Талаа. Архив

Адамзатты каатчылык күтүп турабы? Эксперттердин изилдөөсү

860
(жаңыланган 14:13 08.10.2019)
Окумуштуулардын айтымында, каатчылыктан арылуу үчүн аталган фосфорду колдонууну азайтуу керек. Акыркы 50 жылда фосфору бар жер семирткичтердин колдонулушу 50 эсеге көбөйгөндүгү маалымдалды.

БИШКЕК, 8-окт. — Sputnik. Адамзат айыл чарбасын өстүрүүдө зарыл болгон фосфордун тартыштыгына кабылып, бул ачарчылыкты жаратышы мүмкүн экендигин эксперттердин эл аралык тобу билдирди. Бул туурасында Science Alert сайтында кабарланган.

Бул минералдык жер семирткичтерди рационалдуу эмес пайдалануудан улам кыртыш океанга агып түшүп, жердин болуп көрбөгөндөй арыктаары айтылган.

Басылма акыркы 50 жылда фосфору бар жер семирткичтердин колдонулушу 50 эсеге көбөйгөндүгүн, ал эми 2050-жылга карата суроо-талап эки эсе көбөйөрүн жазды.

Эгерде аталган элементти сактоого эч кандай аракет жасалбаса, анын кору жакын арада таптакыр эле жок болуп кетери айтылган.

Кээ бир теориялык моделдер азыркы шартта кол жете турган фосфорду колдонуу болжол менен 80 жылдан кийин жок болуп, түшүмсүздүккө алып келери айтылат.

Консервативдүү бааларга караганда, бул 400 жылдан кийин болору, ал эми көңүл чөгөрткөн болжолго таянсак, 40 жылдан кийин фосфордон кол жууй турганыбыз маалымдалган.

Окумуштуулардын айтымына караганда, каатчылыктан арылуу үчүн аталган элементти колдонууну азайтуу керек. Мындан сырткары, аны кайрадан иштеп чыгып, аны экинчи ирет колдонууну да чектөө зарыл. Рециркуляциянын чектелген системасын түзүү фосфатты жер семирткич, отун жана азык-түлүк катары 46 ирет колдонууга мүмкүндүк берери кабарланган.

Анткен менен учурда жер семирткич булгаган көлмөлөрдүн экологиялык системасы боюнча маселесин чечүүнүн жалпыга белгилүү жолу дале табыла элек.

860
Белгилер:
Окумуштуулар, ачарчылык, айыл чарба, экология
Тема боюнча
Быйыл ачарчылыкка кабылышы мүмкүн деген өлкөлөр аталды
РС-24 Ярс комплекси. Архив

"Жок дегенде аракет кылып көрүш керек". СНВ-3 макулдашуусун узартуу боюнча пикир

98
(жаңыланган 17:24 20.10.2020)
СНВ-3 — Россия менен АКШнын ортосундагы куралданууну чектеп турган жалгыз келишим. Анын мөөнөтү 2021-жылдын 5-февралында соңуна чыгат.

БИШКЕК, 20-окт. — Sputnik. Кремль Вашингтон менен стратегиялык туруктуулук боюнча сүйлөшүүлөр уланып жатканын белгилеп, СНВ-3 (стратегиялык чабуул куралы) боюнча АКШнын билдирүүсүнө комментарий берди. Sputnik радиосуна маек курган америкачы Константин Блохин сүйлөшүүлөр үчүн кайсы тарап ыңгайлуу экенине токтолгон.

Москва АКШ Владимир Путиндин СНВ-3 макулдашуусун дагы бир жылга узартуу сунушун четке какканына карабай Вашингтон менен стратегиялык туруктуулук боюнча байланыштар уланат деп ишеним артып жатканын президенттин маалымат катчысы Дмитрий Песков билдирди.

Трамп менен Путинден "октябрдык күтүүсүз белек"

"Биз америкалык тарап менен кандай болгон күндө да сүйлөшүүлөр уланат деп ишенебиз. Албетте, президент айткандай, макулдашуунун мөөнөтүн узартуу куралга көзөмөл кылуу боюнча олуттуу сүйлөшүүлөргө убакыт бермек", — деди Песков.

Ал ошондой эле мындй аракеттер оңунан чыкпаса жалпы дүйнөлүк коопсуздук үчүн кесепети оор болорун кошумчалады.

"Андыктан биз америкалык өнөктөштөрдүн документтин мөөнөтүн узартууга даяр экенин уккубуз келет", — деди Песков.

Анын айтымында, азырынча жылыш байкалбайт. Бирок бул байланышты таптакыр токтотуп коюу керек дегенди түшүндүрбөйт.

Sputnik радиосунун эфиринде Россиянын илимдер академиясынын Коопсуздук көйгөйлөрүн иликтөө борборунун илимий кызматкери, америкачы, саясат таануучу Константин Блохин сүйлөшүүнүн тагдыры АКШда болчу президенттик шайлоодон ким жеңип чыгарынан көз каранды экенин белгиледи.

"Ачык каалганы каккылоо". Москва АКШны жаза таюудан сак болууга чакырды

"Республикаылк партиянын өкүлү Дональд Трамп биринчиден Кытайды жек көрөт, СНВ-3тү дагы Пекин менен байланыштырып келет. Экинчиден, Республикалык партия куралданууга көзөмөлдү жокко чыгарууга аракет жасайт. Кичүү Жорж Буштун убагында америкалыктар ПРО боюнча макулдашуудан чыгып кеткен, Трамп өзү орто жана кыска ыраактыктагы ракеталар боюнча, мындан тышкары, Ачык асман боюнча макулдашуулардан чыкканын унутпайлы. Эгер шайлоодо Трамп жеңсе, СНВ-3 макулдашуусунан да чыгуу ыктымалдуулугу жогорулайт", — деди Блохин.

Эгер шайлоодо демократ Жо Байден утуп кетсе, документтин мөөнөтү узарышы мүмкүн.

"Салтка айланып калгандай, Демократиялык партия стратегиялык туруктуулук боюнча орустар менен макулдашып алууга ыктайт. Барак Обаманын администрациясы Дмитрий Медведев менен азыркы макулдашуунун мөөнөтүн узарткан. Бирок ким жеңерине карабастан бир нече ай ичинде жаңы келишим түзүү мүмкүн эмес. Андыктан бир жылда жаңы макулдашууга жетишүү үчүн учурда колдо бар документти узартууга аракет кылыш керек", — деди Блохин.

СНВ-3 — Россия менен АКШнын ортосундагы куралданууну чектеп турган жалгыз келишим. Анын мөөнөтү 2021-жылдын 5-февралында соңуна чыгат, эгер узартылбаса, ири өзөктүк державаларды тизгиндеп турган нерсе калбай калат.

98
Белгилер:
келишим, курал, коопсуздук, макулдашуу, АКШ, Россия
Хакердик чабуул жасап жаткан адам. Иллюстративдүү сүрөт

РФ элчилиги АКШдагы россиялыктардын айыпталышы боюнча үн катты

50
(жаңыланган 16:45 20.10.2020)
Буга чейин АКШнын Юстиция министрлиги менен Федералдык иликтөө бюросу башка өлкөлөрдүн инфраструктурасын талкалоого багытталган делген зыяндуу программаны таратуу боюнча алты россиялыкка айып таккан.

БИШКЕК, 20-окт. — Sputnik. Россиянын Вашингтондогу элчилиги АКШнын орус жарандарына карата хакердик жана дүйнөдөгү абалды туруксуздаштыруу боюнча айыптоолорун четке какты. Бул тууралуу дипломатиялык өкүлчүлүккө шилтеме берип РИА Новости жазды.

Буга чейин АКШнын Юстиция министрлиги менен Федералдык иликтөө бюросу башка өлкөлөрдүн инфраструктурасын талкалоого багытталган делген зыяндуу программаны таратуу боюнча алты россиялыкка айып таккан.

"Кан төгүп жатышат". Карабахта россиялык тынчтык орнотуучуларды ким күтөт?

Алар 2017-жылы тараган NotPetya вирусу, ошондой эле Түштүк Кореядагы Олимпиада учурундагы кибер чабуулга айыпталып жатат. Мындан тышкары, алар Башкы чалгындоо башкармалыгынын кызматкерлери деп шектелүүдө. Ошол эле учурда Улуу Британия Россиянын чалгынчылары тараптан Токиодогу Олимпиадага (ал жылдырылганга чейин — ред.) кибер чабуул даярдалганын айтып чыкты.

"Бул айтылып жаткандын бардыгы эч бир жагынан чындыкка туура келбеси айдан ачык болуп турат. Бир гана Россияга каршы иштеген Америка коомуна жем таштоонун амалы. Мындай нерсе бир нече жылдан бери Вашингтондун саясий жашоосунун өзгөчөлүгү болуп калды. АКШ бийлиги Россия-Америка мамилесин ого бетер талкалап, өз элине Россия тууралуу туура эмес түшүнүктү таңуулап жатышат", — деп айтышты элчиликтен.

"Новичок" баяны: Навальный эмнеге немецтер менен оюн курууда?

Маектештин агенттикке билдиргенине караганда, Россия эч качан бүткүл дүйнөгө бүлүк салчу операцияларды пландаган эмес жана пландабайт дагы.

"Бул биздин тышкы саясатыбызга, улуттук кызыкчылыктарыбызга туура келбейт. Мамлекеттер арасындагы мамилелер мындай негизде түзүлбөшү керек. Россия башка мамлекеттердин эгемендүүлүгүн сыйлайт жана ички иштерине кийлигишпейт", — деди маектеш.

Маалыматка караганда, АКШ менен Улуу Британиянын россиялык хакерлерди Токио Олимпиадасы учурундагы чабуулдарга айыптап жатканы негизсиз жана ички аудиторияга гана багытталган.

50
Белгилер:
Чабуул, хакерлер, АКШ, Россия
Тема боюнча
Европа Россияга каршы жаңы санкциялардын азабын тартабы?
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

0
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

0
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы