тармактарга тийгизген таасирине каршы күрөшүү программасын ишке ашырууга жумшалат.

Өкмөт: Кытай баштаган бир катар өлкө Кыргызстандын карызын сурабай турат

Евразиялык турукташтыруу жана өнүктүрүү фонду — катышуучу-мамлекеттердин экономикасын колдоодо регионалдык финансылык механизм болуп саналат. Анын каражатын эң көп Белоруссия алган. Аталган өлкөгө 5 миллиард доллар өлчөмүндө эки насыя менен бекитилген. Инвестициялык жана каржылык насыяларды, ошондой эле гранттар түрүндө каржылык колдоолорду Кыргызстандан сырткары Тажикстан менен Армения алып турат.

66
Белгилер:
каражат, насыя, Евразия, Кыргызстан
Тема боюнча
Былтыр банктар элге канча насыяны кандай максатта берген. Сандар
Карабаева: насыя боюнча жеңилдик алгандардын 28%ы соодагер
Ишканалардын дебитордук карызы көбөйдү. Статистика
Turkish Airlines авиакомпаниянын учактары Стамбулда. Архивдик сүрөт

Кыргызстан Түркия менен туруктуу аба каттамдарын жандантты

61
(жаңыланган 13:19 10.08.2020)
Учурда Республикалык ыкчам штаб бир катар алыскы жана жакынкы мамлекеттер менен туруктуу аба каттамдарды кайрадан баштоо боюнча сүйлөшүүлөрдү жүргүзүүдө.

БИШКЕК, 10-авг. — Sputnik. Кыргызстан менен Түркиянын ортосундагы туруктуу аба каттамдары жанданды. Бул тууралуу брифинг учурунда Жарандык авиация агенттигинин директору Курманбек Акышев айтты.

"Бүгүнкү күндөн тарта Түркия менен Кыргызстандын ортосунда туруктуу каттамдарды түрктөрдүн эки, Кыргызстандын бир компаниясы аткара баштайт. Pegasus Airlines, Turkish Airlines жана Avia Traffic компаниялары аптасына эки жолудан учат", — деди Акышев.

Ошондой эле ал Кувейт жана Өзбекстандын авиакомпанияларынан туруктуу каттамдарды ачуу боюнча сунуш түшкөнүн, учурда бул маселе Республикалык штабда каралып жатканын кошумчалады.

Кыргызстандан Россияга кетчү каттамдар. Күнү жана шарты

Буга чейин Бириккен Араб Эмирлигинин ортосундагы аба каттам кайра жанданганы айтылган эле. Алгачкы учактар 14, 21, 28-август күндөрү абага көтөрүлөт.

Ал эми россиялык "Аэрофлот" эпидемиологиялык абалга байланыштуу деп буга чейин пландалган август айындагы бардык каттамдарын токтоткон.

61
Белгилер:
пандемия, учак, каттам, Түркия, Кыргызстан
Тема боюнча
Дубай — Бишкек — Дубай каттамы жума сайын уча баштайт
Элчилик: Түркия Кыргызстан менен авиа байланышты жандантты

Бишкектин мугалимдери 1-сентябрга даярдык көрүп жатышат

0
(жаңыланган 14:27 10.08.2020)
Педагогдор жана мектеп жетекчилери үчүн онлайн сабактар Билим берүү жана илим министрлигинин адистери тарабынан өткөрүлөт.

БИШКЕК, 10-авг. — Sputnik. 5-августтан тарта 25-августка чейин Бишкектин бардык жалпы билим берүү мекемелеринде "Санарип мугалим" аталышындагы онлайн-вебинар өткөрүлөт. Бул тууралуу мэриянын маалымат кызматы билдирди.

"Биз мугалимдер менен интернет аркылуу сабак берүүнүн ыкмасын, жетишкендиктерди баалоо, балдар менен иштөөнү уюштуруу жана окуучулар, мугалимдер арасындагы психологиялык кризистин алдын алуу максатында талкууларды жүргүзүп жатабыз", — деп айтылат мэриянын билдирүүсүндө.

Бишкек мэриясы калаадагы мыкты мектептерди атады

Педагогдор үчүн онлайн сабактар Билим берүү жана илим министрлигинин адистери тарабынан эки этапта өткөрүлөт.

Сабактар 5-августтан 16-августка чейин жетекчилер үчүн өтсө, экинчиси, 17-августтан 25-августка чейин жалпы билим берүү мекемелеринин бардык педагогдору үчүн болот.

0
Белгилер:
онлайн, мугалим, педагог, билим берүү