Смартфон. Архив

Смартфонду пайдаланууда көздү кантип коргош керектигин дарыгер айтып берди

5107
(жаңыланган 16:05 22.10.2019)
Саламаттыкты сактоо боюнча дүйнөлүк уюмдун божомолуна караганда, 30 жылдан кийин смартфондордун айынан жер жүзүндөгү адамдардын жарымынын көзү алысты жакшы көрө албай калат.

БИШКЕК, 22-окт. — Sputnik. Россиялык врач-офтальмолог жана медицина илимдеринин кандидаты Татьяна Павлова гаджеттерди колдонууда көздүн көрүүсүн бузуп албоонун жолдорун айтып берди. Бул тууралуу РИА Новости жазды.

Саламаттыкты сактоо боюнча дүйнөлүк уюмдун божомолуна караганда, 30 жылдан кийин смартфондордун айынан жер жүзүндөгү адамдардын жарымынын көзү алысты жакшы көрө албай калат.

"Ушул убакка чейин телефонду бир күндө канча саат тиктеп отурууга болот деген так эреже чыга элек.  Бардыгы көздүн абалына жараша болот. Биздин оюбузча, көрүүнүн бузулушуна экранды өтө жакын аралыкта кармоо жана жатып алып кароо себеп болот.  Смартфонду тиктей берип көздүн жакынды көрүүгө жардам берген булчуңдарын чарчатып салабыз", — деди Павлова.

Мындан тышкары, экрандан чыгып турган көк жарык көздүн чел кабыгын жабыркатуучу макулодистрофия илдетин пайда кылары айтылды.

Дарыгер ошондой эле уктап жаткан маалда телефонду алысыраак коюуну сунуштайт.  Эгер жумуш смартфон менен байланыштуу болсо, маал-маалы менен көздү эс алдырып алысты карап коюу керектиги кошумчаланды.

5107
Белгилер:
көз, ден соолук, смартфон, дарыгер, кеңеш
Тема боюнча
Мавлянова: окуучуларга сабакта смартфон колдонууга тыюу салуу керек
Казакстан: мамкызматкерлер смартфон колдонуу укугуна качан жетет
Смартфон колдонгонду үйрөнгөн бишкектик ата-апалар. Жүрөк жылыткан видео
Планшетке айланып калган смартфон. 2000 долларлык телефондун видеосу
Абдылдаева: окуучунун смартфон колдонуусуна тыюу салууга министрлик каршы эмес
Бишкекте майып балдарга деп сатып алынган 10 смартфон уурдалды
Кыргызстандык балбан Акжол Махмудов. Архив

Акжол, Мээрим, Үзүр. Кыргызстандык балбандардын алгачкы атаандаштары аныкталды

213
(жаңыланган 13:04 01.08.2021)
Бүгүн кыргызстандык балбандар чүчү кулак кармашкан. Алар эртең, 2-августта, саат 08:00дө килемге чыгат.

БИШКЕК, 1-авг. — Sputnik. Токиодогу Олимпиада оюндарында күрөш боюнча 2-августта килемге чыга турган кыргыз балбандарынын алгачкы атаандаштары аныкталды. Бул тууралуу Кыргызстандын күрөш федерациясынын маалымат кызматы кабарлады.

Бүгүн балбандар чүчү кулак кармашкан. Алар эртең, 2-августта, саат 08:00дө килемге чыгат.

Грек-рим күрөшүнөн 77 килограмм салмак категориясы боюнча катышып жаткан Акжол Махмудов Тунистин балбаны Ламджед Маафи менен кармашат.

68 килограмм салмак категориясы боюнча Мээрим Жуманазарова болгариялык Мими Христова менен күрөшөт. Анын атаандашы 28 жашта, 2020-жылы Европанын чемпиону болгон. 2016-жылы өткөн Олимпиаданын катышуучусу.

97 килограмм салмак категориясы боюнча Үзүр Жузупбеков армениялык Артур Алексанян менен беттешет. Ал дүйнөнүн үч жолку чемпиону, 2016-жылкы Олимпиаданын чемпиону.

213
Белгилер:
Олимпиада-2020, күрөш, балбан, чучу кулак
Тема:
2021-жылы Токиодо өтө турган Олимпиада оюндары
Тема боюнча
Бекдөөлөт Расулбеков Олимпиадада 6-орунду ээледи. Видео
Шашып кетти. Жоламан Шаршенбеков жарым финалга чыга албай калды
Көчөдө бараткан адам. Архив

Эксперт: COVID бир нече жылдан кийин кадимки сасык тумоодой болуп калышы мүмкүн

26
(жаңыланган 13:31 01.08.2021)
Адистин айтымында, дүйнөдө беш же 10 жылдан кийин калктын 100 пайызы, балким 99 пайызында COVID-19га антителасы пайда болот. Ошентсе да алар коронавирустун жеңил түрү менен ооруй бериши мүмкүн.

БИШКЕК, 1-авг. — Sputnik. Коронавирус бир нече жылдан кийин кадимки сасык тумоо сыяктуу болуп калышы ыктымал. Ал тургай ага антителасы барлар да ооруп, эл дартты жеңил формада көтөрүшү мүмкүн. Бул тууралуу антисептиктин формуласын ойлоп тапкан швейцариялык адис Дидье Питте РИА Новости агенттигиндеги маегинде айткан.

Ал дүйнөдө пандемияга алып келген коронавирустун бир нече түрү бар экенин айтып, бирок адамдар жуктуруп жаткан түрүнө иммунитет бала кезден эле иштелип чыгарын белгилеген.

"Биз бул вирустарды билип, иммунитет иштелип чыккан күндө деле убакыт өткөн сайын ал жеңил сасык тумоо сыяктуу болуп калат. Беш же 10 жылдан кийин калктын 100 пайызы, балким 99 пайызында COVID-19га антителасы пайда болот. Бирок анын жеңил түрү менен ооруй берет. Ал сасык тумоодой эле болуп калат", — деди ал.

Питте дүйнөдө коронавируска каршы вакцина иштелип чыкпаганда жамааттык иммунитеттин пайда болуусу үчүн 6дан 10го чейин коронавирус толкуну болушу керек эле деген ойду кошумчалаган. Ал калк канчалык көп эмделсе, дүйнө ошончо эрте кадимки жашоого кайтарын эскертип, балдарды да эмдөө керектигине токтолгон.

26
Белгилер:
коронавирус, сасык тумоо, мутация, эмдөө
Тема:
Дүйнөгө жайылган коронавирус
Тема боюнча
Дарыгер коронавирустан кийин кимдерде тромбоз пайда болорун айтты
Вакцина алып жаткан адамдар. Архив

Кыргызстанда бир суткада 17 миңден ашык адам вакцина алды

0
(жаңыланган 13:41 01.08.2021)
Жалпысынан өлкөдө 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы маалым болду.

БИШКЕК, 1-авг. — Sputnik. Кыргызстанда бир суткада 17 194 адам эмделди. Бул тууралуу Республикалык штаб кабарлады.

Билдирмеге караганда, кечээтен бери 16 722 киши коронавируска каршы вакцинанын биринчи дозасын алса, 472си экинчи дозасы менен эмделген.

Жалпысынан Кыргызстанда 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы айтылды.

Белгилей кетсек, өлкөгө AstraZeneca компаниясынын коронавируска каршы вакцинасынын 226 миң дозасы жеткирилген.

Андан мурда, тагыраагы, 11-июлда, Кыргызстанга Кытайдан Sinopharm вакцинасынын 1 миллион 250 миң дозасы алып келинип, өлкөдө калкты массалык түрдө эмдөө башталган.

0
Белгилер:
Кыргызстан, вакцина, эмдөө, коронавирус, иммунитет
Тема:
Коронавируска каршы эмдөө
Тема боюнча
Үймө-үй кыдырып эмдөөдө вакцина бузулбайбы? Адистин жообу
Мэрия: 10 киши чогулса мобилдик топ барып вакцина сайып берет