Армениянын полициясынын мурдагы жетекчиси Айк Арутюнян. Архив

Ок башына тийген. Армениянын экс-министринин сөөгү дачасынан табылды

280
(жаңыланган 13:43 25.09.2019)
Алдын ала маалымат боюнча Арутюнян өз өмүрүнө кол салган. Учурда укук коргоо органдары тергөө амалдарын жүргүзүүдө.

БИШКЕК, 25-сен. — Sputnik. Армениянын полициясынын мурдагы жетекчиси Айк Арутюняндын сөөгү табылды. Ал башына ок жеген. Бул тууралуу Sputnik Армения билдирди.

Ага ылайык, Арутюнян Котайк облусунун Бжни айылындагы дачасында өлгөнү боюнча маалымат полицияга 23-сентябрда саат 23:50лөр чамасында келип түшкөн. Алдын ала маалымат боюнча Арутюнян өз жанын кыйган. Учурда укук коргоо органдары тергөө амалдарын жүргүзүүдө.

Окуя болгон жерди кароо учурунда "ПМС" үлгүсүндөгү тапанча менен огу табылган. Sputnik Армения агенттигинин жазышынча, окуя болгон маалда үйдө аял киши да болгон. Ал тапанчанын атылганын угуп, Арутюняндын сөөгүн тапкан.

Аталган факты боюнча Армениянын тергөө комитети өзүн-өзү өлтүрүүгө жеткирүү беренеси боюнча кылмыш ишин козгоду. Күбөлөр сурак берип, соттук-медициналык, соттук-дактилоскопиялык экспертизалар дайындалды.

Айк Арутюнян 1999-2003-жылдары ички иштер министри болгон. 2003-2008-жылдары полициянын жетекчиси, 2010-2014-жылдары Юстиция министрлигинин Кылмыштар боюнча башкармалыгын жетектеген. Ал, андан сырткары, Арменияда 2008-жылдагы окуялар боюнча күбө катары өтүп жаткан. Тактап айтканда, документтерди жасалмалоо боюнча көрсөтмө берген. Арутюняндын каза болгону тууралуу кабар тарагандан кийин анын киши колду болушу ыктымалдыгы же 2008-жылдагы иштер боюнча өзүн-өзү өлтүрүүгө жеткиришти деген имиштер айтыла баштаган.

 

280
Белгилер:
тергөө, сот, тапанча, Армения
Аял ымыркайын кармап турат. Архив

Калк тейлөө борборунан 20 мүнөттө төрөгөн келин. Алматыдагы окуянын видеосу

8
(жаңыланган 14:18 11.07.2020)
Саат 12:30да жетекчинин иш бөлмөсүндө кыз бала жарыкка келген. Анын үй-бүлөдөгү үчүнчү бала экени маалым болду. Калкты тейлөө борборундагылар келинди кол чаап узатышкан.

БИШКЕК, 11-июл. — Sputnik. Алматыда кош бойлуу келин калк тейлеген борбордон көз жарды. Бул тууралуу Sputnik Казакстан агенттиги маалымдады.

Билдирмеге караганда, келин аталган жайга таанышынын батирине каттоого туруу үчүн келген. Бирок 10 мүнөттөн кийин толгоосу башталган.

Окуя тууралуу "Жарандар үчүн өкмөт" корпорациясынын башкаруучу директору Мурат Жуманбай айтып берген.

"Келин саат 12:00гө талон алган. Бирок 10 мүнөттөн кийин эле анын толгоосу башталды. Аны калкты тейлөө борборунун жетекчисинин милдетин аткаруучу Калмырза Сейтбеков көрүп калып, дароо иш бөлмөсүнө алып кирип, кушеткага жаткырган. Андан соң тез жардам чакыртышкан", — деди жетекчи.

Бирок медицина кызматкерлери келгенде аны төрөт үйүнө алып барууга жетишпей каларын түшүнүшкөн. Мындан улам медиктер келинди ошол жерден төрөтүшкөн.

Жолдон төрөтүп, аман алып калган абысыныма ыраазымын. Ак жарык

Саат 12:30да жетекчинин иш бөлмөсүндө кыз бала жарыкка келген. Анын үй-бүлөдөгү үчүнчү бала экени маалым болду. Ал эми 20 мүнөттүн ичинде көз жарып медиктердин коштоосунда чыккан келинди эл кол чаап узаткан.

8
Белгилер:
видео, ымыркай, төрөт, Алматы, келин, Казакстан
Тема боюнча
Чүйдүн төрөт үйлөрү иштебей жатат деген маалымат төгүндөлдү
Кыргызстандын Россиядагы элчилигин имараты. Архив

РФтеги элчиликте иштегендер кол салууга дуушар болушту. Шектүүлөр изделүүдө

93
(жаңыланган 12:52 11.07.2020)
Элчиликте иштегендерге Кыргызстанга кайтуу үчүн тизмеге кирбей калган жарандар тарабынан кол салуу жана башка мыйзамсыз иш-аракеттер көп каттала баштаган.

БИШКЕК, 11-июл. — Sputnik. Кыргызстандын Россиядагы элчилигинде иштеген кызматкерлерге кол салып, кордоду деген шектүүлөр изделүүдө. Бул тууралуу элчиликтин маалымат кызматы кабарлады.

Ага ылайык, элчилик кызматкерлерине кыргыз жарандары мыйзамсыз иш-аракет жасап, кол салган, ден соолугуна коркунуч жараткан учурлар катталууда. Буга байланыштуу Россиянын Ички иштер министрлигинин Москва шаары боюнча башкы башкармалыгы элчилик өкүлдөрүнө кол салууга үндөгөн адамдарды аныктоо үчүн ыкчам-тергөө иш-чараларын жүргүзүп жатат.

"Азыркы убакта "Москва изилдөө борбору" бул иш боюнча психологиялык жана лингвистикалык изилдөөлөрдү жүргүзүүдө. Экспертиза аяктагандан кийин өлкөнүн ИИМине караштуу башкы башкармалык РФтин жазык жана административдик мыйзамдарына ылайык жарандарды жоопкерчиликке тартуу боюнча чараларын көрөт", — деп айтылат билдирүүдө.

Маалым болгондой, элчиликте иштегендерге Кыргызстанга кайтуу үчүн тизмеге кирбей калган жарандар тарабынан кол салуу жана башка мыйзамсыз иш-аракеттер көп каттала баштаган. Мындан улам элчилик дипломатиялык өкүлчүлүктүн имаратын бекемдөөнү ниет кылууда.

Россияда ишсиз калган мекендештерге элчилик жумуш сунуштоодо

"Коомдук тартипти бузууга багытталган ар кандай иш-аракеттер, коркутуулар, кемсинтүүлөр жана өкүлчүлүктүн кызматкерлерине карата башка мыйзамсыз аракеттерге жол берилбейт", — деп жазылат маалыматта.

Кыргызстандын элчилиги бардык кыргыз жарандарын сабырдуулукка чакырып, аларга Россиянын ар кайсы шаарларындагы консулдук, канцелярияларында жүрүм-турум эрежелерин так сактоону эскертти.

93
Белгилер:
издөө, кол салуу, кызматкер, элчилик, Россия, Кыргызстан
Тема боюнча
Бишкекке Минск аркылуу Европадагы кыргызстандыктар алып келинди