Тамак аш. Архив

Семирбеш үчүн кеңседе иштегендер кандай тамактанышы керектиги айтылды

986
Адистердин айтымында, ашказанда төрт сааттан ашык тамак жок болсо, чекеси жыйрылып, оорулар башталат. Бул учурда туз кислотасы бөлүнүп, ашказандын жана он эки эли ичегинин челин жабыркатып, жараны, дуоденит жана гастрит ооруларын пайда кылат.

БИШКЕК, 17-окт. — Sputnik. Тамактануу жана биотехнология боюнча Россиянын федералдык иликтөө борборунун эксперттери иш учурунда кантип азыктануу керектиги тууралуу кеңеш бергенин "Известия" жазды.

Маалыматта биринчи кезекте түштөнүүнү калтырбоо зарыл экендиги белгиленет. Күнүнө беш-алты жолудан азыктануу керек. Алардын ортосундагы аралык 2,5-3 сааттай болушу шарт. Андан көбүрөөк убакыт болсо организм стресске кабылышы ыктымал.

"Ашказанда төрт сааттан ашык тамак жок болсо, анын чекеси жыйрылып, ачкалыктан оорулар башталат. Бул учурда туз кислотасы бөлүнүп, ашказандын жана он эки эли ичегинин челин жабыркатып, жараны, дуоденит жана гастрит ооруларын пайда кылат", — деп айтылат макалада.

Ошол эле учурда түшкү тамактын ордун пирожки, булочкаларга алмаштырган болбойт. Эң жакшысы — жаныңызга тамак алып келип алыңыз. Офистен майлуу тамак ичүү толуп кетүүгө алып келет. Ошондой эле туздуу азыктар буттун шишишин жана кан басымдын жогорулашын шарттайт.

Шаш-шум этүүдө мөмө-жемиш, кургак жемиш, жаңгак, кээде аз өлчөмдө ачуу шоколад керекке жарайт. Андан тышкары, жер-жемиштерди колдонгон пайдалуу. Алар витамин жана минералдарга бай экендиги маалым. Адамды семиртип да жибербейт.

Мындан башка да суткасына бир-эки литр суу ичүү керектиги жазылган. Иш столунан 30-40 мүнөт сайын туруп, дене-башты кыймылдатып, көнүгүүлөрдү жасаса, кан айлануу жакшырат.

986
Белгилер:
оору, ашказан, тамактануу, эксперт, жумушчу
Тема боюнча
Жүзүм жеген жүзгө чыгат. Окумуштуулардын жаңы изилдөөсү
Күзүндө оорубаш үчүн эмне жеш керектиги айтылды
Бейтапка укол сайып жаткан дарыгер. Архив

Путин кызы COVID-19га каршы вакцина алып, өзүн кандай сезип жатканын айтты

16
(жаңыланган 15:21 11.08.2020)
Бүгүн Россиянын дүйнөдө биринчилерден болуп коронавируска каршы вакцинаны каттоодон өткөргөндүгү белгилүү болду.

БИШКЕК, 11-авг. — Sputnik. Россия президенти Владимир Путин кыздарынын бири коронавируска каршы вакцина алгандыгын билдирди. Бул туурасында РИА Новости кабарлады.

Мындай маалыматты ал өкмөттүн жыйынында Россия дүйнөдө биринчилерден болуп COVID-19га каршы вакцинаны каттоодон өткөргөнү туурасында сөз болгон учурда айтты.

Россияда COVID-19га каршы вакцина алгандар ооруканадан чыкты. Видео

"Кыздарымдын бири да эмдөө жасатты. Мындайча айтканда, ал экспериментке катышты. Биринчи эмдөөдөн кийин эти ысып, 38 градуска чыкты, эртеси 37 градустан бир аз өйдө болду, бүттү, андан кийин калыбына келди", — деди Путин.

Бүгүн Россия дүйнөдө биринчилерден болуп коронавируска каршы вакцинаны каттоодон өткөргөндүгү белгилүү болду.

16
Белгилер:
каттоо, вакцина, коронавирус, Владимир Путин, Россия
Тема:
Дүйнөгө жайылган коронавирус
Тема боюнча
Россия COVID-19га каршы вакцинаны ноябрда өндүрө баштайт
Россиянын президенти Владимир Путин. Архив

Путин Россиянын коронавируска каршы вакцинаны каттагандыгын жарыялады

24
(жаңыланган 14:58 11.08.2020)
Путин вакцинанын натыйжалуу иштерин билсе да, тиешелүү бардык текшерүүлөр жасалышы керектигин жыйында дагы бир ирет кайталады.

БИШКЕК, 11-авг. — Sputnik. Президент Владимир Путин Россия дүйнөдө биринчи болуп коронавируска каршы вакцинаны каттагандыгын айтты. Бул туурасында РИА Новости кабарлады.

"Мага берилген маалыматтар боюнча, бүгүн эртең менен дүйнөдө биринчи болуп коронавируска каршы вакцина каттоодон өттү", - деди Путин өкмөттүн жыйынында.

Ал саламаттык сактоо министри Михаил Мурашкону бул туурасында жыйында кененирээк маалымат берүүсүн өтүндү.

"Анын натыйжалуу иштерин билсем да, иммунитетти калыптандырса да, кайталап коеюн, бардык текшерүүлөр жасалышы керек", - деди Путин.

Буга чейин Россия вакциналарды даярдоо ишин активдүү жүргүзүп, ал бир нече адамга сыналган.

24
Белгилер:
каттоо, вакцина, коронавирус, Владимир Путин, Россия
Тема:
Дүйнөгө жайылган коронавирус
Тема боюнча
Россия COVID-19га каршы вакцинаны ноябрда өндүрө баштайт
Россияда коронавируска каршы дары патенттелди. Өзгөчөлүгү
Премьер-министр Кубатбек Боронов брифинг учрунда

Боронов: вирустан айыккандардын ден соолугун калыбына келтирүү колго алынат

0
(жаңыланган 15:25 11.08.2020)
Өкмөт башчы коровирустан сакайган жарандардын жашаган жери боюнча дарыгерлердин консультативдик жардам берүүсү пландалып жатканын билдирди.

БИШКЕК, 11-авг. — Sputnik. Коронавирустан ооруп айыккан бейтаптарды көзөмөлгө алуу маселеси каралып жатат. Бул тууралуу өкмөт башчы Кубатбек Боронов брифинг учурунда билдирди.

Ал жугуштуу оорудан айыккандан кийин деле айрым бейтаптардын ден соолугу калыбына келиши көп убакытты аларын белгилеген.

"Өзгөчө пневмониядан адамдын тез арада айыгып кетиши кыйын экен. Сакайгандардын арасында бир айдан кийин деле дем алуусу кыйындап, башка органдары жабыркаганын көрүп жатабыз. Калктын саламаттыгы үчүн реабилитациялык иш-чараларды уюштуруу иштери жүрүп жатат. Жарандардын жашаган жери боюнча дарыгерлер консультативдик жардам берүүсү пландалууда", — деди Боронов.

КРде жалпы канча киши коронавируска чалдыгышы мүмкүн. Өкмөттүн божомолу

Ал бейтаптардын ден соолугун калыбына келтирүү иши туура жүргүзүлүшү керектигин белгилеген.

0
Белгилер:
ден соолук, реабилитациялоо, коронавирус, өкмөт башчы, Кубатбек Боронов
Тема боюнча
Министрлик: коронавирустан өлкөдө 6 миңден ашуун адам дарыланууда
Адис: пневмониядан кийин өпкөдөгү тактар алты айга чейин кетпеши мүмкүн