Окумуштуулар табияты эң коопсуз болгон өлкөлөрдү атады
(жаңыланган 15:07 07.10.2019)
Изилдөөчүлөр азыркы замандын кооптуулуктарын эске алуу менен ааламдык пандемиянын кесепетин, биологиялык террорчулукка туруктуулугун баалашты.БИШКЕК, 7-окт. — Sputnik. Жаңы Зеландиянын Отаго университетинин окумуштуулары дүйнөлүк эпидемия жаралып апокалипсис болгон учурда кайсы өлкөгө барып жашаса болорун аныкташты. Бул туурасында Science Alert илимий порталы жазды.
Изилдөөчү топтун жетекчиси Ник Уилсондун айтуусу боюнча, адамзат мурда дүйнөгө жайылган эпидемиянын кесепетинен кырылып келген. Ал эми келечекке көз чаптырып боолголой турган болсок, адам баласынын биотехнологиялык ачылыштардан улам айыккыс пандемияга чалдыгуу тобокелдиги бар.
Уилсон апокалипсиске кептелген учурда аман калуу кыйынга турарын белгилеген. Эгер жаратылыш кырсыгы болгон маалда адамдар коопсуз жерге жайгашса, аман калышы ыктымалдыгын эскертет.
Окумуштуулар апокалипсис болгон учурда баш калкалай турган 20 өлкөнүн тизмесин түзгөн. Эң эле коопсуз деп Австралия, Жаңы Зеландия жана Исландия табылган. Ал эми Япония, Куба, Фиджи, Ямайка, Барбадос жашап кетүүгө мүмкүнчүлүк кененирээк мамлекеттер деп аталган.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Биздин Telegram-каналга жазылыңыз.
Белгилер:
Нурмагомедов: Гэтжиден кийин Макгрегор менен кармашууга даярмын
(жаңыланган 17:43 14.08.2020)
Эки жылдан бери ирландиялык спортчу россиялык мушкерди реванш-беттешке чакырып келген. Бирок Хабибдин менеджери ал Конорду атаандаш катары көрбөй турганын айткан болчу.БИШКЕК, 14-авг. — Sputnik. UFC уюмунун жеңил салмактагы чемпиону Хабиб Нурмагомедов Москвадагы маалымат жыйынында америкалык Жастин Гэтжиден кийин ирландиялык Конор Макгрегор менен беттешүүгө даяр экенин жар салды. Бул тууралуу РИА Новости жазды.
Белгилей кетсек, Нурмагомедов 24-октябрда Абу-Даби шаарында Гэтжи менен күч сынашат. Ал эми Макгрегорду мындан эки жыл мурун Лас-Вегастагы турнирде уткан. Беттештин аягы ызы-чуу менен коштолуп, эки тараптын командасы массалык уруш чыгарган. Окуядан кийин Нурмагомедов беттештерден четтетилип, ири көлөмдөгү айыпка жыгылган.
Түрдүү ой келет... Хабиб карьерасын жыйынтыктоону ойлогонун моюндады
"Гэтжиден соң ким менен болсо да кармашканга даярмын. Ал Тониби (Фергюсон) же Конорбу (Макгрегор), айырмасы жок", — деген спортчу.
2018-жылдан бери ирландиялык спортчу россиялык мушкерди бир нече ирет реванш-беттешке чакырып, UFC президенди Дана Уайт дагы аны уюштурууга кызыкдар экенин билдирип келет. Бирок Хабибдин менеджери ал Конорду атаандаш катары көрбөй турганын айткан болчу.
Лукашенко өлкөдөн чыгып кеттиби? Атаандашы Тихановская элге кайрылды
(жаңыланган 16:46 14.08.2020)
Беларусь Республикасында 9-август күнү өткөн президенттик шайлоонун жыйынтыгына нааразы болгон эл митингге чыгып, ал массалык акцияга айланган.БИШКЕК, 14-авг. — Sputnik. Беларустун президенти Александр Лукашенко айрым ЖМКлардагы анын өлкөдөн чыгып кеткендиги жөнүндөгү маалыматтарды төгүндөдү. Бул тууралуу Sputnik Беларусь агенттиги жазды.
Ошондой эле президент мамлекетте болуп жаткан митингдер боюнча да өз оюн айтты.
"Мен тирүүмүн, эч жакка качып дагы кеткен жокмун. Бүгүн курулуш тармагын талкуулоо үчүн чогулабыз. Баса, митингдер тууралуу айта кетсем, биз ишти токтотуп коюп көчөдө жүргөндө, рынокту атаандаштарыбыз Россия менен Канада ээлеп алмай болду. Жоготкон ордубузду кайра ала албайбыз. Эч качан!" — деди президент.
Ал ортодо Лукашенконун шайлоодогу атаандашы Светлана Тихановская элге кайрылуу жасады.
"Комиссия таза иштеген аймактарда мага добуш бергендердин саны 60-70 пайыз эле. Ал тургай Жаңы Боровойдо 90 пайызга жеткен. Бул тууралуу протоколдордун көчүрмөлөрү бар. Бирок биз өз добушубузду мыйзам жолу менене коргойлу. Азыр көчөлөрдөгү көрүнүштү көрүп жүрөк ооруйт. Адам өмүрү баарынан кымбат экенин унутпайлы", — деди Тихановская.
Беларустагы башаламандыкта 68 кабарчы кармалып, 20дан ашыгы дагы эле камакта
Эске салсак, Беларусь Республикасында 9-август күнү өткөн президенттик шайлоонун жыйынтыгына нааразы болгон эл митингге чыгып, ал массалык акцияга айланган. Тургундар менен укук коргоо органдарынын ортосунда кагылышуу болуп, эки тараптан бир топ адам жабыр тартты.
Өлкөнүн Борбордук шайлоо комиссиясы (БШК) жекшембиде өткөн президенттик шайлоонун расмий жыйынтыгын жарыялап, анда учурдагы мамлекет башчысы Александр Лукашенко 80,08 пайыз добуш менен жеңип чыкканы белгилүү болгон.
Белгилер: