АКШнын президенти Дональд Трамп. Архив

Трамп ээрден оой баштадыбы? АКШ конгрессинде импичмент боюнча демилге көтөрүлдү

103
(жаңыланган 13:45 25.09.2019)
Импичмент боюнча демилгенин от алып кетишине себептердин бири Трамп менен Зеленскийдин 2019-жылдын июль айындагы телефон сүйлөшүүсү болгон.

БИШКЕК, 25-сен. — Sputnik. АКШнын Өкүлдөр палатасынын спикери Нэнси Пелоси президент Дональд Трампка импичмент жарыялоо процедурасын баштарын айтты.

"Бүгүн Өкүлдөр палатасы импичмент боюнча расмий иликтөө баштагандыгын жарыялайм", — деди ал атайын кайрылуу менен чыгып жатып.

Пелосинин айтымында, Трамптын кылган иштери анын президенттик кызматты, улуттук коопсуздукту, жалпысынан эле шайлоону сатып жаткандыгын көрсөтүүдө.

Кайрылуусун айтып бүткөндөн кийин журналисттердин суроолоруна жооп берүүдөн баш тарткан.

Пелоси импичментке алып келген жагдайга Трамптын Украина президенти Владимир Зеленский менен сүйлөшүүсү себеп болду деп эсептейт. Анда АКШнын президенттигине талапкерлердин бири Жо Байдендин уулу Хантер Байденге каршы иликтөө баштоону талап кылгандыгы айтылат. Демократтар муну "шайлоонун бүтүндүгүн бузгандык" катары карашат.

Трамптын импичменти боюнча расмий процедураны баштоо туурасында мындан мурдараак АКШнын Өкүлдөр палатасынын өкүлү Жон Льюис жыйында сүйлөп жатканда айткан эле.

Washington Post гезити маалымат булагына таянып, Пелоси жана демократиялык партиянын бир катар мүчөлөрү менен жыйыны жабык эшик артында өткөнүн жазган. Кеп импичментти уюштуруу үчүн атайын комитетти уюштуруу жаатында болгону кабарланган. Аталган комитеттин бир нече күндөн кийин түзүлөрү да алдын ала айтылды.

Трамптын реакциясы

Трамп өзүнүн импичменти боюнча процедура башталгандыгын билип, «демократтар Бириккен Улуттар Уюмундагы маанилүү күнүн бузууга аракет кылышты» деп жар салды.

"БУУда маанилүү күн. Ийгиликтер, иштер көп. Ал эми демократтар билип туруп баарын бузуп салышты. Бул биздин өлкө үчүн өтө жаман эле! Ал тургай телефон чалууда эмне айтылгандыгы боюнча текстти окубаптыр", — деп жазды Ак үйдүн Twitter баракчасына.

Украина боюнча Трампка коюлган кинелер

Импичмент боюнча демилгенин от алып кетишине Трамп менен Зеленскийдин 2019-жылдын июль айындагы телефон сүйлөшүүсү жаңы себептердин бири болду. ЖМКлардын маалыматында Америка лидери жашыруун деген маалыматты айтып коюп жана Киевди иликтөөнү жасоого мажбурлаганга аракет кылган. Трамп муну танган. Андан сырткары, бул иш Байденди жана анын Украинадагы коррупцияга аралашкан иштерин жаап-жашыруу үчүн болгон аракет деген.

24-сентябрда Трамп телефондогу ошол сүйлөшүүлөрдүн текстин төкпөй-чачпай элге алып чыгууга уруксат берген.

Wall Street Journal басылмасы өзүнүн маалымат булактарына таянып, Трамп телефондон сүйлөшүп жатып Хантер Байден боюнча иликтөөнү ачуу жаатында Зеленскийге бир нече ирет басым көрсөткөндүгүн жазган. Ал эми Украинанын ИИМ жетекчиси Вадим Пристайко маегинде Трамп Зеленскийге басым кылган эмес деп айткан.

Хантер Байден Burisma Group компаниясынын директорлор кеңешинине кирет. Ал Украинадагы газ боюнча ири компаниялардын бири. 2016-жылы АКШнын вице-президенти болуп турганда Жо Байден Украина бийлигинен коррупцияга каршы катуу саясатты жүргүзүүнү талап кылган. Мунун алкагында Burisma ишти иликтеген андагы Башкы прокурордун оставкасын талап кылган. Аталган кызматта турган Юрий Луценко ата-бала Байдендердин мыйзам бузуп, аларды өлкөгө киргизбей коюуга анын колунда далилдин жоктугун айткан.

Күчтөрдүн теңдешүүсү

Төмөнкү палатада 435 мүчө болсо, демократтарда 235.

New York Times 200 кишинин импичментти колдой тургандыгын, анын ичинен 199 демократ жана парламенттин көз карандысыз бир мүчөсү бар экендигин жазган. Мыйзам чыгаруучу 87 парламентарий "жок, азыр эмес же чечкинсиз" деген категорияга кирген. Алардын ичинде 16 демократ жана 71 республикачы болгон. 148 эл өкүлүнүн жообун басылма ала алган эмес. Алардын басымдуу бөлүгү республикачылар (128) дешти.

Washington Post басылмасынын эсебине таянсак, демократтар жана республикачылар сурамжылоого алынган. 194 мыйзамчы импичментке макул болсо, 40ы учурдагы иликтөөнү улантууга макул деген. Бир адамдын жагдай боюнча комментарийи "так болбой" калган.

Импичменттин процедурасы

АКШнын Конституциясына ылайык, импичменттин процедурасында палатанын өкүлдөрү иликтөө жүргүзүп, анын жыйынтыгын Конгресстин жогорку палатасы — сенат карайт.

Учурда палата өкүлдөрүндө демократтардын өкүлдөрү көп, ал эми сенатта республикачылар арбын.

Washington Post Трамптын импичментин эл өкүлдөрүндөгү 253 демократтын 150сү колдорун жазды.

 

103
Белгилер:
импичмент, Дональд Трамп, АКШ
Тема боюнча
Трамп менен Ким Чен Ын Түндүк Кореянын чек арасынан жолугушту. Видео
Россиянын президенти Владимир Путин

Путин Геленджиктеги хан сарай жана макулдашылбаган акциялар тууралуу үн катты

151
(жаңыланган 21:20 25.01.2021)
Путин Россиядагы студенттердин күнүнө арналган онлайн-жолугушууда Алексей Навальный даярдаган "иликтөө" жана митингдер тууралуу оюн билдирди.

БИШКЕК, 25-янв. — Sputnik. Россиянын президенти Владимир Путин YouTube каналындагы Геленджиктеги хан сарай боюнча тасма менен 23-январдагы макулдашылбаган акциялар боюнча үн катты. Бул тууралуу РИА Новости жазды.

Путин Россиядагы студенттердин күнүнө арналган онлайн-жолугушууда Алексей Навальный даярдаган "иликтөө" тууралуу суроого жооп берип жатып, бул тема көптөн бери апыртылып келе жатканын, ага азыр элдин башын айлантууга ыңгайлуу убакыт экенин билдирген.

РФ лидери убакыттын тардыгынан тасманы толук көрбөгөнүн, жардамчылары даярдап берген видео топтомдорго көз чаптырганын айткан.

"Бул суроого дароо эле жооп берейин. Меники деп көрсөтүлгөн мүлктөр мага дагы, туугандарыма дагы тиешеси жок жана болгон да эмес. Эч качан. Кагаз жүзүндө ыйгарылган нерселердин дагы далили жок. Ошол жактагы бассейнде түшкөн сүрөтүмдү чыгарышыптыр. Ал негизи 2016-жылы Енисейде тартылган, анан атайын монтаждап коюшкан. Башкачараак нерсени ойлоп тапканга акылдары жетпептир", — деген Путин.

Мындан тышкары, Россиянын президенти 23-январда ар кайсы шаарлардагы макулдашылбаган акцияларга токтолду. Анын айтымында, жарандар саясий ишмердүүлүгүн жүргүзүүгө, өз пикирин билдиргенге жана аны жайылтууга укуктуу. Бирок бардыгы мыйзам чегинде болушу керек.

"Ошондой эле укук коргоо органдары да мыйзамдын чегинде иш алып барышы керек. Алар Россиянын элине жана мамлекетине кызмат кылууга милдеттүү. Ушундай жол менен алдыга жыла алабыз деп ишенем", — деди Путин.

23-январь, ишемби күнү Россиянын ар кайсы шаарларында Навальныйдын тарапташтарынын макулдашылбаган нааразычылык акциялары өттү. Мыйзамсыз аракеттерди токтотууда кеминде 39 коопсуздук кызматкери жаракат алды.

Полиция биринчи кезекте бетин толугу менен жашыргандарды колго түшүрдү. Кармалгандардын саны боюнча азырынча расмий маалымат жок.

151
Белгилер:
акция, Алексей Навальный, Владимир Путин, Россия
Тема боюнча
Москвада полиция макулдашылбаган акцияга чыккандарды кармай баштады

Дүйнөдө биринчи жолу бейтаптын колун ийини менен кошо салып беришти. Видео

378
(жаңыланган 15:35 25.01.2021)
Исландиялык киши 20 жыл мурда электр тогуна урунуп эки колунан тең ажырап калган. Бейтап 2013-жылы эле операция жасатмак, бирок донорду издөөгө убакыт кеткен.

Франциянын Лион шаарында дүйнөдө биринчи жолу бейтаптын колун ийини менен кошо салып беришти. Бул тууралу The Guardian басылмасы жазды.

Трансплантация 13-январда Эдуард Эррио атындагы клиникада жүргүзүлдү. Операцияга даярдык көрүүгө 50 ак халатчан тартылса, аны жасоого медиктердин төрт бригадасы катышып, колдорду "жамоо" 15 саатка созулган.

48 жаштагы исландиялык Феликс Гретарсон 20 жылы мурда электр тогуна урунуп, эки колунан тең ажырап калган. Андан бери ондогон операция жасаткан. Бейтап Лионго 2013-жылы операция жасатууга уруксат алгандан кийин көчүп келген. Бирок донорду издөөгө бир нече жыл кеткен. 

Операциядан кийин оң колу сол колуна караганда батыраак калыбына келерин айтышкан. Себеби сол жак ийиндин бардыгын калыбына келтирүүгө туура келген.

Азырынча Феликс Гретарсон колдору менен өз алдынча кыймылдай албайт.

Тогуз күндөн кийин исландиялык киши клиникадан биринчи видео кайрылуусун жасап, дарыгерлердин бул керемет ишине эбегейсиз ыраазылыгын айткан.

Ролик оорукананын YouTube-канале каналына жүктөлгөн.

378
Белгилер:
кол, бейтап, трансплантация, операция, Франция
Тема боюнча
Баш тынбай ооруйт. Онколог мээдеги рактын алгачкы белгилерин атады
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

0
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

0
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди