Тапанча. Архивдик сүрөт

Новосибирскидеги кыргыздар иштеген базарда чыр чыгып, атыша кетишти. Видео

(жаңыланган 14:33 08.10.2019)
Жаңжал учурунда тартылган видеолордон чуру-чуу түшкөн кишилерди, өрттөнүп жаткан автоунааны көрүүгө болот.

БИШКЕК, 8-окт. — Sputnik. Новосибирск шаарынын мөмө-жемиш саткан Хилоский базарында массалык мушташ чыгып, ок атылды. Бул туурасында РИА Новости билдирди.

Окуя кечээ, 7-октябрда, саат 15.00дөр чамасында болгон. Ага кыргызстандыктардын да катышы бар экени айтылат. Айрым ЖМКларга тараган видеолордон чуру-чуу түшкөн кишилерди, өрттөнүп жаткан автоунааны көрүүгө болот.

Маалымат булагы Саламаттык сактоо министрлигинин облустук өкүлүнө таянып травматикалык куралдан беш адам жаракат алганын билдирди. Анын ичинен үчөө алгачкы медициналык жардам алып үйүнө кеткен, бирөө көзүнөн жабыркап, дагы бирөөнүн мээси чайкалып ооруканага жаткырылган.

Новосибирскидеги кыргыз диаспорасынын жетекчиси Жаркынбай Тойтуков Sputnik Кыргызстан агенттигине мушташ базарда иштегендер менен аларды карактоого келген адамдардын ортосунда болгонун айтты.

"Бул базарда кыргызстандыктар жана Борбор Азиянын башка мамлекеттеринен келген мигранттар эмгектенет. Буга чейин алардын акчасын бир нече ирет карактап кетишкен экен. Кечээ ошол каракчылар менен базарда иштегендердин ортосунда чыр чыккан. Азыр териштирүү иштери жүрүп жатат. Менин билишимче, кыргызстандыктардын арасында жаракат алгандар жок", — деди Тойтуков.

Кыргызстандын Россиядагы элчилигинин маалымат кызматы окуя териштирилип жатканын билдирди. Бул ишти элчи Аликбек Жекшенкулов жеке көзөмөлүнө алып, ИИМдин Россиядагы өкүлүнө тапшырма берген.

Белгилер:
базар, Жаңжал, мушташ, Новосибирск
Тема боюнча
"Чалдовар" өткөрүү жайында УКМКнын атайын операциясы үзгүлтүккө учурады
Аёосуз сабалгандар. Бишкектеги мушташ эмнеден чыкканы айтылды
Тибеттик буддисттердин лидери Далай-лама. Архив

Далай-лама дүйнөнү аялдар башкарышы керектигин айтып, себебин түшүндүрдү

(жаңыланган 10:24 14.04.2021)
Тибеттин руханий лидери жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан.

БИШКЕК, 14-апр. — Sputnik. Тибеттик буддисттердин лидери Далай-лама өлкө башчылардын арасына аялдар көбүрөөк кошулса дүйнө жүзү коопсуз болот деп эсептейт. Бул тууралуу РИА Новости жазды.

"Окумуштуулардын айтымында, аялдар табиятынан мээримдүү келет. Ааламда тынчтык болушу үчүн аялдар коомдо активдүү ролду ойноп, боорукерликти жайылтуу иши боюнча милдеттерди алышы керек. Дүйнөдө аял-жетекчилер бар. Алардын саны мындан да көп болсо дүйнө жүзү коопсуз болмок", — деген Далай-лама.

Ал жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан. Бул үчүн аялдарга билимин тереңдетүүгө кеңеш берген.

"Аялдар менен эркектердин интеллектуалдык жөндөмүндө эч кандай айырмачылык жок жана бардык адамдар бирдей укуктарга ээ. Бизге жалпы адамзаттын биримдиги жана мээримдүүлүк, боорукерлик жөнүндө түшүнүк керек. Эркектер аялдарга, ал эми аялдар эркектерге муктаж, демек, биз тең болушубуз керек", — деген тибеттик буддисттердин лидери.

Мындан тышкары, ал бир нече жыл мурун "эгерде Далай-лама институту улана берсе, келечекте Далай-лама аял болуп төрөлүшү мүмкүн" деп айткандыгын эске салды.

Белгилер:
боорукерлик, башкаруу, Дүйнө, эркек, аял, Далай-лама
Тема боюнча
Далай-лама ачууну кантип жеңсе болорун айтып берди
Россиянын президенти Владимир Путин. Архивное фото

Үчүнкү өлкөдө жолугалы. Байден Путин менен телефондон сүйлөшүп, сунушун айтты

(жаңыланган 10:20 14.04.2021)
Эки тарап тең Россия менен АКШнын гана кызыкчылыгы эмес, бүткүл дүйнө коомчулугуна пайда алып келүү үчүн мындан ары дагы диалогду улантууга даяр экенин билдирди.

БИШКЕК, 14-апр. — Sputnik. АКШ президенти Жо Байден Россия лидери Владимир Путин менен телефон аркылуу сүйлөшүп жатып, кесиптешин жакынкы айларда үчүнчү өлкөдө жолугушууга чакырды. Бул тууралуу Кремлдин маалымат кызматына шилтеме берип РИА Новости жазды.

Билдирүүгө караганда, сүйлөшүү АКШнын демилгеси менен уюштурулду.

Президент Байден Россия менен мамилесин турукташтырып, жакшыртууну максат кылганын айтты. Ал жакынкы айларда жолугуп, Россия менен Американын ортосундагы көйгөйлүү маселелерди талкуулоого чакырган.

"Байден Крым жана Украина менен чектешкен аймакта орус аскерлери күчтөндүрүлгөнүнө тынчсызданып жатканын айтып, бул өлкөнүн эгемендүүлүгү менен аймактык бүтүндүгүнө АКШ кызыкдар экенин кошумчалады. Мындан тышкары, "эгер Россия киберчабуул жана шайлоолорго аралаша турган болсо", Вашингтон өз кызыкчылыгын коргой турганын билдирди", — деп айтылат кабарда.

Россия президентинин маалымат катчысы Дмитрий Песковдун айтымында, Россия буга чейин деле АКШдагы шайлоолорго аралашпагандыгын айтып, айыптоолорду курулай жалаа жабуу деп баалап келгенин билдирди.

Эки тарап тең Россия менен АКШнын гана кызыкчылыгы эмес, бүткүл дүйнө коомчулугуна пайда алып келүү үчүн мындан ары дагы диалогду улантууга даяр экенин билдиришти.

Лидерлер алдыда Афганистандагы кырдаал, Ирандын өзөктүк программасы, климаттын өзгөрүшү сыяктуу көйгөйлүү маселелер боюнча сүйлөшүүлөрдү жүргүзөрү белгилүү болду.

Белгилер:
Россия, талкуу, сүйлөшүүлөр, Владимир Путин, Жо Байден, АКШ
Тема боюнча
Донбасста согуш жанданабы? Путин Меркель жана Макрон менен эмнени сүйлөштү