Стюардесслар. Архивдик сүрөт

Бири түкүрүп, экинчиси жаакка чаап... Учкуч менен стюардессанын учактагы окуясы

4715
(жаңыланган 11:26 10.10.2019)
Эркек кишинин аялга жакындап келип түкүрүп жибергендигин көрүүгө болот. Стюардесса аны алка жакадан алып, жаактан ары бир нече тартып жиберген.

БИШКЕК, 10-окт. — Sputnik. Republican Airways аба жолдорунун учкучу менен стюардессасынын бири-бирине кол көтөргөнү видеого түшүп калган. Бул тууралуу ABC News жазды.

Окуя быйылкы жылдын 14-сентябрында болуп, элге жакында эле тарап кеткен.

Учак американын Денвер шаарында рейстин алдында, салондо жүргүнчү жок учурда болгондугу маалымдалды.

Учактын негизги адамдары деп эсептелген булардын жагымсыз окуясы YouTube каналына да жайгаштырылган.

Видеодон эркек кишинин аялга жакындап келип түкүрүп жибергендигин көрүүгө болот. Стюардесса аны алка жакадан алып, жаактан ары бир нече ирет тартып жиберген. Мындай күтүүсүз "кадамдан" кийин пилот аялды кабырга тарапка муштап жаткандыгына күбө болобуз.

Кийинчерээк алар 36 жаштагы учкуч Уильям Томас менен 29 жаштагы стюардесса Мариша Спорер экени анык болгон. Алардын 2018-жылдын ноябрь айынан бери жакын байланышы бар экени ачыкталган. Томас менен Спорер коомдук тартипти бузганы үчүн камакка алынган.

Republican Airways компаниясынын өкүлү эки кызматкер тең бул окуядан кийин жумуштан бошогонун айтты. Маалыматта окуянын чоо-жайын полиция кызматкерлери иликтеп жатканы жазылган.

4715
Белгилер:
видео, уруш, стюардесса, Учкуч, АКШ
Тема боюнча
Дубайда стюардесса болуп иштеген Наргиза: азыр жашоомду учаксыз элестете албайм
Биз жеңил ойлуу эмеспиз! Стюардессалардын көңүлүн айныткан кардарлар
Россиядан чыккан Абсолюттук мушкерлер уюмунун (UFC) чемпиону Хабиб Нурмагомедов

Түрдүү ой келет... Хабиб карьерасын жыйынтыктоону ойлогонун моюндады

8
Хабиб өзүн ардагер спортчулардын катарына кошулуп баратканын белгилеген. Ошондой эле келечекте машыктыруучулук менен чектелбей турганын айтты.

БИШКЕК, 14-авг. — Sputnik. Россиядан чыккан Абсолюттук мушкерлер уюмунун (UFC) чемпиону Хабиб Нурмагомедов карьерасын жыйынтыктоо ою болгонун моюндады. Бул тууралуу ал маалымат жыйында билдиргенин РИА Новости жазды.

Спортчу азыр чемпиондук наамын ийгиликтүү коргоп алууга даярдык көрүп жатканын белгилеген. Эске салсак, Нурмагомедов 24-октябрда Абу-Даби шаарында америкалык Жастин Гэтжи менен күч сынашат.

"Ар кандай ойлор келет, азыр деле карьераны жыйынтыктоо тууралуу ойлоном. Бирок учурда алдыдагы беттешке даярданып жатам, узакка план койгон жокмун. Сентябрда 32ге чыгам, жаш спортчу эмесмин. Акырындан ардагер спортчулардын катарына кошулуп баратам. Сегиз жылдан бери UFC октагонуна чыгып келем. Эртерээк беттештерге кайтып, деги эле бир нерсе менен алек болгум келип жатат", — деген Хабиб.

Менеджер: Хабиб карайлап турат, бирок быйыл Гэтжи менен беттешет

Мындан тышкары, ага "саясатка барасызбы?" деген суроо узатылган. Мушкер спорттогу ишин аягына чыгара электигин жана креслосу жок эле элге жардам берсе болорун айткан.

Бирок ошол эле учурда өзүн келечекте машыктыруучулук менен чектебей турганын кошумчалаган.

8
Белгилер:
беттешүү, карьера, спорт, Хабиб Нурмагомедов, UFC
Тема боюнча
Шайтан алгыр! Сен-Пьер аны Нурмагомедов менен беттештирүү боюнча үн катты

АКШ Россияны "талиптер менен байланыш" үчүн опузалады. Ал эми ТИМ далил сурады

5
(жаңыланган 16:26 14.08.2020)
АКШнын мамлекеттик катчысы Майк Помпео эгерде талиптер менен байланыш аныкталып калса, Россияга анын баасын өтө кымбат төлөгөнгө туура келет деп опузалады.

Окуя Россия Афганистандагы террорчуларга америкалык аскерлерди өлтүргөнгө акча төлөйт деген маалыматты июнда The New York Times гезити жазып чыкканда башталган. Макалада эч кандай факты келтирилген эмес. Болгону куру сөздөр айтылган. Алар атайын кызматтын аталбаган маалымат булагынын айтканына негизделген. Россия ТИМи The New York жазган макала карандай калп экенин айтып, АКШдан далил талап кылды.

"Тезинен аткаруу зарыл": АКШ Россияны эмнеге жазалагысы бар?

Америкалыктар мындай олуттуу билдирүү менен эмнени жашырганы, дегеле Россияны террорчулар менен байланыштыруу Трампка жардам бере алар, албасын биздин видеодон көрсөңүз болот.

5
Белгилер:
күнөө, талиптер, Россия, ТИМ, Афганистан, АКШ
Тема боюнча
АКШнын чалгын кызматы Россиянын талибдер менен "жакындыгын" төгүндөдү
Афганистанда бир нече теракт болуп, анын жоопкерчилигин "Талибан" алды. Видео
Афганистанда 20 киши набыт болду. "Ислам мамлекети" түрмөгө чабуул койду