Ислам кыймылы террордук уюмунун желеги. Архивдик сурөт

Ирак: чабандар согушкерлердин көмүлгөн 25 млн. долларлык кенчин таап алды

1760
(жаңыланган 09:49 30.10.2019)
Чөлгө көмүлгөн кенч — акча, алтын, күмүш түрүндө болгон. Террорчулардын мүлкүн жергиликтүү койчулар капыстан эле таап алышкан.

БИШКЕК, 30-окт. — Sputnik. Чабандар Ирактын батыш жагындагы чөлдөн "Ислам кыймылы" террордук уюмунун башчылары тарабынан көмүлгөн 25 миллион долларлык кенч таап алды. Бул туурасында РИА Новости Al-Arabiya телеканалына шилтеме кылып кабарлады. 

Анда согушкерлердин Анбар провинциясынын аймагындагы чөлдөн акча, алтын жана күмүштү кошкондо суммасы чейрек миллион долларлык мүлктү көмүп койгону айтылган.

Террорчулардын мүлкүн жергиликтүү койчулар байкаган.

1760
Белгилер:
акча, алтын, чөл, согушкер, кенч, террорчу, Ирак
Тема боюнча
Ташкентте баасы миллион долларлык кенч табылды
Кыргызстандык UFC мушкери Антонина Шевченко. Архив

Айбат көрсөтүп... Антонина Шевченко менен Андреа Линин көз караштар таймашынан видео

13
(жаңыланган 11:30 15.05.2021)
Кыз-келиндердин жеңил салмактагы рейтингинде Антонина Шевченко 12-катарда болсо, атаандашы Андреа Ли 11-сапта турат.

БИШКЕК, 15-май — Sputnik. Кыргызстандык UFC мушкери Антонина Шевченко ("Пантера" каймана атын алган) кезектеги беттеш алдында атаандашы Андреа Ли (КГБ каймана аты менен таанымал) менен көз караштар таймашына чыкты. Атлет кыздардын бири-бирине айбат көрсөтүп, жүз карашкан видеосун UFC Russia уюму өзүнүн Instagram баракчасына чыгарды.

Посмотреть эту публикацию в Instagram

Публикация от UFC Russia (@ufcrussia)

Посттогу видеого “UFC 262 мелдешинде “Пантера менен КГБ беттеши” деген билдирүү калтырган.

Антонинанын бир тууган сиңдиси, UFC уюмунун кыз-келиндер дивизионунун жеңил салмактагы чемпиону Валентина Шевченко постко англис тилинде “Let’s go @antoninapantera!” деген комментарий жазды.

Кыз-келиндердин жеңил салмактагы (57 килограмм) рейтингинде Антонина Шевченко 12-катарда болсо, атаандашы Андреа Ли 11-сапта турат.

Кыргызстандык мушкер кыз муну менен промоушендеги алтынчы беттешине чыгат. Акыркы жолу былтыр ноябрда UFC 255 турниринде бразилиялык Адриана Липскини экинчи раундда техникалык нокаут менен жеңип алган. Мыкты, кызыктуу беттеш көрсөткөнү үчүн UFC уюму ага 50 миң доллар бонус берген.

Анын атаандашы Андреа Ли кикбоксинг спортунун чебери болгон. Кийин ММА спортуна өтүп, 2018-жылдан бери UFC уюмунун мелдештерине чыгып келет. Аралаш мушташ спортунда ал жалпысынан алты беттеш өткөрүп, акыркы үчөөндө жеңилүү ызасын тарткан.

Кармаш 16-майдын таңында (Бишкек убактысы боюнча) АКШнын Хьюстон шаарында UFC 262 мелдешинин алкагында өтөт.

13
Белгилер:
Андреа Ли, беттешүү, UFC, Антонина Шевченко
Тема боюнча
Үч жашар Валентина менен жети жаштагы Антонина. Мушкерлердин сейрек сүрөтү
UFC Антонина Шевченко менен Андреа Линин беттешинин расмий постерин чыгарды

Жыгылып баратып тепти. Австралиялык футболчунун гол киргизген видеосу

30
Германия чемпионатынын 32-турунун алкагында "Айнтрахт" өз үйүндө "Майнц" клубун кабыл алган. Беттеш 1:1 тең эсеп менен аяктаган.

Германия чемпионатындагы "Айнтрахт" клубунун оюнчусу Айдин Хрустич жыгылып жаткан жеринен тээп гол киргизди. Кызыктуу учур Бундеслиганын Youtube каналына жарыяланды.

Чемпионаттын 32-турунун алкагында "Айнтрахт" өз үйүндө "Майнц" клубун кабыл алган. Коноктор биринчи бөлүктө эле эсепти ачып, алдыга чыккан. Талаа ээлери беттештин акыркы мүнөттөрүндө эсепти теңеди.

Австралиялык футболчу капталдан чыгарылган топту дарбазаны көздөй тээп, ошол учурда атаандаштын бутуна чалынып жерге кулаган. Топ коргоочуга тийип, кайра өзүнө келген. Жерде кулап жатканына карабай Хрустич топту сол буттап дарбазага багыттаган. Топ асманга көкөлөгөн бойдон голго айланган. Дарбазачы бийик секирип, тосууга аракет кылганына карабай аны тосо алган эмес.

"Майнтс" Бундеслигада калуу аракетинде болсо, "Айнтрахт" Европа кубокторуна ойноо мүмкүнчүлүгүн алууга умтулган.

30
Белгилер:
видео, гол, футбол
Тема боюнча
Футболчу Кайраттын "Каганатка" киргизген голу мыкты деп аныкталды. Видео
Жолдо бараткан унаа. Архив

Токмокто эки кишини сүзүп, качып кеткен айдоочу кармалды

0
(жаңыланган 12:04 15.05.2021)
Кырсыкка кабылган 20 жана 16 жаштагы жарандар ар кандай жаракат алып, аймактык ооруканага жеткирилген.

БИШКЕК, 15-май — Sputnik. Чүйдүн Токмок шаарында эки адамды сүзүп, окуя болгон жерден качып кеткен шектүү кармалды. Бул тууралуу Чүй облустук милициясынын Жол коопсуздугун камсыздоо башкармалыгынын маалымат кызматы билдирди.

Жума күнү, 14-майда, болжол менен саат 22:30дар чамасында Токмок шаарынын Ленин көчөсүнөн өтүп бара жаткан жарандарды белгисиз бирөө унаа менен сүзүп кеткен.

"Айдоочу жабырлануучуларга жардам берүүнүн ордуна окуя болгон жерден из жашырып кеткен. Жолдон өтүп бараткан 20 жана 16 жаштагы тургундар ар кандай жаракат менен аймактык ооруканага жеткирилген. Ошол эле күнү изи сууй электе шектүү К.Р. аттуу айдоочу аныкталып, колго түшүрүлгөн. Ал Токмок шаарынын 34 жаштагы тургуну болуп чыкты", — деп айтылат билдирүүдө.

Окуя териштирилип жатат, ал эми автоунаа айып короого киргизилди.

0
Белгилер:
Кыргызстан, Токмок, жол кырсык, шектүү
Тема:
2021-жылдын башынан бери Кыргызстанда болгон жол кырсыктар
Тема боюнча
Түптө жүрөк үшүн алган жол кырсыктан 18 жаштагы улан көз жумду. Сүрөт
Айтикул уулу: жыл башынан бери Бишкекте 841 жол кырсыгы катталды