Шакек. Архивдик сүрөт

Таиланддык киши дүңгүрөтө той жасап, келинчегин карызга батырып кетти

1114
(жаңыланган 14:11 08.10.2019)
Майрам учурунда күйөө бала шашылыш түрдө Гонконгго барышы керектигин айтып, из жашырган. Кызга сеп катары чыгарып берилген чекти кошо ала кеткен.

БИШКЕК, 8-окт. — Sputnik. Таиландда өзүн бай катары көрсөтүп, дүңгүрөтө той жасаган киши чыгымын төлөбөй келинчегин карызга батырып кеткенин РИА Новости Bangkok Post баслымасына шилтеме берип жазды.

Маалыматка ылайык, Таиланддын 30 жаштагы тургуну Да ушул жылдын март айында Нат аттуу 50 жаштагы киши менен таанышкан. Ал Гонконгдогу ири компанияны жетектей тургандыгын, аябай бай экендигин айткан. Нат бир нече күндөн кийин эле Данын колун сураган.

Апрелде алар расмий түрдө каттоодон өтүп, жакындарын жана досторун Бурирам провинциясындагы заңгыраган отелде өткөн үлпөт тойго чакырышкан.

Салтанат өзү май айында өткөн. Майрам учурунда күйөө бала шашылыш түрдө Гонконгго барышы керектигин айтып, из жашырган. Кызга сеп катары чыгарып берилген чекти да кошо ала кеткен.

Келиндин энесинин айтымында, үлпөт тойдун чыгымы үч миллион бат (6,4 миллион рубль) болгон. Ошол эле учурда тойдун уюштуруучусу салтанатка 300 миң эле бат (640 миң рубль) кеткендигин айткан.

Той өткөн отелдегилер алданып калган кызга карызды бөлүп төлөөгө мүмкүнчүлүк берсе, ал эми уюштуруучусу сотко арыз жазган. Кыздын ажырашуу үчүн арыз бергени айтылды.

1114
Белгилер:
эркек, кыз, карыз, үлпөт, Таиланд
Тема боюнча
Үлпөт тойдо акчага "көмүлгөн" ырчы. Өзбекстандагы окуя
Индияда ок жеген кыз үлпөт тоюн жылдырбастан, сүйүктүүсү менен баш кошту
Афганистандын чыгышындагы Желал-Абад шаарындагы түрмөгө жасалган чабуул

Афганистанда 20 киши набыт болду. "Ислам мамлекети" түрмөгө чабуул койду

6
(жаңыланган 17:50 03.08.2020)
"Ислам мамлекети" террордук тобунун Афганистандын аймагындагы абакка куралдуу чабуул жасаганы кабарланды.

БИШКЕК, 3-авг. — Sputnik. Афганистандын чыгышындагы Желал-Абад шаарындагы түрмөгө жасалган чабуулдун кесепетинен 20 адам каза тапты. Бул туурасында Sputnik Тажикстан 1TV News телеканалына шилтеме берип, кабарлады.

Мындан сырткары, 85 адамдын жаракат алганы айтылды.

Өлгөндөрдүн арасында аскер кызматкерлери менен жай жашоодогу адамдардын бар экени айтылды. Атышуу учурунда коопсуз кызматы кол салган беш согушкерди жок кылган.

Кечирээк бул каргашанын жоопкерчилигин "Ислам мамлекети террордук" тобу өзүнө алгандыгы белгилүү болду.

Сириялык качкын согушкер АКШ аскерлери "Ислам мамлекети" менен иштешерин айтты

Чабуул учурунда түрмөдө камалгандар качып чыгып, 700 киши ошол жерден эле кармалып, темир торго кайра кайтарылган.

Акыркы маалыматтарга караганда, кармаш 14 саатка чукул созулган. Согушкерлер түрмөнүн эки мунарасын ээлеп алууга үлгүргөн.

6
Белгилер:
түрмө, Чабуул, согушкер, "Ислам мамлекети" террордук тобу, Афганистан
Тема боюнча
Афган туңгуюгу: АКШ касташкан тараптарды элдештирүү аракетинде
Балдар хирургу, медицина илимдеринин доктору, Балдар хирургиясы жана травматология илим-изилдөө институтунун президенти Леонид Рошаль. Архив

Рошаль коронавирус пандемиясын "биологиялык согуштун даярдыгы" деп сыпаттады

134
(жаңыланган 12:57 03.08.2020)
COVID-19 биологиялык согушка даярдык болду. Пандемия медицина системасынын даярдыгын, анын ичинде өлкөлөрдүн биологиялык коркунучтардан коргонуусун сыноодон өткөрдү.

БИШКЕК, 3-август. — Sputnik. COVID-19 пандемиясынан улам келип чыккан абал биологиялык согушка карата даярдык катары туюлат. Мындай пикирди балдар хирургу, медицина илимдеринин доктору, Балдар хирургиясы жана травматология илим-изилдөө институтунун президенти Леонид Рошаль Forbes басылмасына берген маегинде айтканын РИА Новости жазды.

Ал белгилегендей, бардык эле өлкөлөр бул инфекция менен күрөшүүгө даяр эмес экендиги көрүндү. Профессор Россияда коронавирустун жайылышына каршы аракеттенүүгө президент баш болуп баары катышканын белгилейт.

Окумуштуулар: коронавирустун иммундук реакциясы организмди алсыратат

Деген менен чек араны билбеген вирустун, эпидемиянын масштабын билүү кыйын. Айрым учурда элдин жүрүм-туруму да көйгөйдү жаратат. Россияга коронавирус дарыгерлер чет өлкөгө чыгуудан карманбагандыктан улам келгенин Рошаль белгилейт.

"Мен бул абалга талдоо жүргүзүп, аны биологиялык согушка даярдык деп түшүнөм. Мен бул вирусту адам баласы ойлоп тапты дегенден алысмын. Мындай бүтүм жасоого жетиштүү негиз жок, анын үстүнө мен вирусолог эмесмин. Бирок бул медицина системасынын даярдыгын, анын ичинде өлкөнүн биологиялык коркунучтардан коргонуусун текшерүү болду", - дейт Рошаль.

Ал СССРдин тушунда биокоргонуу жогорку деңгээлде болгонун, Кытайдын системасы ушундай эле модель менен курулганын айтат.

"Биз болсо бул системанын жоготуп алдык. Учурда ал тесттен өтүп жатат", - деп белгилейт ал.

Пандемияда Россияда жалпысынан коронавируска кабылган 850 миңдей учур катталган, 14 128 адам каза болуп, 650 миңден ашык бейтап сакайган.

Илдетке чалдыккандардын үчтөн бири – 242 миң адам Москва шаарына туура келет. Анын ичинен 181 миң жаран ооруну жеңген.

134
Белгилер:
Леонид Рошаль, пикир, коронавирус
Тема боюнча
ДССУ кайталап киргизилген карантиндик чектөөлөрдү сынга алды
Медицина кызматкерлер өкмөттүн Ардак грамотасы менен сыйланды

Өкмөт өзгөчөлөнгөн дарыгерлерди Ардак грамота менен сыйлады. Тизме

0
(жаңыланган 17:59 03.08.2020)
Өкмөт республикадагы мамлекеттик жана менчик медицина мекемелеринин кызматкерлерин Ардак грамота менен сыйлады.

БИШКЕК, 3-авг. — Sputnik. Кыргызстанда мамлекеттик жана менчик медицина мекемелеринде өзгөчөлөнгөн кызматкерлерди өкмөттүн Ардак грамотасы менен сыйланды. Бул тууралуу Саламаттыкты сактоо министрлигинен билдиришти.

Сыйлыктарды вице-премьер-министр Аида Исмаилова жана саламаттык сактоо министри Сабиржан Абдикаримов тапшырды.

Пневмониядан айыкты. Саламаттык сактоо министри Абдикаримов ишке чыкты

Ак ниет эмгеги жана саламаттыкты сактоо тамагынын өнүгүшүнө кошкон салымы үчүн төмөнкү адистер сыйланды:

  • Насиржан Адашпаев — Онкология жана Гемотология улуттук борборунун интенсивдүү терапия палатасынын анестезиолог-реаниматолог дарыгери;
  • Нурдин Алмереков — Республикалык жугуштуу илдеттер ооруканасынын жандандыруу бөлүмүнүн башчысы;
  • Бейшеналиев Илимгазы Айыпович — Нарын облусунун Ат-Башы райондук аймактык ооруканасынын директору;
  • Бодошов Азат Умарович — Оорулардын алдын алуу жана мамлекеттик санитардык-эпидемиологиялык көзөмөл департаментинин вирустук лаборатория бөлүмүнүн башчысы;
  • Давлетбаева Марина Мамбетказиевна — Республикалык жугуштуу илдеттер ооруканасынын №1 бөлүмүнүн башчысы;
  • Докбаев Жээнбек Орозмаматович — Ош облусунун Кара-Кулжа райондук Оорулардын алдын алуу жана мамлекеттик санитардык-эпидемиологиялык көзөмөл департаментинин башкы дарыгери;
  • Ибраимов Бакыт Аскарович — Улуттук хирургия борборунун ичеги оорулар секторунун башчысы;
  • Кравцов Алексей Анатольевич — "Профилактикалык медицина" Республикалык илимий-практикалык борборунун врач-эпидемиологу;
  • Макешова Токтобүбү — Республикалык жугуштуу оорулар ооруканасынын №6 бөлүмүнүн улук медайымы;
  • Мамасали уулу Жыргалбек — Бишкек шаардык №1 клиникалык ооруканасынын хирургия бөлүмүнү хирург-дарыгери;
  • Нурланова Махабат Мелисовна — Бишкек шаардык №6 клиникалык ооруканасынын пульмонолог-дарыгери;
  • Өмүракунова Назгуль Советбековна — Эндокринологиялык борбордун башкы дарыгери;
  • Осмоналиев Калмурза Мукашевич — Чүй облустук стоматологиялык бейтапканасынын     стоматолог-хирургу;
  • Осмонов Дамир Асылбекович — менчек медициналык клиниканын башкы дарыгери;
  • Оторбаева Динагүл Сатаровна — Оорулардын алдын алуу жана мамлекеттик санитардык-эпидемиологиялык көзөмөл департаментинин жугуштуу, паразиттик оорулар жана эпидемиологиялык көзөмөл башкармалыгынын башчысы;
  • Салиев Алишер Гаппарович — Ош облустар аралык балдар клиникалык ооруканасынын травматолог-дарыгери;
  • Самаков Алмаз Асанбекович — Улуттук хирургия борборунун чукул хирургия боюнча башкы дарыгеринин орун басары;
  • Солтогулова Аиза Үрүстөмовна — Бишкектин Биринчи май райондук Үй-бүлөлүк дарыгерлер борборунун дарыгери;
  • Тилеков Эрнис Абдышевич — Онкология жана Гемотология улуттук борборунун директору;
  • Үркүнчиев Таалайбек Токтобекович – Нарын облусунун Жумгал райондук аймактык ооруканасынын директору;
  • Чынгышова Жамиля Амановна — Иса Ахунбаев атындагы КММАнын анестезиология жана интенсивдүү терапия кафедрасынын кафедра башчысы.

Кыргызстанда COVID-19дан каза болгон медиктердин так саны айтылды

Бардыгы болуп 21 адис Ардак грамота менен сыйланышты.

0
Белгилер:
сыйлык, грамота, өкмөт, дарыгерлер
Тема боюнча
Ысык-Көлдө атамекендик ишкана коргонуучу кийим тиге баштады. Сүрөт