Арак ичип жаткан адам. Архив

Америкалык инженер аракты таштагандан кийин укмуштуудай өзгөрдү. Сүрөт

731
Ал ичимдикти студент кезинен тарта иче баштаган. Алгач жөн гана эс алып, көңүл ачуу үчүн колдонсо, кийин баш-оту менен кирип, араксыз тура албай калган.

БИШКЕК, 8-ноя. — Sputnik. АКШлык Кенни Ди аттуу инженер ичимдиктен толугу менен баш тарткандан кийин жашоосу канчалык өзгөргөнүн көрсөттү. Бул тууралуу BoredPanda сайтына шилтеме берип РИА Новости жазды.

 

Инженер из США Кенни Ди до и после полного отказа от алкоголя
© Фото опубликовано на сайте Bored Panda
Инженер из США Кенни Ди до и после полного отказа от алкоголя

Инженердин сүрөттөрүн BoredPanda сайты жарыялады.

Ал ичимдикти студент кезинен тарта иче баштаган. Алгач жөн гана эс алып, көңүл ачуу үчүн колдонсо, кийин баш-оту менен кирип, араксыз тура албай калган. Жадакалса, бир күндө 20 бөтөлкөдөн ашык ичимдикти түгөтүп койгон учурлар болчу.

Ошентип жүргөн күндөрдүн биринде аракечтикти токтотууну чечкен.

"Ичип жүргөндө мына азыр өлөсүң деп бирөө айтса деле баары бир болуп калган. Бир күнү күзгүнүн алдында өзүмдү карап, соо тургандагы кебетемди көргүм келди. Ошондо эмнеси болсо дагы аракты ташташым керек деп чечтим", — дейт инженер.

Ошол күндөн тарта ал жеген тамагынын рационуна чейин өзгөртүп, машыгуу залына бара баштаган. Атургай аракечтиктен кутулууну көздөгөн адамдардын тобуна кошулуп, алардын жыйындарына катышчу. Ал жерден Ди ичимдиксиз өткөргөн ар бир күнү үчүн бирден сары жетон алып, убакыт өткөн сайын кантип өзгөрүп жатканын байкоо үчүн өзүн сүрөткө тарта баштаган.

2-ноябрь күнү ал аракты таштаганына туптуура үч жыл болуп, азыр жашоосунда жаңы максаттар, пландар пайда боло баштаганын жазган.

731
Белгилер:
ичимдик, Сүрөт, аракеч, инженер, АКШ
Тема боюнча
Кыргызстандыктардын ичкен-жегени акыркы 28 жылда кандай өзгөрдү. График
Дарычылыкка болот. Арак кайсы ооруга чоң жардам берери айтылды
Россиянын президенти БУУнун башкы ассамблеясынын 75-сессиясында сүйлөө учурунда

Жоомарт сунушка рахмат! БУУ Путинге вакцина боюнча ыраазылык билдирди

89
(жаңыланган 10:27 23.09.2020)
Путин БУУнун Башкы ассамблеясында сүйлөп жатып уюмдун кызматкерлерине "Спутник V" вакцинасын акысыз берүүгө даяр экенин айткан.

БИШКЕК, 23-сен. — Sputnik. Бириккен Улуттар Уюму Россиянын президенти Владимир Путинге уюмдун кызматкерлери үчүн коронавируска каршы вакцина берүү сунушуна ыраазычылык билдирди. Бул туурасында уюмдун башкы катчылыгынын атайын өкүлчүлүгү билдиргенин РИА Новости жазды.

Белгилей кетсек, Путин кечээ БУУнун Башкы ассамблеясынын 75-сессиясында сүйлөп жатып уюмдун кызматкерлерине Россия чыгарган "Спутник V" вакцинасын акысыз берүүгө даяр экенин айткан.

"Биз Путинге жоомарттыгы үчүн ыраазычылык билдиребиз. Ал вакцина биздин медициналык кызмат тарабынан иликтенет", — деп билдиришкен БУУнун кеңсесинен.

Путин: БУУ бир орунда катып калбай, заманга ылайыкташуусу керек

Ошондой эле Путин келечекте коронавируска каршы дары дүйнө боюнча баарына жеткиликтүү болушу керектигин белгилеген.

Аны менен катар COVID-19га каршы препараттын кооперациясын түзүү боюнча кызыкдар мамлекеттер менен онлайн-конференция өткөрүүнү сунуштаган.

89
Белгилер:
ыраазычылык, Владимир Путин, БУУ, вакцина
Тема:
Дүйнөгө жайылган коронавирус
Тема боюнча
Путин ДССУнун потенциалын жакшылап бекемдөөгө чакырды
Казакстан коронавируска каршы вакцина чыгарып, ДССУда талапкер болуп катталды
Цирктеги тигр. Архив

Чехияда жаныбарларды цирк оюндарына пайдаланууга тыюу салынат

27
(жаңыланган 09:19 23.09.2020)
Мыйзамды өзгөртүүгө 66 депутат макулдук берсе, экөө каршы чыккан. 33 депутат калыс добуш бергени айтылат.

БИШКЕК, 23-сен. — Sputnik. Чехия парламентинин төмөнкү палатасы циркте жаныбарларды пайдаланууга тыюу салууга багытталган мыйзам кабыл алды. Бул тууралуу жергиликтүү "Эколист" басылмасы билдиргенин "Известия" жазды.

Палата депутаттары үчүнчү окууда "Жаныбарларды зомбулуктан коргоо боюнча" мыйзамын өзгөртүүгө добуш беришкен. Сунушталган түзөтүүлөр өзгөчө жапайы жаныбарларды циркте үйрөтүүгө байланыштуу болгон.

Швеция пил менен деңиз арстандарын цирк оюндарына тартууга тыюу салды

Мыйзамды өзгөртүүгө 66 депутат макулдук берсе, экөө каршы чыккан. 33 депутат калыс добуш бергени айтылат.

Кабыл алынган түзөтүүлөргө ылайык, жаныбарлардын бардык түрлөрүн, алардын жаңы туулган балдарын циркте үйрөтүү, көбөйтүү жана пайдалануу токтотулат.

Өзгөртүүлөрдү сенат жана өлкө президенти бекитиши керек.

"Палата депутаттары мындай кадамга барганына мен ыраазы болдум. XXI кылымда жапайы жаныбарлардын циркте зомбулукка кабылган учуру болбошу керек", — деген мыйзам долбоорунун демилгечиси, депутат Франтишек Ваха.

Чехиянын мыйзамдарында буга чейин 2004-жылдан кийин туулган жапайы айбанаттардын айрым түрлөрүн, атап айтканда, маймылдарды, кериктерди, бегемотторду, акыра, кит тукумундагы жаныбарларды, дельфиндерди эске албаганда пайдаланууга тыюу салынган болчу.

Эки жыл мурда жүргүзүлгөн сурамжылоодо өлкө элинин 74 пайызы циркте жапайы айбанаттарды пайдаланууну токтотууну колдошкон.

27
Белгилер:
мыйзам, тыюу салуу, зомбулук, цирк, жапайы жаныбарлар, Чехия
Тема боюнча
Бекманбетов: мамлекеттик циркте жети эле жылкы бар
Стационар. Архивдик сүрөт

COVID: Бишкекте чакан стационарлар ачылууда. Ленин району боюнча тизме

0
(жаңыланган 12:29 23.09.2020)
Мэриядан билдиришкендей, COVID-19 кайрадан күч алып кете турган болсо, аймактагы бардык бириктирилген үй-бүлөлүк дарыгерлер борборлорун күндүзгү стационарга айландыруу пландалып жатат.

БИШКЕК, 23-сен. — Sputnik. Бишкек шаарынын Ленин районунун аймагында коронавируска кабылгандарды дарылоо үчүн үй-бүлөлүк дарыгерлер борборлорунда керебеттер даярдалды. Бул тууралуу мэриянын маалымат кызматынан билдиришти.

Сузакта лицейдин эски жатаканасы жугуштуу оорулар бөлүмүнө айланды. Сүрөт

Негизи эле бул райондогу эпидемиологиялык абал менен таанышуу жана күндүзгү стационарлардын даярдыгы тууралуу райондун акими Чынасыл Чыныбаев таанышты.

Ленин районундагы убактылуу чакан стационарлар:

  • №1 үй-бүлөлүк дарыгерлер борборунда 5 керебет;
  • №2 үй-бүлөлүк дарыгерлер борборунда 5 керебет;
  • №11 үй-бүлөлүк дарыгерлер борборунда 2 керебет;
  • №12 үй-бүлөлүк дарыгерлер борборунда 4 керебет;
  • №13 үй-бүлөлүк дарыгерлер борборунда 4 керебет;
  • №17 үй-бүлөлүк дарыгерлер борборунда 2 керебет.

Мындан тышкары, №8, 10, 11 стационарлардын базасында дагы 7 орун даяр турат.

Дагы 28 керебет жаңы конуштардагы бириктирилген үй-бүлөлүк дарыгерлер борборлоруна даярдалууда. Алар:

  • Ак-Өргө жаңы конушу (Ашар көчөсү) – 14 керебет;
  • Ак-Өргө жаңы конушу (Ай көчөсү) – 7 керебет;
  • Ак-Ордо жаңы конушу — 7 керебет.

Эске салсак, Ленин районунда жети күндүзгү стационар бар.

Алмамбетова: пандемия калкты тартипке, тазалыкка үйрөткөн жок

Мэриядан кошумчалашкандай, COVID-19 кайрадан күч алып кете турган болсо, аймактагы бардык бириктирилген үй-бүлөлүк дарыгерлер борборлорун күндүзгү стационарга айландыруу пландалып жатат.

0
Белгилер:
стационар, пандемия, коронавирус, Бишкек
Тема боюнча
Штаб: Нарындагы жаңы оорукананын курулушу жарым-жартылай бүтүп калды
Бишкектин үч жериндеги стационарда орундар, дары-дармектер камдалды. Сүрөт