Фастфуд. Архивдик сүрөт

Фастфуд эркекти төшөктө алсыратат. Жаңы иликтөө

Адистер балалуу болом, бактылуу жашайм деген эркектерге фастфуд жана газдалган суусундуктардан баш тартууну сунуштайт.

БИШКЕК, 18-окт. — Sputnik. Австралиялык окумуштуулар фастфуд эркекти тукумсуздук илдетине чалдыктырышы мүмкүн деген бүтүмгө келишти. Бул тууралуу "Андрология" журналы жазды.

Маалыматка караганда, организмде май канчалык көп болсо, ошончолук тестостерондун бөлүнүп чыгуусу азаят.

"Эркек фастфуд сыяктуу өтө майлуу тамак жегенден кийинки бир саат ичинде кандагы тестостерондун көлөмү 25 пайызга азайып, кийинки төрт саат бою төмөн бойдон кармалат. Буга майдын өзү түздөн-түз таасир этпейт. Организм аны сиңирүү үчүн энергиясын үнөмдөп, тестостерон бөлүп чыгаруусун азайтып коёт", — деп айтылат билдирүүдө.

Мындай шартта ашыкча салмак кошулуп, эркектин сексуалдык активдүүлүгү начарлай берет. Бул нерсе бара-бара тукумсуздукка алып келиши ыктымал.

Андыктан адистер балалуу болом, бактылуу жашайм деген эркектерге фастфуд жана газдалган суусундуктардан баш тартууну сунуштайт.

Баса, дарыгерлер газдалган суусундук эркектин бел суусунун сапатын дагы начарлатарын кошумчалады.

Белгилер:
фастфуд, эркек, окумуштуулар
Тема боюнча
Кайсы кесип ээлери төшөктө активдүү болот? Окумуштуулардын пикири
Кытай окумуштуулары узак жашоонун сырын ачышты
Кандай адамдар төшөк кумарына жакын болот. Жаңы иликтөө
Эт жеп жаткан адам. Архив

Организмди талкалай турчу азык, суусундуктар. Тизме

Организмди талкалай турчу азыктардын катарына эт дагы кирген. Адистин айтымында, эт белоктун булагы болгону менен аны көп жегенде ашказанга күч келип, аталган органдын иштөөсү начарлайт.

БИШКЕК, 19-апр.— Sputnik. Диетолог Елена Кален тамактануу рационунан азайта турчу, ал тургай таптакыр эле чийип салчу тамак-ашты санап бергенин РИА Новости жазды.

Адистин айтымында, биринчи кезекте конфет менен таттуу суусундуктан баш тартуу кажет. Булар ашыкча салмакка, семирүүгө алып келип, канда канттын деңгээлин көбөйтүшү ыктымал.

Жыйынтыгында адам кант диабетине чалдыгышы толук мүмкүн. Ошондой эле таттууну көп жегенде боор жакшы иштебей, тери бузулат.

Организмди талкалай турчу азыктардын катарына эт дагы кирген. Адистин айтымында, эт белоктун булагы болгону менен аны көп жегенде ашказанга күч келип, аталган органдын иштөөсү начарлайт.

Диетолог ичимдикти да тизмеден чийип салууну сунуштаган.

"Ичимдик ичкен адам тез карып, боор, кан тамыр ооруларына чалдыгат. Ичимдик кант диабети, гипертония жана панкреатит илдеттеринин өрчүү тоболкелчилигин жогорулатат", — деген Кален.

Адис кофени көп ичүү да организмди буза турганын айткан. Көпчүлүктүн сүйүктүү суусундугу кан басымды көбөйтүп, жүрөктүн тез согуусун шартташы ыктымал.

Белгилер:
алдын алуу, дарт, суусундук, азык-түлүк, организм, диетолог
Тема боюнча
Вирусту жолотпойт! С витаминине бай алты азык аталды
Эксперт: туура тамактанган баланын ийгиликке жетүү мүмкүнчүлүгү жогору болот

Россия тик учактын ордун баса турчу чакан аэромобилдерди чыгарат. Видео

Россиянын Перспективдүү изилдөөлөр фонду "Циклон" долбоорунун алкагында "Циклокар" деп аталган инновациялык аэромобиль чыгаруу иштерин баштады.

Бул машина 600 килограммдык жүк көтөрүүгө ылайыкталып, ичине алты адам батат. Муну жүзөгө ашыруу иштерин Россия Илимдер академиясынын Сибирдеги бөлүмүнүн Теплофизиктер институту аткарары айтылды.

Биринчи этапта машинанын алдын ала долбоору даярдалган. Ошондой эле диаметри 1,5 метрлик циклдүү кыймылдаткычын жерден сынап көрүшкөн. "Циклокардын" жалпы көлөмү (узун-туурасы) 6,2 жана 6 метрди түзөт, саатына 250 чакырымга чейинки ылдамдыкта жүрөт. Ал эми тыным албай 500 чакырымга чейин жетсе болору белгиленген.

Аэромобиль тик учакка салыштырмалуу чакан эмес, ал имараттардын четине токтоп ичиндеги адамдарды түшүрүүгө да ылайыкташкан.

Белгилер:
кыймылдаткыч, Россия, унаа, чыгаруу, учуу
Тема боюнча
Гонконгдо пандемиядан улам робот-бармендер иштей баштады. Видео