Машыгып жаткан адам. Архив

Жарым жылдык өмүрү калганын уккан жигит 273 килограммга арыктады. Сүрөт

6751
(жаңыланган 10:51 11.11.2019)
25 жаштагы жигиттин баштапкы салмагы 363 килограммга чейин жетчү. Дарыгерлер ага жарым жылдык өмүрү калганын айткан.

БИШКЕК, 10-ноя. — Sputnik. АКШнын Вирджиния штатынын Бристоль шаарынын тургуну Мэттью Хаузер 273 килограммга арыктады. Бул тууралуу РИА Новости жазып чыкты.

Посмотреть эту публикацию в Instagram

Публикация от redsealh (@redsealh)

25 жаштагы жигит ашыкча салмак менен жабыркап келген. Анын салмагы 363 килограммга чейин жетчү. Хаузер соңку ирет ооруканага түшкөндө дарыгерлер анын жарым жылдык өмүрү калганын айткан. Ошондон кийин ал саламаттыгына кам көрүүгө киришкен. Натыйжада үч жылдын ичинде 273 килограммга арыктаган.

Посмотреть эту публикацию в Instagram

Публикация от redsealh (@redsealh)

Ал мындай көрсөткүчкө өлчөп тамак жеп жана күн сайын эки сааттан машыгуунун арты менен жеткенин белгилейт.

Посмотреть эту публикацию в Instagram

Публикация от redsealh (@redsealh)

Хаузер ашыкча салмактан арылуудан сырткары, психологиялык көйгөйлөрдөн да кутулган. Спорт менен дисциплина ага депрессияны жеңүүгө жардам берген.

6751
Белгилер:
эреже, ден соолук, арыктоо, жигит, салмак
Тема боюнча
Күйөөсү үчүн 40 килограмм арыктаган кыз кийин аны таштап кетти. Кореядагы окуя
50 килограммга арыктаган актрисаны достору тааныбай калды. Сүрөт
Чемпионка мира по смешанным единоборствам по версии UFC Валентина Шевченко с сестрой бойцом UFC Антониной Шевченко во время тренировок

Алгачкы жолу! UFC эже-сиңди Шевченколорду бир турнирде октагонго чыгарат

5
(жаңыланган 19:27 15.08.2020)
Валентина мелдеште чемпиондук наамын коргосо, эжеси Антонина рейтинг үчүн кармаш өткөрөт. Анын атаандашы ушул сааттарда белгилүү болду.

БИШКЕК, 15-авг. — Sputnik. UFC уюмунун жетекчилиги эже-сиңди Антонина жана Валентина Шевченколордун катышуусунда өзгөчө беттеш даярдап жатканын MMA Uno спорттук порталы жазды. 

Маалымат боюнча, алгачкы жолу бир тууган кыздар чогуу турнирде беттешет. Кармаштар ушул жылдын 21-ноябрында UFC 255 турниринин алкагында өтмөкчү.

Шевченко Tapology версиясы боюнча эң мыкты 100 мушкердин катарына кирди

Спорттук иш-чаранын башка беттештеринин биринде Валентина бразилиялык Женнифер Майя менен кармашып, чемпиондук наамын төртүнчү ирет коргоп калганга жан үрөйт.

Посмотреть эту публикацию в Instagram

Публикация от World of MMA (@worldofmma.cz)

Ошол эле убакта Антонина бразилиялык дагы бир мушкер Ариана Липски менен күч сынашат.

Соңку беттешинде 35 жаштагы Антонина калыстардын чечими менен америкалык Кэтлин Чукагянга утулган.  Анда дагы промоутерлик компания өзгөчө беттеш тартуулаган. Тагыраагы, Валентинага утулган Чукагян анын эжеси менен жолуккан болчу.

5
Белгилер:
турнир, беттешүү, Антонина Шевченко, Валентина Шевченко, UFC
Тема боюнча
Мындан да күчтүү болуп кайтам! Бети-башы көгала Антонина үн катты
Испаниялык Барселонанын чабуулчусу, аргентиналык Лионель Месси. Архивдик сүрөт

ЖМК: "Бавариядан" ири эсепте утулган Месси "Барселонадан" кетерин жар салды

169
(жаңыланган 18:06 15.08.2020)
33 жаштагы Лионель Месси клубдун жетекчилигине жана башкаруу системасына канааттанбай келгени айтылат.

БИШКЕК, 15-авг. — Sputnik. Испаниялык "Барселонанын" чабуулчусу, аргентиналык Лионель Месси каталондук клуб УЕФАнын Чемпиондор лигасынын чейрек финалында мелдештен четтегенден кийин командадан кетүү чечимин кабыл алды. Бул тууралуу РИА Новости жазды.

Мюнхендик "Бавария" кечээ "Барселона" клубун 8:2 эсебинде утуп, Чемпиондор лигасынын жарым финалына чыккан. Немецтик клубдан мындай эсеп менен жеңилүү Мессинин карьерасында эң ири утулуш болду.

Криштиану Роналду эзелки атаандашы Лионель Мессинин клубуна өтөбү?

Маалыматта 33 жаштагы футболчу клубдун жетекчилигине жана башкаруу системасына канааттанбай келгени айтылат. Мындан сырткары, Месси "Барселона" менен түзүлгөн келишими 2021-жылы аяктаганда кете ала турганы белгиленет. Футболчуну командада алып калууга клубдун жетекчилигиндеги кескин өзгөрүүлөр себеп болору айтылып келет.

Аргентиналык футболчу "Барселона" командасында ойнойт. Клуб менен ал 10 ирет чемпиондук наамды, алты жолу Испания кубогун, төрт жолу Чемпиондор лигасы мелдешин уткан. Чабуулчу каталондук клубдун катарында расмий беттештерде 634 гол киргизген.

169
Белгилер:
келишим, Барселона, футбол, Лионель Месси
Тема боюнча
КРдеги футболдук үч клубга айып салынды. Машыктыруучу 50 миң сом төлөйт
"Барселонанын" дарбазасына кирген 8 топ! 74 жылдан берки ири жеңилүү