Көмүү. Архивдик сүрөт

Көмүлгөн киши жети сааттан кийин үйүнө келген. Индонезиядагы окуя

27688
Сөөктү туугандарына өткөрүп беришип, алар таанып-тааныбай, бирок ыйлап-сыктап жерге жашырган. Анткен менен арадан жети саат өтүп-өтпөй Сунарто үйүнө кирип келген.

БИШКЕК, 12-окт. — Sputnik. Индонезиядагы Гесикан (Чыгыш Ява провинциясы) айылынын жашоочусу өзүнүн тажыясынан кийин үйүнө кайтып келгендигин РИА Новости жазды.

Окуянын баары жол кырсыктан башталган. Жабыркаган кишинин денеси абдан жанчылып калгандыктан, аны тааный албай коюшкан. Жанында документи да болгон эмес. Полиция маркумдун 40 жаштагы курулушчу Сунарто экенин айткан.

Сөөктү туугандарына өткөрүп беришип, алар таанып-тааныбай, бирок ыйлап-сыктап жерге жашырган. Анткен менен арадан жети саат өтүп-өтпөй Сунарто үйүнө кирип келген. Окуянын чоо-жайын сурай келгенде, ал таанышы Вариим аттуу адамдан карыз акча алып, мотоциклин күрөө катары ага таштап кеткен. Тирүү келген Сунарто кырсыктаган адам Вариим болушу мүмкүн деген божомолун айткан.

Маркумдун туугандарына болгон окуя кабарланып, алар сөөктү көмүлгөн жерден казып албай эле орнотулган жазууну алмаштырып коюуну чечишкен.

27688
Белгилер:
жол кырсык, маркум, Индонезия
Тема боюнча
Жакшы кабар! Уранды алдында калган ымыркай палатага которулду. Видео
Ошто каза тапкан эки жашар баланын окуясы. Шектелген аял үн катты
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

19
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

19
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Кыргызстандын президенти Садыр Жапаров. Архив

Жапаров Путинге Пермдеги окуя боюнча көңүл айтты

97
(жаңыланган 21:51 20.09.2021)
Бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26 адам жаракат алган.

БИШКЕК, 20-сен. — Sputnik. Президент Садыр Жапаров бүгүн, 20-сентябрда, Пермь мамлекеттик изилдөө университетинде адамдардын каза тапкандыгына байланыштуу Россия лидери Владимир Путинге жана Россия элине көңүл айтты. Бул тууралуу мамлекет башчынын маалымат кызматынан кабарлады.

"Мамлекеттик Пермь улуттук изилдөө университетиндеги куралдуу кол салуунун кесепетинен адам курмандыктары болгон окуя тууралуу кабарды терең кайгыруу менен кабыл алдым. Кыргызстандын жана жеке өзүмдүн атымдан каза болгондордун үй-бүлөлөрүнө жана жакындарына чын дилимден көңүл айтып, бул трагедияда жабыркагандардын бардыгына тез арада сакайып кетишин каалайм", — деп айтылат мамлекет башчынын телеграммасында.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Ошентип, шектүү кармалган.

97
Белгилер:
Россия, Пермь, ок чыгаруу, өлүм, полиция
Тема боюнча
Пермь университетинде студент ок чыгарып, 8 киши каза тапты. Видео
Пермдеги элди аткан студент полиция кызматкерине да ок чыгарган. Чоо-жайы