Россия финансы министрлигинин имараты. Архивдик сүрөт

Россия мамлекеттик карызынан толугу менен кутулду

1161
(жаңыланган 14:32 10.09.2019)
Эгер Россия карыздардын бардыгын азыр төлөшү керек болуп калса, Борбордук банк менен коммерциялык банктардагы мамлекеттик депозиттердин эсебинен эле жаап коё алат.

БИШКЕК, 10-сен. — Sputnik. Россиянын мамлекеттик карызы калган жок. Бул тууралуу РБК жазды.

Өлкөнүн Финансы министрлигинин маалыматына караганда, резервдердин рекорддук көлөмү мамлекеттик карызды толугу менен жапкан.

2019-жылдын 1-августуна карата мамлекеттик карыздын көлөмү 16,2 триллион рубль болчу. Бирок ошол эле учурда ликвиддик мамлекеттик активдер 17,6 триллион рублга жеткен.

Тагыраагы, мамлекеттик карыз 2019-жылдын орто ченинен тарта ликвиддик активдерге караганда азайган. Эгер Россия карыздардын бардыгын азыр төлөшү керек болуп калса, Борбордук банк менен коммерциялык банктардагы мамлекеттик депозиттердин эсебинен эле жаап коё алат.

Экономиканы өнүктүрүү министри Максим Орешкиндин айтымында, 2014-жылдан 2019-жылга чейин Россиянын макроэкономикасында жасалган иштер сөзсүз түрдө окуу китептерине кирет.

Мамлекеттик карызга байланыштуу мындай көрүнүш 2014-жылы Батыш өлкөлөрү Крымдын Россияга кошулушуна каршы киргизген санкцияларынан жана мунай баасынын түшүп кетишинен кийин биринчи жолу болуп жатат.

Эске салсак, 2019-жылдын август айында АКШ президенти Дональд Трамп Россиянын мамлекеттик карызына каршы санкция киргизген. Ага ылайык, америкалык финансылык уюмдарга Россиянын Финансы министрлигинен валюта түрүндөгү карыз кагаздарын сатып алууга тыюу салынган. Бирок тыюулар биринчи чыгарылыштарга гана тиешелүү болчу. Соодалашуу үчүн экинчи рынок жабылган эмес.

Россиянын мамлекеттик карызы — бул юридикалык жана жеке жактардын, чет мамлекеттердин, эл аралык уюмдардын жана башка эл аралык укуктук субъектилердин алдындагы карыз.

1161
Белгилер:
финансы, карыз, Россия
Тема боюнча
Карыз капсалаңы. Кытайдан акча алган өлкөлөрдүн тагдыры кандай болгон
Жыл сайын бирден ТЭЦ! 2022-жылга чейин мамлекеттик карызга канча акча коройт
Бейрут шаарында порттогу катуу жарылуу учурунда

Бейрутта жабыркагандардын арасында КР жарандары бар-жогун ТИМ тактады

8
(жаңыланган 15:31 09.08.2020)
Ливандын борбору Бейрут шаарында катуу жарылуу болуп, 150дөн ашык адам көз жумса, алты миңден көбү жабыркаган. Андан кийин нааразычылык акциясы болуп, андагы кагылышуудан 700дөн ашык адам жапа чеккен.

БИШКЕК, 9-авг. — Sputnik. Кыргызстандын Тышкы иштер министрлигинин маалымат кызматы Ливандын борбору Бейруттагы жарылуудан жана каршылык акциясына чыгып жабыркагандар арасында КР жарандары бар-жогун тактады.

"Алдын ала маалыматтар боюнча, Бейрутта жабыркагандар арасында кыргыз жарандары жок", — дешти министрликтен.

Эске салсак, 4-августта Ливандын борбору Бейрут шаарында катуу жарылуу болуп, 150дөн ашык адам көз жумса, алты миңден көбү жабыркаган.

Андан көп өтпөй 8-август, ишемби күнү, миңдеген адамдар өкмөттүн кетишин жана реформаны талап кылып митингге чыгышкан. Тилекке каршы, ал массалык башаламандыкка айланып, митингчилер өкмөттүн бир нече имаратын басып алган. ИИМ билдиргендей, кагылышуудан бир укук коргоо кызматкери каза болгон. Ошондой эле 700дөн ашык адам жабыркаган.

8
Белгилер:
кыргызстандыктар, кырсык, кагылышуу, жарылуу, ТИМ, Бейрут, Ливан
Тема:
Бейруттагы жарылуу
Тема боюнча
Үрөй учурган жарылуу болгон жерден алынган 14 сүрөт. Бейруттагы трагедия
Дарыядагы катер. Архив

Апамды башы жок көмдүк... Казакстанда депутаттын уулу аралашты делген окуянын чоо-жайы

203
(жаңыланган 14:59 09.08.2020)
Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон.

БИШКЕК, 9-авг. — Sputnik. Казакстанда облустук маслихаттын депутаты Валерий Крыловдун 17 жаштагы уулу аял өлтүрдү деп шектелип, камакка алынды. Бул тууралуу Sputnik Казакстан кабарлады.

Каргашалуу окуя 6-июнь күнү саат 22:15тер чамасында Уральск шаарындагы Чаган суусунда болгон. Анда Чугун көпүрөсүнүн жанында катер сууда сүзүп жүргөн аялды сүзүп, башын жана колун үзүп кеткен. Кылмышка шектүү эки айга камалды.

Көз жумган аялдын уулунун айтымында, ал апасынын сөөгүн башы жок эле жерге берген. Анткени суучулдар сөөктүн айрым бөлүктөрүн таппай коюшкан.

"Апамдын курбусу сууга түшкүсү келбей, белинен эле кириптир. Апам болсо алысыраак жакка сүзүп кетиптир. Бир убакта фарасы күйбөгөн катер пайда болгонун айтты. Курбусу апамды жээке чакырыш үчүн кыйкырып, колун булгаптыр. Бирок ага жетпей катер бир нерсени сүзгөн үн угулган. Апамдын сөөгүнүн бөлүктөрүн суудан капка чогултуп алып чыгышты. Катер дароо кетип калган экен", — деди уулу.

Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон. Ага оор кылмышты жашырып койгон деген айып тагылган. Бирок маркумдун тууганы билдиргендей, ал кыз Лондонго кетиш үчүн виза ачтыруу аракетин көрүүдө.

Оор эмес кылмыш жасаган кыргызстандыктар кандай түзөтүлөт. Видео

Облустук маслихаттын депутаты Валерий Крылов ЖМКларга уулу кармалганын айтып, бирок анын күнөөсү жок деп эсептей турганын билдирген.

"Жээкте кайыктар көп болчу. Бардыгы экспертиза кылынып, тергөө жүрүп жатат. Тергөөчүлөр күнөөнү балама артып жатышат, бирок эч кандай далил жок. Бул иш аягына чыгат деп үмүттөнөм, ошондо гана баары ачыкталат. Менин уулум күнөөлүү эмес", — деди Крылов.

Депутаттын айтымында, шектүү 48 саатка камалган. Ал эксперттердин уулунун катеринен кан табышты деген маалыматты төгүндөдү.

203
Белгилер:
Суу, кылмыш, аял, катер, кырсык, Казакстан
Тема боюнча
Казакстандын саламаттык сактоо министринин орун басарынын эмнеге кармалганы айтылды