Жүк текшерүү. Архив

Кабыланды жиликтеп... Аэропорттогу жүктөн табылган акылга сыйгыс нерселер

6412
Жүргүнчүлөрдүн аэропорттогу текшерүүдөн адамдын сөөгүн жана коркунучтуу жаныбарларды эч кимге билдирбей алып өтүүгө аракет кылган учурлары болот.

БИШКЕК, 17-окт. — Sputnik. Дүйнө жүзүндөгү аэропорттордун кызматкерлери Reddit порталынын "жүргүнчүлөрдүн жүгүнөн акылга сыйгыс кандай нерселер табылат?" деген суроосуна жооп берди.

Анда жазылгандарга караганда, адамдын сөөгүн жана коркунучтуу жаныбарларды эч кимге билдирбей алып өтүүгө аракет кылган жүргүнчүлөр бар.

"Бир жолу атасы өлүп калган үй-бүлө анын сөөгүн атайын жүк катары эмес, тирүү адам катары алып өтүүгө аракет кылган. Болгону аны майыптар коляскасына уктап жаткан сыяктуу отургузуп коюшкан. Анткени тирүү кишиге караганда сөөктү алып кетүүнүн машакаты көбүрөөк. Бирок чек арачылар коляскадагы адам тирүү эмес экенин билип калышкан", — деп жазган SatansSlutz аттуу колдонуучу.

Ушул эле адам бир жолу жүргүнчүнүн чемоданынан жиликтелген кабыланды таап алганын жазган.

Ал эми YBDum аттуу колдонуучу жүргүнчү аялдын чемоданынан ымыркайдын "колу-бутун" көрүп үрөйү учкан. Көрсө аял кичине баладай болгон куурчакты колу-бутун ажыратып салып койгон экен. Аны аппараттан көргөн чек арачы кескиленген бала экен деп чуру-чуу түшкөн.

Булардан тышкары бир нече кызматкер аэропортто жүктү текшерүү учурунда төшөк кумары учурунда пайдаланчу оюнчуктарды өтө көп кезиктирерин айтышкан.

Ошондой эле учакка башкалардын жашоосуна коркунуч жараткан уулуу жылан, чаян, крокодил сыяктуу жаныбарларды алып кирүүгө аракет кылгандар көп болору белгилүү болду.

6412
Белгилер:
жүк, чек арачы, аэропорт, учак
Тема боюнча
"Манастан" көтөрүлгөн учакта чарчап калган ымыркай. Окуянын чоо-жайы
Учактагы ымыркайдын өлүмү. Самолетко кандай оору менен ооругандар түшө албайт
Турак жайдагы лифттин баскычтары. Архив

Тамак ташыган лифт официант келиндин башын үзүп кете жаздады. Москвадагы окуя

13
(жаңыланган 22:57 09.08.2020)
Официант тамак ташыган анча чоң эмес лифтинин жанында турган. Ошол мезгилде, сыягы, ал биринчи кабаттагы ашпозчуларды чакырып жаткан.

БИШКЕК, 9-авг. — Sputnik. Москванын түштүк-батыш тарабындагы тамактануучу жайлардын биринде тамак ташыган лифт аз жерден барда иштеген официанттын башын үзүп сала жаздады. Бул тууралуу РИА Новости "Московский комсомолец" басылмасына таянып кабарлады.

Окуя 8-августка караган түнү болгон. Официант келин тамак ташыган анча чоң эмес лифтинин жанында, экинчи кабатта турган. Ошол мезгилде, сыягы, ал биринчи кабаттагы ашпозчуларга бир нерсени кыйкырып айтып жаткан.

"Аял кокустан кнопканы басып алып, лифт биринчи кабатка кетип калган. Токтотуучу системасы иштеп баштаганда ал бир нече метрге өтүп кеткен. Жыйынтыгында официант келиндин мойну эки механизмдин ортосунда калган. Лифтти экинчи кабатка чакырып, эптеп башын тартып алганга үлгүргөн. Учурда моюн омурткасы сынып, реанимацияда жатат", — деп айтылат маалыматта.

Шуулдаган парашют, айланган жер... Россиялык десантчылардын видеосу

Күбөлөрдүн айтымында, ал чарчагандыктан ушундай окуяга кептелген. Жабыркаган аялдын баласы бар, өзү Воронеж шаарынан, аталган барда бир айдан ашык убакыттан бери иштеп келе жатканы маалым болду.

13
Белгилер:
лифт, окуя, официант, Москва
Тема боюнча
Ажалы жок экен. Кытайда 30-кабаттан кулаган кишинин аман калган видеосу

Шуулдаган парашют, айланган жер... Россиялык десантчылардын видеосу

117
(жаңыланган 21:45 09.08.2020)
Россиянын Коргоонуу министрлиги Туладагы Аба-десант гвардиясынын аскерлеринин парашюттан машыгуу учурунда секирген видеосун жарыялады.

Аталган кезектеги иш-чара Клоково аэродромунда жасалган. Аскерлер Туланын Слободка деген аймагынын жанына секирген.

Россиялык Су-27 АКШнын тыңчы учагын кайра кайтарды

Видеодон секире турган адамдын учактан абаны көздөй аттагандыгын көрүүгө болот. Бул ар бир адамды ар кандай абалга салган абал. Бирөөлөр ичиркенип жүрөгү шуу десе, экинчилерине адреналин. Видеодо парашютчунун асманда АН-2 учагынын ичинен сыртты көздөй кадам таштап, андан соң кескин айланып, андан кийин жаай каалгый жерди көздөй бараткан учурларды жана финалды, талаага келип түшкөн учурларды ырааттуу көрүүгө болот.

117
Белгилер:
парашют, Аскер, Россия
Тема боюнча
Кемелер парады. Россияда Аскер-деңиз флотунун күнүн белгилешти. Видео