Күйөөсү үчүн 40 килограмм арыктаган кыз кийин аны таштап кетти. Кореядагы окуя
(жаңыланган 10:19 06.11.2019)
Жолдошунун арзуусуна ээ болууну самаган Пак аттуу кыз 10 ай бою спорттук оор көнүгүүлөрдү жасап, мүнөздөп тамак ичкен. Анткен менен күйөөсүнүн мамилеси өзгөргөн эмес. БИШКЕК, 6-ноя. — Sputnik. Йога боюнча мурда инструктор болуп иштеген түштүккореялык Пак Жи Вон төрөттөн кийин 40 килограмм салмак таштап, андан кийин өмүр бою уу сөзү менен көңүлүн калтырып келген жолдошун таштап кетти.
Посмотреть эту публикацию в Instagram
Бир нече жыл мурда Пак кызын жарыкка алып келип, төрөттөн кийинки депрессияга кабылган. Мындан улам ал тамакты көп жей баштаган. Акырындап отуруп салмагы 86 килограммга жеткенин China Press жазат.
Бул убакыттарда анын күйөөсү келишимдүү болбой калганына нааразы болуп, зекип турган. Күйөөсүнүн сүйүүсүн кайтаруу үчүн келин 10 ай бою спорттук оор көнүгүүлөрдү жасап, мүнөздөп тамак ичкен. Натыйжада 40 килограммга арыктай алган. Анткен менен күйөөсүнүн жүрөгү жылыбай койгон.
Посмотреть эту публикацию в Instagram
Пак ажырашууну чечкен. Кыздын айтымында, жолдошу менен кол үзүшкөндөн кийин жашоосу башка нукка өзгөргөн. Учурда ал социалдык тармак аркылуу арыктоо жана пайдалуу тамактардын рецептери тууралуу кеңештери менен бөлүшүп келет.
Посмотреть эту публикацию в Instagram
Белгилер:
Казакстан коронавирустан каза болгондорду эскерип аза күтүүдө
(жаңыланган 10:09 13.07.2020)
Бүгүн Казакстандын шаарларында мамлекеттик туулар түшүрүлдү. Каза болгондорго багышталып бардык мечиттерде куран окутулат.БИШКЕК, 13-июл. — Sputnik. Казакстандын эли бүгүн коронавирустан каза болгондорду эскерип, Улуттук аза күтүү күнүн өткөрүп жатышат. Бул тууралуу Sputnik Казакстан маалымат агенттиги жазды.
Казакстандын шаарларында мамлекеттик туулар түшүрүлдү. Каза болгондорго багышталып бардык мечиттерде куран окутулат. Саат 12:00дө өлкө боюнча аза мүнөтү өтөт.
Өзбекстанда коронавирустан өлгөндөрдүн саны кескин өсүп кетти
Казакстанда коронавирустан биринчи болуп 26-мартта Акмоло облусунун Косшы айылынан 64 жаштагы аял каза болгон. Ведомстоволор аралык комиссиянын маалыматына ылайык, 12-июлга карата өлкөдө бул илдеттин курмандыгы болгондордун саны 375ке жетти.
Буга чейин Казакстандын президенти Касым-Жомарт Токаев 13-июлду коронавирустан каза тапкандарды эскерип Улуттук аза күтүү күнү деп белгилеп, казакстандыктарды эл башына оор сыноо келип турганда жоопкерчиликтүү, кайраттуу жана сабырдуу болууга чакырган.
Ушуну менен өлкөдө эгемендикти алгандан бери тогузунчу жолу Улуттук аза күтүү жарыяланууда.
Белгилер:
Кайсы тамак-аш мээ клеткаларынын иштөөсүн бузат. Адистин пикири
(жаңыланган 09:39 13.07.2020)
Врач-диетолог курамында трансмайлар бар азык-түлүктөрдөн, туздалган тамак-аштан, консервант, ароматизатор, боектордон да баш тартыш керектигин айтат.БИШКЕК, 13-июл. — Sputnik. Дайыма маргарин, майонез жана арзан кондитердик азыктарды пайдалануу адамдын мээсин бузат. Бул тууралуу РИА Новости агенттиги жазып чыкты.
Врач-диетолог Елена Соломатинанын айтымында, курамында трансмайлар бар азык-түлүктөр мээнин клеткаларына терс таасир берет.
"Маргарин, майонез жана арзан кондитердик азыктардан баш тартууну сунуштайм. Себеби алардын курамында трансмайлар бар. Ал зат клетканын мембранасын катуу кылып салат. Ошонун кесепетинен клеткалар толук кандуу иштей албай, бул процесстер өзгөчө мээнин клеткаларында болгондо өтө кооптуу", — деди ал.
Уйкусу канбаган адамдар кандай дартка чалдыгары айтылды
Соломатина ошондой эле туздалган тамак-ашты аз колдонуу керек экендигин айтат. Анткени ал организмдеги кан жүгүрүүнү кыйындатып, шишиктерди пайда кылат.
Дарыгер консерванттар, ароматизатор, боектордон да баш тартуу керектигин эскертет. Токсиндери арбын болгон ал азык-түлүктөр баш мээнин клеткаларына зыян экендигин кошумчалады.
Коронавирустан сакайгандар өзүн кантип карашы керек? Министрликтин жообу
(жаңыланган 11:19 13.07.2020)
Өлкөдө коронавирус жуктургандардын саны 11 117ге жетти. Анын ичинен 3 460 бейтап айыкса, каза болгондордун саны 147 болду.БИШКЕК, 13-июл. — Sputnik. Коронавирус менен ооруп айыккандар ден соолугуна мурдагыдан да өзгөчө көңүл бурушу керек. Бул тууралуу Коомдук саламаттык сактоо башкармалыгынын башчысы Айнура Акматова брифингде маалымдады.
Анын айтымында, илдеттен арылгандар дарыгер жазып берген сунуштарды так аткарышы абзел.
Коронавирустан айыккан 73 адам ооруканадан чыкты
"Эгер өпкөгө дем алуу гимнастикасын сунуштаса, аны сөзсүз жасоо керек. Ошондой эле дарыгер айткандай тамактанышы зарыл. Мындан сырткары, мурдагыдай эле бет капты түшүрбөй тагынып, колду бат-баттан жууп, аралыкты сакташы шарт. Башкаларга бул оору бар экенин, ал оор өтөрүн айтып илдетти жеңүүгө көмөктөшкүлө", — деди Акматова.
Белгилей кетсек, өлкөдө коронавирус жуктургандардын саны 11 117ге жетти. Анын ичинен 3 460 бейтап айыкса, каза болгондордун саны 147 болду.