Трамп кийинки жылы качкындарды кабыл алууну чектейт

© REUTERS / Leah MillisПредвыборный митинг Дональда Трампа в Миннеаполисе
Предвыборный митинг Дональда Трампа в Миннеаполисе - Sputnik Кыргызстан
Жазылуу
2017-жылы АКШ 110 миң бозгунду кабыл алган. Быйыл 30 миң адам Америкага башпаанек издеп барган. Эми чектөө коюлмакчы.

БИШКЕК, 2-ноя. — Sputnik. АКШ президенти Дональд Трамп 2020-жылы 18 миң гана качкынды кабыл алуу боюнча буйрукка кол койду. Бул туурасында РИА Новости жазды.

Рабочий визит президента РФ В. Путина в Японию для участия в саммите Группы двадцати - Sputnik Кыргызстан
Трампка импичмент жарыялоо процедурасы расмий башталды
Эки жыл мурда АКШ кабыл алган качкындардын саны 110 миңге жеткен. 2019-жылы мамлекет 30 миң адамды кабыл алган.

Президенттин буйругу боюнча квоталар категорияларга бөлүнгөн. Ага ылайык, диний азчылыкта болуп, куугунтукка алынган 5 миң киши, 4 миңи — АКШга жардам бергендер жана анын жарандары менен байланышы бар ирактыктар, ошондой эле 1,5 миң адам Сальвадор, Гватемала жана  Гондурастын өкүлдөрү болмокчу. Калган 7,5 миң адамды башка категориядагылар түзөт.

"Кабыл алына турчу качкындардын жеткен чеги — 18 миң", — деп айтылат Трамптын буйругунда.

Дональд Трамптын шайлоо алдындагы убадаларынын бири иммиграцияны азайтуу болчу. Президенттин саясий атаандаштары АКШ качкындарды кабыл алган жагынан дүйнөлүк лидер макамын жоготту деп жемелешүүдө.

Жаңылыктар түрмөгү
0