Түгөйлөр. Архивдик сүрөт

Ала жипти аттабагыла! Өзү жазган мыйзамды бузган киши эл алдында жазаланды

12003
(жаңыланган 22:24 01.11.2019)
Киши көңүлдөшү менен пляждын жээгинде көңүл ачып отурган жеринен кармалып, кийинчерээк эл алдында жазасын алган.

БИШКЕК, 1-ноя. — Sputnik. Индонезияда жубайлардын бири ала жипти аттаса жазага тартылат деген шартты киргизген мыйзамдын автору көңүлдөшү менен кармалып, эл алдында жазаланды. Бул туурасында ВВС жазды.

Мухлис бин Мухаммед теологиялык кеңештин мүчөсү болуп, түгөйүнүн көзүнө чөп салгандарды жазалоо боюнча мыйзамды катаалдаткан процесске катышкан.

Аны Ачех провинциясында автоунаада күйөөсү бар аял менен көңүл ачып отурган жеринен кармашкан. Экөө туристтик пляждын жээгине автоунаа менен келип токтогон.

Өзү демилгелеген жазанын негизинде 46 жаштагы эркек киши 28 ирет балак алган. Ал эми аял 25 ирет шапалак жеген. Бул жазалоого жүздөгөн киши күбө болгон. Мухлис жана анын көңүлдөшүнө мыйзамда айтылган жазадан эки балак азыраак урулган, себеби алар мындан сырткары, бир айдан ашыгыраак убакыт темир тордун артында отурган. Эми демилгечи шаардык кеңештен да айдалмай болду.

10 жыл мурда Индонезия бийлиги Ачех провинциясына ислам мыйзамдарынын киргизилиши боюнча өзгөчө тартип киргизген. Шарияттын мыйзамдарында никеси жок төшөк мамилеси, кумар оюндары, арак ичүү жана өндүрүү мыйзамсыз деп эсептелген.

12003
Белгилер:
Индонезия, мыйзам, төшөк, мамиле
Тема боюнча
Башка эркектерден жылуулук издеп... Күйөөсү бар келиндин каты

Кол салган кушту тоголото сүзүп, тоокту сактап калган текенин видеосу

21
Чакан фермалардын биринде асмандан кол салып, тоокту илип кетүүгө аракеттенген карчыга куштун короз менен теке шаштысын кетирип, акырында качууга мажбур кылган.

Чакан фермалардын биринде асмандан кол салып, тоокту илип кетүүгө аракеттенген карчыга куштун короз менен теке шаштысын кетирип, акырында качууга мажбур кылган.

National Geographic Россия" сайты бул кызыктуу окуя Нидерланддардагы чарбалардын биринде болгонун жазды.

Байкоо жүргүзүп туруу үчүн орнотулган камерага түшкөн бул нерсе адам эмес, айбандарда да биримдик, кооптуу учурда жардамга келүү сезими бар экендигин көрсөткөн.

...Тосулган айдыңда кукулуктап бейкапар оттоп жүргөн тоокту кайдан-жайдан келгени белгисиз куш качырып сала берген. Экөө алышып, жүндөрү чар тарапка учуп калганда биринчилерден болуп жардамга короз чуркаган. Ал кушту чокулап, кандуу чеңгелинен тоокту куткарып алууга аракет кылган. Бир аздан кийин оттоп жүргөн Бруин аттуу теке чуркап келип, "короолошун" мыкчып, тырпыратып жаткан "душманды" тоголото бир нече ирет сүзгөн. Мындай каршылыкты күтпөгөн карчыга куш тоокту илип кетмек турсун, кара жанын араң алып качып, далбастап учуп кетип кутулган.

Видео ажалдан калган тоок менен анын шериги короздун кепесине кире качып, ал эми катуу кармаштан улам ала салып кеткен Бруиндин эч нерсе болбогондой туруп кетип бара жатканы менен аяктаган.

Ферманын ээси 59 жаштагы Яап Битс (Jaap Beets) бул жерди байырлаган жети жылдан бери жапайы куш үй канаттууларга кол салган төртүнчү окуя экенин айтып берген.

21
Белгилер:
коргонуу, тоо теке, тоок, куш, Нидерланды
Тема боюнча
Ажатканага барганды үйрөнгөн музоолор. Кызык учурдун видеосу
Кудум кишидей. Ийнеликтин "жуунуп" жаткан видеосу
Ыйлаган кыз Архивдик сүрөт

Психолог: балага кол көтөрбөш керек, жазанын башка түрлөрү бар

26
Адистин айтымында, баланы жазалоонун негизги максаты — ката кетиргенин сездирип, кийинкиде туура чечим кабыл алууга үйрөтүү.

БИШКЕК, 17-сен. — Sputnik. Баланы жазалоо үчүн эч качан ур-тепкиге албаш керек. Бул тууралуу РИА Новости агенттигине маек куруп жатып психологдор Александр Колмановский жана Екатерина Кес айтты.

Алгач адистердин бири жазанын негизги максатын түшүндүрдү.

"Баланы жазалоонун негизги максаты — ката кетиргенин сездирип, кийинкиде туура чечим кабыл алууга үйрөтүү. Мисалы, канткенде туура эмес болорун, анын аркасынан ата-эне кандай санаа тартып, үйдө кандай абал түзүлөрүн түшүндүрүү зарыл. Анткени бала өзү көп нерсени түшүнө элек, жашоо тажрыйбасы аз, ага азыр оюн эле болсо болду. Ошондуктан "экинчи минтпейсиң же антпейсиң" деп жалаң коркутуп сүйлөп, ур-тепкиге алганда, ал эч нерсени түшүнбөй калат. Анализ кыла албайт. Жөн гана коркуп, жек көрүп же жалакайлык мүнөз калыптанат", — деди Екатерина Кес.

Адистер бала алгачкы жолу ката кетиргенде түшүндүрүү жолу менен маселени чечип, кийинкилеринде чектөө коюуну сунуштаган.

"Айткан тилди укпай, кайра эле катасын кайталай берсе, жөн гана ал жакшы көргөн нерселерден оолактатып коюу керек. Мисалы, компьютердик оюндарга, көчөгө ээн-эркин чыгып ойноосуна чек коюп койсо, жаза таасирдүүрөөк болот", — деди Кес.

Ал эми Александр Колмановский адистердин бул кеңешин айрым ата-энелер туура эмес кабыл алышы мүмкүн экенин айтат.

"Муну уккандардын айрымдары "бизди ата-энебиз урушуп, уруп тарбиялаган. Сопсонун эле киши болбодукпу" деп айтышы мүмкүн. Бирок биз сопсонун, телегейибиз тегиз экенин кантип далилдей алабыз? Көпчүлүк адамдардын өксүгү, комплекси бар. Мунун баары балалыктан калган психологиялык жарааттын изи", — деди адис.

Буга чейин психолог баланы жоопкерчиликке кантип үйрөтсө болорун айтып берген.

26
Белгилер:
уруш, психология, тарбия, ата-эне, бала
Тема боюнча
Баланы жоопкерчиликке кантип үйрөтсө болот? Адистин кеңеши
Өч алууну ойлоно берем. Жолдошу таштап кеткен аялдын каты
Ооруканадагы дарыгер. Архив

83 кишиден коронавирус табылып, эки бейтап көз жумду. Соңку статистика

12
(жаңыланган 09:29 17.09.2021)
Өлкөдө эпидкырдаал турукташып калганы байкалууда. Азыркы учурда стационарда 589 бейтап дарыланып жатканы айтылды.

БИШКЕК, 17-сен. — Sputnik. Өткөн суткада Кыргызстанда 83 кишиден коронавирус аныкталып, 113 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 31;
  • Чүй облусу – 17;
  • Ош облусу – 4;
  • Талас облусу – 4;
  • Нарын облусу – 6;
  • Ысык-Көл облусу – 12;
  • Жалал-Абад облусу – 8;
  • Баткен облусу – 1.

Өлкөдө илдет илештиргендердин жалпы саны 177 567ге жетип, анын ичинен 172 015 киши дартты жеңген.

Кечээтен бери оору эки адамдын өмүрүн алган. Ушуну менен коронавирустан каза болгондордун жалпы саны 2 583кө жетти. Азыркы учурда стационарда 589, ал эми амбулатордук шартта 910 адам дарыланып жатканы айтылды. 

12
Белгилер:
Кыргызстан, коронавирус, оору, статистика, штаб
Тема:
Кыргызстандагы коронавирус
Тема боюнча
COVID-19ду аныктаган лабораториялардын кирешеси өстү. Таблица
Кытай Кыргызстанга 100 млн. доллар жана миллион доза вакцина берүүгө даяр