Сириядагы Түркиянын аскер кызматкерлери. Архив

Түркия Сирияда согуштук операция баштады. Дүйнө эмне дейт?

385
(жаңыланган 14:41 10.10.2019)
Кечээ, 9-октябрда, Сирияда күрд түзүмдөрүнө каршы "Тынчтыктын булагы" согуш операциясы башталды. Өлкөнүн түндүк тарабына 181 жолу сокку жасалган.

БИШКЕК, 10-окт. — Sputnik. Түркиянын президенти Режеп Тайып Эрдоган 9-октябрда Сириянын түндүк тарабында Күрд жумушчулар партиясына жана "Ислам тобуна" каршы "Тынчтыктын булагы" деп аталган операциясын жар салды. Бул туурасында РИА Новости жазды.

Операциянын максаты

Түркиянын Бириккен Улуттар Уюмундагы (БУУ) атайын ыйгарымдуу өкүлү Феридун Синирли оглу операция террордук кооптуулук менен күрөшүү зарылдыгынан келип чыккандыгын айтты.

"Түркия "Тынчтыктын булагы" операциясын коргонуу максатында баштады. Бул БУУ уставынын 51-беренесинде айтылган. Чек ара коопсуздугун, чек арага жакын аймактардагы террорчуларды алсыздандыруу максатында жасалат", — деп айтылат БУУнун Башкы катчысына жана Коопсуздук кеңешинин төрагасына багытталган катта.

Документте операция Сирияны "Күрдстан жумушчулар партиясы менен Ислам кыймылы" уюмдарынын таралып кетишинен куткарууга" багытталгандыгын айтышты.

"Сириянын Ефратынан чыгышты карай кеткен аймактагы террордук уюмдар, анын ичинен "Ислам кыймылы", Күрд жумушчулар партиясы, Демократиялык биримдик партиясы, коргонуучу элдик армиялар Түркиянын улуттук коопсуздугун олку-солку кылып жатат", — деп айтылган аталган каттын көчүрмөсүндө.

Биринчи кадамдар

Түрк авиациясы 9-октябрда Сириянын Хасеке провинциясындагы Рас эль-Айн шаарына сокку урган. Авиабомбага Түркия менен чектешкен аймакта жайгашкан дагы бир шаар Телль-Абъяд кабылган. Кечирээк кургактагы операция башталган. Түркиянын Коргоо министрлигинин маалыматына караганда, өлкөнүн түндүк тарабына 181 жолу сокку жасалган.

Сириялык күрддөр түрк армиясынын жерден жасаган соккусуна жооп берип жаткандыктарын айтты. Кеп "Сириялык демократиялык күчтөр" (SDF) деп аталган араб-күрд отряддары туурасында болууда.

"Жерден урулган соккуга Телль-Абъядда SDF аскерлери жооп кайтарган", — деп кабарлады "Сириялык демократиялык күчтөрдүн" өкүлү Мустафа Бали Twitter аккаунтуна.

Сириянын мамлекеттик телеканалы артиллериялык атышуу түрк жана "Сириялык демократиялык күчтөрдүн" аскерлеринин ортосунда болгонун билдирди.

Сириянын суверенитети кандай болот?

Жогоруда сөз болгон Феридун Синирли оглунун катында Түркия "Сириянын саясий биримдиги менен аймактык бүтүндүгүнө бекем ишене тургандыгы" айтылат.

"Андыктан Түркия көп нерсеге өзөк болгон бул принциптерге салымын кошуу жана кошо аракет кылуу максатында бул чараларды кабыл алып жатат. Операция Түркиянын кандай гана сепаратисттик нерселерди болбосун, Сириянын бүтүндүгү менен көз карандысыздыгын бузууга катуу каршы туруу боюнча маанилүү чечими", — деп айтылган документте.

Дүйнө буга эмне деди?

Операциянын башталышына чейин Россия лидери Владимир Путин Түркия президенти Эрдоган менен телефондон сүйлөшүп, абалды таразалап кароо боюнча айткан.

Евробиримдик Түркияны Сириянын түндүк-чыгышындагы "бир тараптуу согуштук акцияны" токтотууга чакырды. Бир катар араб өлкөлөрү, БУУнун башкы катчысы Антонио Гуттериш бул кырдаалга өтө тынчсызданып жаткандыгын билдирди. БУУнун Коопсуздук кеңеши бардык тараптарды ачууга алдырбоого, сабырдуулукка чакырды.

АКШнын президенти Дональд Трамп АКШ Түркиянын Сириядагы согуштук операциясын "жакшы эмес идея" деп атап, сокку уруп жаткан өлкөнү кийинки кесепети туурасында айтып, коркуткан. Тагыраагы, Трамп эгерде Анкара күрддөргө кол салса, Түркиянын экономикасын "талкалай" турганын кайрадан кайталап айтты.

385
Белгилер:
Владимир Путин, Режеп Тайип Эрдоган, Россия, АКШ, Түркия, Сирия
Тема боюнча
Сириядагы согуш бүттү. Сергей Лавров билдирүү жасады

Чаңырып эшикке чуркашты. Бейрутта үйлөнүп жаткандардын жарылуу учурундагы видеосу

147
(жаңыланган 19:00 09.08.2020)
Өткөн шейшемби күнү Бейрут шаарындагы портто ири жарылуу болуп, бир секунд ичинде тургундардын жашоосуна бүлүк салды.

Бул күнү бир топ түгөй бейкапар, эч нерседен шек санабай үйлөнүү үчүн чиркөөгө келишкен. Салтанаттын бири жарылуунун борборунан 17 чакырым аралыкта болгон. Жарылуунун толкуну ошол жерге чейин жетип, имараттын айнектери толугу менен күбүлүп калган. Алгач ичиндегилер чокунуп, тобо келтирип, ал эми жарылуу экинчи ирет кайталанып, төбөдөн айнектер талкаланып кулай баштаганда чаңырып, кыйкырып эшикти көздөй чуркашканын көрүүгө болот.

Үрөй учурган жарылуу болгон жерден алынган 14 сүрөт. Бейруттагы трагедия

Ал эми салтанатка келген бир кыз катуу коркуп калгандыктан, бир топко чейин тынчтана албай, ыйлаганын токтоткон эмес.

Эске салсак, 4-августта Ливандын борбору Бейрут шаарында катуу жарылуу болуп, 150дөн ашык адам көз жумса, алты миңден көбү жабыркаган.

147
Белгилер:
чиркөө, үйлөнүү, жарылуу, Бейрут, Ливан
Тема:
Бейруттагы жарылуу
Тема боюнча
Жарылуу болгон Бейруттан көрсөтүлгөн түз эфир

Гигиенаны сактаган чычкан элди күлкүгө салды. Видео

155
(жаңыланган 18:28 09.08.2020)
Жамгыр алдында жуунуп жаткан чычкан социалдык тармактын колдонуучуларын жылмайтты. Жагымдуу ролик Вьетнамда тартылган.

Күбөнүн видеосу ViralHog YouTube каналына жүктөлгөн. Кадрдан көрүнүп тургандай, чычкан бутка туруп алып кадимкидей жаандын суусуна жуунуп жатат.

Индияда ээси менен обон созгон ит интернетти жарды. Видео

Видеонун авторунун айтымында, бул окуя 6-августта Хошимин көчөсүндө болгон. Суу алдындагы кемирүүчү жандыкты ал кафенин жанынан көргөн.

"Досторубуз менен көчөдөгү кафеде отурганбыз. Бир маалда чычкандын бул жоругун байкап калып чөнтөк телефондун камерасына тартып алгам", — деди видеонун автору.

Вьетнамдагы соцтармак колдонуучулары аны "эң таза чычкан" деп атап коюшкан.

155
Белгилер:
видео, Суу, жамгыр, чычкан, Вьетнам
Тема боюнча
Өлүмүш болуп арстандардын азуусунан кутулган иттин видеосу
Президент Сооронбай Жээнбеков. Архив

Кеткендерди кайра кайтаруу керек. Жээнбеков айылдарды өнүктүрүү туурасында

22
(жаңыланган 19:43 09.08.2020)
Маек учурунда Жээнбеков аймактарда көп иштеп келгенин, ал жактагы кыйынчылыктардын баарын жакшы билерин белгилеген.

БИШКЕК, 9-авг. — Sputnik. Айылдарды өнүктүрүү үчүн мамлекетте болгон каражатты ошол жактарга буруу керек. Бул тууралуу өлкө башчы Сооронбай Жээнбеков "Биринчи радиого" (КТРК) маек берип жатып билдирген.

Жээнбеков маек учурунда аймактарда көп иштеп келгенин, ал жактагы кыйынчылыктардын баарын жакшы билерин белгилеген.

"Аймактарда ыңгайлуу жашоо үчүн шарттарды жана жумуш орундарын түзүүгө жергиликтүү бийликтин каражаты да, мүмкүнчүлүгү да жок. Ошондуктан жергиликтүү тургундар өлкөнүн чоң шаарлары менен облус борборлоруна жана чет өлкөлөргө чыгып кетип жатат", — деди Жээнбеков.

Мамлекет башчы премьер-министр болуп турганда жыйырма шаардын тегерегинде өнөр жай ишканаларын куруу боюнча өкмөт программа кабыл алганын да айтып кетти.

Жээнбеков: аймактарда ооруканалар эски, аны оңдоодо каржылоо маселеси жаралбасын

"Калкыбыздын 70 пайызы айыл жеринде жашаарын дайыма айтып келебиз. Бирок чындап келгенде, айылдардан көбү кетти. Аларды кайра кайтаруу керек. Баарын алып келе албасак дагы өсүп келе жаткан муунга, балдарыбызга ошол жерде жумуш орундарын түзүшүбүз шарт. Ал үчүн мамлекетте болгон каражатты ошол жактарга буруу керек. Бүгүнкү күндө мамлекеттеги болгон мүмкүнчүлүктөр анын ичинде бюджет, сырттан тартылган каражаттар аймактарга багытталат", — деди президент.

Мындан сырткары, мамлекет башчы таза суу темасына да токтолуп, бул маселе 2024-жылга чейин чечилип бүтүп каларын убадалады.

22
Белгилер:
өнүктүрүү, айыл, Сооронбай Жээнбеков, Кыргызстан
Тема боюнча
Жээнбеков: ооруканалардын курулушуна 100 млн доллар салчу адамдар бар