Окулист. Архивдик сүрөт

Көзүнөн "бриллиант" аккан кыз. Дарыгер себебин айтып берди

11490
(жаңыланган 11:57 24.09.2019)
Армениянын 22 жаштагы тургуну көзүнөн кристалл чыгып жатканын айткан. Ал күн сайын көзүнөн 50гө жакын "бриллиант" алып чыгат. Дарыгер бул өтө сейрек кездеше турган кесел экенин айтты.

БИШКЕК, 24-сен. — Sputnik. Армениянын тургуну Сатеник Каразяндын көзүнөн чыккан кристаллдар генетикалык жактан же инфекциялык оорудан улам пайда болушу ыктымалдыгын дарыгер-офтальмолог Татьяна Шилова РЕН ТВ телеканалына айтып берген.

22 жаштагы Каразян ооруп айыккандан кийин эле көзүнөн кристалл чыгып калганын айткан. Ал күн сайын көзүнөн 50гө жакын түсү жок катуу заттарды алып чыгат. Бейтап бардык дарыгерге кайрылганын, бирок ушул күнгө чейин так диагноз коё албай жатканын айткан. 

© Sputnik
Армянка Сатеник Казарян плачет "бриллиантовыми слезами"

Дарыгер-офтальмолог Татьяна Шилова Армениянын тургуну кабылган жагдай сейрек кездеше турганын билдирди. Анын айтымында, мындай патология аз кездешкендиктен дарыгерлер анын келип чыгуу себебин аныктоодо кыйналышат.

"Жаш — бул биологиялык суюктук, анын курамы канга абдан окшош. Кишинин генетикалык ооруларынан, көздүн сезгенип калышынан же ден соолуктун бузулушунан улам анын курамы өзгөрүп кетиши ыктымал. Жашта белок, май, микроэлементтер, ошондой эле иондор да бар. Анын курамына кирген туздар түрдүү себептерден улам тез кристаллга айланып кетиши ыктымал. Белоктор да өзүнүн курамын өзгөртүп, катып калышы мүмкүн", — деди адис.

Ал ошондой эле суюк субстрат соолуганда катуу затка айланып, көздүн чел кабыгын тытып кетиши толук мүмкүн экенин кошумчалады. Эмне себептен ушундай болуп жатканын так аныктоо үчүн бейтап толук медициналык кароодон өтүшү керек экени айтылды.

"Эгер зат алмашуу системасы бузулган болсо кристаллдар бир гана көздө эмес, боордо, бөйрөктө туз сымал катып калышы ыктымал. Андыктан текшерүүдөн өтүү керек", — деди ал.

Армениянын тургунунун көзүнөн чыккан кристалл экспертизага жөнөтүлдү, бирок жыйынтыгы чыга элек.

11490
Белгилер:
ден соолук, оору, медицина, Армения
Тема боюнча
Балага телефон берип горшокко отургузуп койсо, геморрой болот да! Проктологдун маеги
Өттөгү ташты операциясыз жок кылса болобу? Дарыгер Сыргаев менен маек
Лабораториядагы реагенттер. Архивдик сүрөт

Россиянын коронавируска каршы вакцинасы сыноодон ийгиликтүү өттү

127
(жаңыланган 11:22 12.07.2020)
Окумуштуулардын айтымында, вакцина сайылган ыктыярчылардын биринчи тобу шаршемби күнү, экинчи тобу 20-июлда ооруканадан чыгат.

БИШКЕК, 12-июл. — Sputnik. Россияда иштелип чыккан коронавируска каршы вакцина сыноодон ийгиликтүү өттү. Бул тууралуу РИА Новости агенттиги Сеченов университетинин Трансляциондук медицина жана биотехнология институтуна шилтеме кылып жазып чыкты.

Аталган илимий мекеменин директору Вадим Тарасовдун айтымында, вакцина сайылган ыктыярчылардын биринчи тобу шаршемби күнү, экинчи тобу 20-июлда ооруканадан чыгат.

Россия коронавируска каршы дагы бир дары чыгарды. Мүнөздөмөсү

"Сеченов университети дүйнө жүзүндөгү биринчи вакцинанын сыноосун ийгиликтүү аяктады", — деди Тарасов.

Ал ошондой эле вакцина сайдырган адамдар узак убакыт обочодо болгондуктан аларда көйгөйлөр жаралып, жардамга психологдор келгендигин кошумчалады.

Ал эми Медициналык паразитология институтунун директору Александр Лукашев ал изилдөөдө дарыны колдонуу адамдын ден соолугуна коопсуз экендигин билүү зарыл болгондугун айтты.

ДССУ Россиянын СOVID-19га каршы вакцинасына кызыгууда. Видео

Эске сала кетсек, июндун ортосунда РФтин Саламаттык сактоо министрлиги коронавируска каршы вакцинанын эки түрүн клиникалык сыноодон өткөрүүгө уруксат бергенин жар салган. Препараттар Гамалея атындагы эпидемиология жана микробиология боюнча илим-изилдөө борбору тарабынан иштелип чыккан.

Сыноо Коргоо министрлигинин Бурденко атындагы госпиталында жана Сеченов медицина университетинде ыктыярчыларга жүргүзүлүүдө.

127
Белгилер:
сыноо, вакцина, изилдөө, Россия
Тема:
Дүйнөгө жайылган коронавирус
Тема боюнча
COVID таасири: метеорологдор беш жылда климат кандай өзгөрөрүн айтышты
Россия коронавируска каршы дагы бир дары чыгарды. Мүнөздөмөсү
COVID: "Авифавирди" амбулатордук түрдө колдонууга уруксат суралууда
Россияда эмгектенип жүргөн 45 кыргызстандык медик мекендештерине жардам берүү үчүн Бишкекке келе жатат

Россиядан дагы 45 кыргызстандык медик жардамга келе жатат

71
(жаңыланган 11:06 12.07.2020)
Жардамга келчү медиктердин көпчүлүгүнүн COVID-19 жуктурган бейтаптарды дарылоо боюнча тажрыйбасы бар экени айтылат.

БИШКЕК, 12-июл. — Sputnik. Россияда эмгектенип жүргөн 45 кыргызстандык медик мекендештерине жардам берүү үчүн Бишкекке келе жатат. Бул туурасында Кыргызстандын Россиядагы элчилиги билдирди.

Маалыматка ылайык, 25 дарыгер, 20 медайымдан турган топ өз ыктыяры менен көмөк көрсөтүүгө макул болгон. Кыргыз медиктери менен 10-июлда элчи Аликбек Жекшенкулов жолуккан.

"Алар Россияда реаниматолог, кардиолог, эпидемиолог, терапевт, медайым болуп иштеп жүрүшкөн. Көпчүлүгүнүн COVID-19 жуктурган бейтаптарды дарылоо боюнча тажрыйбасы бар. Бишкекке баргандан кийин адистерге өтө муктаж болуп турган медициналык мекемелерде бөлүнүп иштешет", — деп айтылат маалыматта.

Силерсиз ооруну жеңе албайбыз! Боронов медициналык билими барларды ишке чакырды

Ыктыярчы-медиктер өзү менен кошо Кыргызстанда аябай тартыш болуп жаткан медициналык препараттарды дагы алып келе жатканы айтылат.

Алар бүгүн, 12-июлда, чартердик каттам менен келишет. Авиабилеттерин демөөрчүлөр алып беришкен.

Белгилей кетсек, 5-июлда дагы Москвадан 23 адистен турган кыргыз медиктеринин алгачкы тобу Бишкекке келип Улуттук госпиталда иштеп жатышат. Андан кийин Россиянын Екатеринбург, Новосибирск шаарларынан дагы дарыгерлер келишкен.

71
Белгилер:
препарат, каттам, элчилик, ыктыярчылар, жардам, медик, Россия
Тема:
Коронавируска байланыштуу Кыргызстандагы кырдаал
Тема боюнча
Новосибирскиден мекенге жардам берүү үчүн дагы медиктер учуп келди
Жаңы 127 учур катталды. COVID жугузган миңден ашуун медик ооруканада жатат
Екатеринбургдан кайткан мекендештер менен чогуу медиктер да келди. Сүрөт
Дин аалымы Чубак ажы Жалилов. Архивдик сүрөт

Чубак ажынын санаалаштары: медиктерге доомат жок, колунан келгенин жасашты

0
(жаңыланган 12:08 12.07.2020)
Аалымдын санаалашы Чубак ажы ооруканага келери менен жасалма дем алдыруучу аппаратка кошулуп, дароо реанимацияга жаткырылганын айткан.

БИШКЕК, 12-июл. — Sputnik. Муфтият “дин аалымы Чубак ажы Жалиловду ооруканага кабыл албай койгон жана жасалма дем алдыруучу аппарат жетпей калды” деп социалдык тармактарда айтылып жаткан кеп боюнча билдирүү таратты.

Маалыматта Чубак ажы ооруп жаткан учурда анын жанында жакын санаалаштары Асан ажы Сыргабаев менен Замир Абытов болгону айтылат. 

“Асан ажынын айтуусунда, медицина кызматкерлери аалымдын өмүрүн сактап калууга болгон аракетин жумшаган. Тилекке каршы, ал эки тараптуу пневмонияга кабылып өз ажалынан акка моюн сунган”, — деп жазылат маалыматта.

Апасынын жанына коюлду. Чубак ажынын сөөгү жерге берилди. Сүрөт, видео

Ошондой эле ал Чубак ажы Жалиловду оор абалда түнкү саат 12:00гө жакын Бишкектеги Улуттук госпиталдын нейрохирургия бөлүмүнө алып келишкенин билдирген.   

“Ал жерде бөлүмдүн кызматкерлери күтүп турушкан экен. Жасалма дем алдыруучу аппарат менен жардам беришип, дароо реанимацияга алып кирип кетишкен. Дин аалымынын өмүрүн сактоодо тийиштүү медициналык чаралар көрүлдү. Бул жерде дарыгерлер тарабынан күттүрүү болгон эмес. Медицина кызматкерлерине эч кандай нааразычылыгыбыз жана дооматыбыз жок. Атайын палата дагы даярдалыптыр. Чубак ажы ажалынан каза болгон соң дарыгерлер анын өмүрүн сактап кала алышкан эмес”, — деп айткан Асан ажы Сыргабаев.

Мончодон чыкса деле киши кирдейт. Чубак ажынын учкул сөздөрү

Белгилей кетсек, Саламаттык сактоо министрлиги Чубак ажы Жалиловго эки тараптуу пневмониянын оор түрү деген диагноз коюлганын билдирген. Маркум кант диабети менен да жабыркап келген. Тилекке каршы, реанимациялык аракеттерге карабастан 11-июлга караган түнү саат 2.50дө көз жумган. Ал эми оорукана кабыл албай койгон деген билдирүү чындыкка дал келбей турганын маалымдаган.

Белгилүү дин аалымы, мурдагы муфтий Чубак ажы Жалиловдун сөөгү кечээ, 11-июлда, кичи мекени Базар-Коргон районунун Бай-Мундуз айылында жерге берилди

0
Белгилер:
пневмония, доомат, оорукана, муфтият, Чубак ажы Жалилов
Тема:
Чубак ажынын каза болушу
Тема боюнча
Апасынан айрылган кыз: "Гансиде" ачылды делген реанимациялык блок иштеген жок
Абалы кескин начарлап кеткен. Чыныбай Турсунбеков реанимацияда үзүлгөн
Чубак ажы өмүрүн элдин руханий жактан оңолуусуна арнады. Муфтийдин билдирүүсү