Россиянын президенти Владимир Путин. Архив

Дүйнө лидерлери спорттун кайсы түрү менен машыгат? Путинден Трампка чейин

2124
(жаңыланган 16:14 21.10.2019)
Мамлекетти да башкарып, залдагы машыгуусун дагы калтырбай көпчүлүккө үлгү көрсөткөн дүйнө лидерлери бар. Коомчулукка Россиянын лидери Владимир Путин менен Монголиянын башчысы Халтмаагийн Баттулганын залда тер төгөрү маалым.

Sputnik Кыргызстан маалымат агенттиги дүйнөдөгү президенттер жана премьер-министрлер спорттун кайсы түрү менен машыгарына көз жүгүрттү. Маалыматтар интернеттеги ачык булактардан алынды.

Редакция буга чейин кыргызстандык аткаминерлер кайсы спорт менен машыгарын жазган. Анда спикерден тарта Жогорку Кеңештин депутаттарына чейин тизмектелген.

Владимир Путин

© Sputnik / Алексей Никольский
Владимир Путин дзюдо жана самбодо спорттун чебери, каратэ боюнча кара курдун ээси. Дзюдону азыркыга чейин таштабай келет.

Россиянын лидери жакында эле спортто биринчи бокс менен машыгып, мурду сынгандан кийин токтотконун айтып берген. Ал дзюдо жана самбодо спорттун чебери, каратэ боюнча кара курдун ээси. Дзюдону азыркыга чейин таштабай, спорттун чеберлери менен спарринг кылып турат.

Халтмаагийн Баттулга

В рамках официального визита президента Монголии Халтмаагийн Баттулги состоялась церемония официальной встречи с президентом Кыргызской Республики Сооронбаем Жээнбековым. 12 июня 2019 года
© Sputnik / Табылды Кадырбеков
Монголия лидери Халтмаагийн Баттулга бизнес жана саясат менен алектенип жүргөнүнө карабай спортту таштаган эмес. Жумасына үч жолу залда тер төгөөрү айтылат.

Монголиянын президенти жаш кезинде дзюдо жана самбо менен машыгып, өлкөнүн курама командасына кирген. Ал 1989-жылы самбо боюнча дүйнө чемпионатын багындырган. Баттулга бизнес жана саясат менен алектенип жүргөнүнө карабай спортту таштаган эмес. Жумасына үч жолу залда тер төгөөрү айтылат. Монголиянын Дзюдо федерациясын жетектейт. Ал быйыл Бишкектеги ШКУ саммитине келгенде Кыргызстандын улуттук курама командасын Токидо өтө турчу Олимпиада оюндарына чогуу даярданууга чакырган болчу.

Гурбангулы Бердымухамедов

Түркмөнстандын башчысы 15 жашында эркин күрөш боюнча Ашхабаддын чемпиону, андан бир жылдан кийин ок атуу боюнча республиканын чемпиону болгон. Учурда ат чабыштарга, дрифт жарыштарына, ок атуу мелдештерине катышып турат.

Гурбангулы Бердымухамедов 15 жашында эркин күрөш боюнча Ашхабаддын чемпиону болгон. Учурда ат чабыштарга, дрифт жарыштарына, ок атуу мелдештерине катышып турат.

Ошондой эле спорт тууралуу "Спорт — достукка, сулуулукка жана ден соолукка карай жол" деп аталган китеп жазган.

Дональд Трамп

Президент США Дональд Трамп игрет в гольф на поле Ailsa в Trump Turnberry, Шотландия. 14 июля 2018 года
© AFP 2020 / ANDY BUCHANAN
Дональд Трамп мектеп курагында волейбол, бейсбол, футбол менен активдүү алектенсе, азыр гольфту жакшы көрөт.

АКШнын президенти мектеп курагында волейбол, бейсбол, футбол менен активдүү алектенген. Учурда ал гольф ойноп, өзүнүн гольф клубу уюштурган мелдештерге катышып турат. Ошондой эле аралаш мушташ спортунун сүйүүчүсү. Бөтөнчө россиялык мушкер Федор Емельяненкого жан тартып, бир дагы беттешин калтырбай көрөт.

Синдзо Абэ

Премьер-министр Японии Синдзо Абэ играет в гольф в Чигасаки, префектура Канагава
© AFP 2020 / JIJI PRESS
Синдзо Абэ гольф, бейсболду жактырат.

Япониянын премьер-министри Синдзо Абэ гольф, бейсболду жактырат. Абэ быйыл АКШ президенти Трамп менен биргеликте Японияда бешинчи ирет гольф турнирин өткөргөн. Ошондой эле эки лидер чогуу гольф ойноп турушат.

Эмомали Рахмон

Президент Республики Таджикистан Эмомали Рахмон после сдачи в эксплуатацию второго агрегата Рогунской ГЭС дал интервью корреспонденту телеканала Аль-Джазира. 9 сентября  2019 года
Эмомали Рахмондун футбол, волейбол, теннис менен алектенгенди жакшы көрөрү айтылат.

Тажикстандын башчысы Улуттук олимпиада комитетин дагы жетектеп, бул кызматка үч ирет дайындалган. 2015-жылы Тажикстанда "Эмомали Рахмон: элдин саламаттыгы — чексиз байлык" аталышындагы китеп чыгып, анда президенттин спорттун бир нече түрү менен алектенери жазылган. Бөтөнчө футбол, волейбол, теннис менен алектенгенди жакшы көрөрү айтылат. Ошондой эле ар кыл марафон, чуркоолорго катышып келет.

Эммануэль Макрон

© Sputnik / Алексей Никольский
Эммануэль Макрон убагында профессионал футболчу болгон.

Франциянын башчысы убагында профессионал футболчу болгон. Париждин "Л'Эна" клубунун намысын коргогон.

Ошондой эле теннис ойноп, бокс менен машыгат. Макрон Францияны 2017-жылдан тарта башкарып келет. Ал эң жаш президенттердин бири. Учурда 42 жашта.

Игорь Додон

Молдованын башчысы сегиз жылдан бери улуттук Шахмат федерациясын жетектейт. Шахматты бала кезинен баштап ойнойт. Кээде гана кесиптештери менен мелдешип турат. Додон бул оюнду орто окуу жайлардын предметинин программасына киргизүүнү демилгелеген.

Жастин Трюдо

Саммит G20 в Гамбурге
© Sputnik / Сергей Гунеев
Жастин Трюдо жеңил атлетика менен машыгып, сноуборд тээп, байдаркада сүзөт.

Канаданын премьер-министри жеңил атлетика менен машыгып, сноуборд тээп, байдаркада сүзөт. Жумасына бир нече ирет бокс залына барып турат. Трюдо 2012-жылы консервативдик партиянын сенатору Патрик Бразо менен кайрымдуулук беттешин өткөрүп, аны утуп алган.

Трюдо Канаданын премьер-министри болуп 2015-жылдан бери иштеп келет.

Александр Лукашенко

© Sputnik / Михаил Климентьев
Александр Лукашенко азыркыга чейин хоккей ойноп, спорт сүйүүчүлөр арасында мелдешке катышып турат.

Белоруссиянын президенти азыркыга чейин хоккей ойноп, спорт сүйүүчүлөр арасында мелдешке катышып турат. Мамлекет башчынын өзүнүн хоккей командасы да түзүлүп, турнирлерден алдыңкы орундарды алып келет. Sputnik Беларусь маалымат агенттигинин жазышынча, Лукашенко хоккейден тышкары велоспорт, гандбол, баскетбол, футбол, лыжа тебүү жана сууда сүзүү менен алектенет. Анын спорттун бардык түрүнө убакыт тапканга аракет кылары айтылат.

Филипп VI

© Sputnik / Хавьер Луэнго
Филипп VI профессионалдуу түрдө парус спорту менен алектенген.

Испаниянын падышасы профессионалдуу түрдө парус спорту менен алектенген. Ал 1992-жылы Барселонада өткөн Олимпиада оюндарына катышкан. Анын атасы, энеси жана эжеси да парус спорту менен алектенип, ири мелдештерде ат салышкан. Филипп VI машыгууларын калтырбаганга аракет кылат.

Си Цзиньпин

Председатель КНР Си Цзиньпин прибывает на саммит лидеров G20 в Гамбурге, Германия 6 июля 2017 года
© REUTERS / Axel Schmidt
Си Цзиньпин сууда сүзүү, баскетбол, бокс жана футбол менен алектенет.

Кытайдын төрагасы сууда сүзүү, баскетбол, бокс жана футбол менен алектенет. Ошондой эле будда уруш өнөрлөрү жана цигун дем алуу гимнастикасы менен машыгат.

Режеп Тайип Эрдоган

Президент РФ В. Путин принял участие в заседании Совета сотрудничества высшего уровня между РФ и Турцией
© Sputnik / Сергей Гунеев
Резеж Тайип Эрдоган бала кезинен бери футбол менен алектенет. 15 жашынан тарта жергиликтүү "Жамиалты Спор" жана İETT клубдарында ойногон.

Түркиянын башчысы бала кезинен бери футбол менен алектенет. 15 жашынан тарта жергиликтүү "Жамиалты Спор" жана İETT клубдарында ойногон. Кийинчерээк саясатка аралашып спортко көп убактысын бөлө албай калганы менен анда-санда убакыт таап ойноп турат.

Жорж Веа

Президент Либерии Джордж Веа выступает во время совместной пресс-конференции со своим французским коллегой в Елисейском дворце в Париже. 21 февраля 2018 года.
© AFP 2020 / STEPHANE MAHE / POOL
Жорж Таулон Манне Оппонг Усман Веа 1995-жылы ФИФАнын версиясы боюнча жылдын мыкты оюнчусу, Европанын мыкты футболчусу жана жылдын мыкты африкалык футболчусу аталып, "Алтын топтун" ээси болгон.

Былтыртан бери Либерияны футболчу Жорж Таулон Манне Оппонг Усман Веа жетектеп келет. Ал 1995-жылы ФИФАнын версиясы боюнча жылдын мыкты оюнчусу, Европанын мыкты футболчусу жана жылдын мыкты африкалык футболчусу аталып, "Алтын топтун" ээси болгон. Футбол жаатында карьерасы аяктагандан кийин саясий-гуманитардык иштер менен алектенген. Учурда мелдештерге катышпаса дагы топ тээп турат.

Саули Ниинистё

© AFP 2020 / ALEXEI NIKOLSKY
Саули Ниинистё көркөмдөп муз тебүү, хоккей менен алектенет.

Финляндиянын президенти көркөмдөп муз тебүү, хоккей менен алектенет. 2009-жылы Хельсинкидеги муз бийи боюнча Европа чемпионатынын уюштуруу комитетине кирип, иш-чаранын ачылышында спортчу Сусанна Ракамо менен бийлеген. Ал эми хоккейди калтырбай ойнойт. Былтыр Россиянын лидери Владимир Путин менен мелдешкен.

2124
Белгилер:
машыгуу, президент, спорт, саясат, Дональд Трамп, Владимир Путин
Тема боюнча
Тиш доктур, башкарма, референт... Борбор Азия президенттери мурда кайда иштеген?
Менин атам — президент! Саясатта атасынын оң колуна айланган кыздар
Президенттердин күйөө балдары. Борбор Азия ажолорунун кыздары кимге бүлө
Беларуссиянын Президенти Александр Лукашенко Минск шаарындагы шайлоо участогунда добуш берип турат

Белоруссия: президенттик шайлоодо Лукашенко алдыда. Exit poll, БШКнын жыйынтыгы

10
(жаңыланган 23:49 09.08.2020)
Президент аталган өлкөдө беш жыл мөөнөткө шайланат. Бул сапар эң көп добуш алган адам 2025-жылга чейин Белоруссияны башкарып турмакчы.

БИШКЕК, 9-авг. — Sputnik. Белоруссияда өткөн президенттик шайлоодо Александр Лукашенко добуштардын 82 пайызын алды. Бул туурасында БШКнын төрайымы Лидия Ермошинага шилтеме кылып Sputnik Ближнее зарубежье кабарлады.

"БШКнын алгачкы маалыматы боюнча Лукашенко беш аймакта биринчи келет жатат, добуштардын саны 82 пайызды көрсөттү. Тихановскаяныкы 5 пайызга жакын", — деп айтылат маалыматта.

Эске салсак, бүгүн Белоруссияда мамлекет башчыны тандашты.  Борбордук шайлоо комиссиясы  президенттик шайлоо өттү деп түшкө чейин эле тааныды. Алардын маалыматында, жергиликтүү убакыт боюнча 12:00гө карата шайлоочулардын 54 пайызы болочоктогу мамлекет башчыга добуш берген.

Калган төрт талапкерлердин алган добуштары төмөнкүдөй болгон:

  • Светлана Тихановская - 6,8 пайыз;
  • Анна Канопацкая - 2,3 пайыз;
  • Андрей Дмитриев - 1,1 пайыз;
  • Сергей Черечень - 0,9 пайыз.

Президент аталган өлкөдө 5 жыл мөөнөткө шайланат. Бул сапар эң көп добуш алган адам 2025-жылга чейин бийликтин башында турмакчы.

Капа болом. Лукашенко кайрадан президенттик шайлоого катышат

Бүгүн талапкерлердин ичинен эң көп добуш алган Лукашенко Белоруссияны 26 жылдан бери башкарып келет.

10
Белгилер:
добуш берүү, президенттик шайлоо, Александр Лукашенко, Белоруссия
Тема боюнча
Бүгүн Белоруссияда президенттик шайлоо болуп жатат
Парламенттик шайлоого катышууну каалаган партиялардын кожоюндары кимдер? Тизме

Тоголото чаап, эсин оодарып... UFC Vegas 6 беттешиндеги сестенткен учурлардын видеосу

18
(жаңыланган 23:23 09.08.2020)
Бүгүн таңда АКШнын Лас-Вегас шаарында UFC уюмунун Vegas 6 мелдеши жыйынтыкталды. Мелдештеги башкы кармаш оор салмактагы мушкерлер АКШлык Деррик Льюис менен россиялык Алексей Олейниктин беттеши болду.

Мындан сырткары, бири экинчисин жыга коюп, аеосуз сабаган жана катардагы карддардагы беттештер өттү.

Мелдештин урунттуу учурларынан видео тасманы UFC Russia уюму өзүнүн Youtube каналына жарыялады.

Тепкилей берип жанын көзүнө көргөздү. ММА мушкерлеринин беттешинин видеосу

Мелдештин башкы беттешинде оор салмактагы мушкер (120 килограмм) Деррик Льюис Удав каймана аты менен таанымал россиялык Алексей Олейникти экинчи раундда нокаутка кетирип, жеңип алды.

18
Белгилер:
нокаут, мелдеш, UFC
Тема боюнча
UFC: бирин-бири аябай... Жарым жеңил салмактагы дивизиончулар беттешкен видео