Россиянын президенти Владимир Путин жыйын учурунда

Путин аткаминерлерди сасык тумоого каршы эмдөөдөн өтүүгө үндөдү. Видео

123
Россиянын президенти Владимир Путин өкмөт мүчөлөрү менен болгон жолугушууда кимдер сасык тумоого каршы эмдөөдөн өткөнүнө кызыкты.

БИШКЕК, 11-ноя. — Sputnik. Путин мындай суроону саламаттык сактоо министри Вероника Скворцованын эмдөөнүн жүрүшү боюнча отчётун уккандан кийин берди. Министрлер кабинетинин үч гана мүчөсү вакцинация кылганын айтышты.

"Төртөөбүз экенбиз. Мен дагы эмдөөдөн өттүм. Сасык тумоо менен ооруп калдыңбы — атууга. Анан эмне кылмак элек? Алдын алса болмок, алдын алган жоксуңар. Бул тууралуу ойлонууну сунуштайм", — деди Путин.

Жыйындан кийин саламаттык сактоо министри журналисттерге өкмөттүн бардык мүчөсү эмдөөдөн өтөрүн билдирди.

123
Белгилер:
өкмөт, эмдөө, Россия, Владимир Путин
Тема боюнча
Астанова: сасык тумоого каршы акысыз эмдөө жүрүп жатат
Исхакова: улуттук календарь менен 11 ооруга каршы эмдөө жүргүзүлөт
Чоң жетиликтин жыйыны. Архив

Россияны Батыш капканына түшүрүү аракети жасалып жатабы? Саресеп

43
(жаңыланган 14:20 03.06.2020)
Азыр Батыштын Россияга муктаж чагы. Убакыт өткөн сайын бул даана байкала баштайт. Бирок бул ойду батышчылар гана эмес, батыш лидерлеринин өздөрүнүн да кабыл алышы кыйын.

Россия менен болгон мамилелерде оюн тартибин жана күн демин ушул тапта Батыштын аныктай албай калышына моюн сунуу да аябагандай татаал экенин, бул атлантикалык дүйнөнүн артта калганын айгинелейт деген пикирин билдирет саясий серепчи Петр Акопов. Анын бул туурасындагы макаласы биздин өнөктөш РИА Новости агенттигине жарыяланган.

Апта башында Трамп Путинге телефон чалып, батыш клубуна кошулууга чакырган. Быйыл АКШ президенти "Чоң жетиликтин" жыйынын уюштурмак, ал мурда июнга белгиленген. Бирок Трамп европалык лидерлердин баары Кошмо Штаттарга келүүгө даяр эместигинен улам (мисалы, Меркель) аны сентябрга жылдырууну ойлонууда. Ошентип, АКШ президенти Россияны батыш столуна кайтаруу зарылдыгы тууралуу өзүнүн эски оюн ишке ашырууну көздөөдө. Былтыр эле Квебектеги "Чоң жетиликтин" саммитинин алдында Трамп бул жөнүндө айткан, бирок италиялык премьерден башкасы аны ачык колдогон эмес. Бул ирет Трамп башка тараптан жол издөөнү чечкен көрүнөт. Өткөн дем алышта ал учакта аны коштоп барган журналисттерге "Чоң жетилик" эскиргенин айтты.

"Менимче, "Чоң жетилик" дүйнөдө болуп жаткан окуяларды туура чагылдырып жаткандай эмес". Ошондуктан жолугушууну сентябрга чейин жылдыруу, анда Кытайдын келечегин Си Цзиньпин менен эмес, Путин менен талкуулаган оң, Россияны, аны менен Түштүк Корея, Австралия жана Индияны кошо чакырып, "Колубузда эмне бар, өлкөлөрдүн жакшы тобу?" дегиси бар өңдөнөт. Трамп тарабынан дүйнөнүн негизги коркунучу деп белгиленген Кытайды талкуулоо, Россияны кайтаруу демилгеси бардык жагынан укмуш. Башкача айтканда, качантан бери эле Трамп үндөп келе жаткандай, Россия менен элдешүү - аны менен биргеликте Кытай менен күрөшүүгө киришүү дегендик.

Муну айрым америкалык стратегдер эбактан бери колдоп келет. Ал эми Россия бул "сайранга" кошулууга ынтызарбы? Же кошулбай кайда барат дешеби? Кытай экспансиясынан чочулоосу бар, аны кылдаттык менен жашырып келет. Анан калса орус каймактары да батыш менталитетин сиңирип алган, "дүйнөлүк лидерлер" клубуна кайтууну да самайт. Көйгөйдүн баары азыр биз, тагыраак, Батыш Путинге май токочтон көп карматкан жокпузбу, антпесе орустар өздөрүн жеңүүчү сезип алышпасын. Май токоч менен эле эмес, кызыл камчыны да колдонуу керек, ошондо эч кайда кете албайт. – Кызык, бирок ушундай картина батыш стратегдеринин эле эмес, айрым россиялык талдоочулардын да оюнда.

Россия өз алдынча эч нерсе кыла албайт, Батыш менен араздашып кеткенибизден улам гана Кытай менен жакындаша баштадык. Эгер азыр конфронтация аяктаса, биздин антиулутчул каймактар дароо Батыштын кенже өнөктөштөрүнүн ролуна кайтышат деген өңдүү ойлор россиялык коомдо сейрек эмес. Ошондуктан "Чоң жетиликтин" эч кандай чакыруусун Россия кабыл албоого тийиш! Россияны өз каймактары сатып кетет деп эмес, чындап эле кабыл албоо үчүн башка себеп да бар. Путин россиялык элитанын курамын эле эмес, ой-таламын да олуттуу түрдө өзгөрткөн. Россияны 90-жылдардагыдай Батышты үлгү жана ага окутуучу катары көргөн адамдар башкарарын, ал эми орустар европалык цивилизациянын ийгиликсиз бутагы катары эсептегендер кыял дүйнөсүнөн чыга албай келет.

Элитаны таптоо жана улуттук аң-сезимди калыптандырууда Россиянын көйгөйү толтура. Бирок РФ жетекчилигинин өз алдынчалыгынан, улуттук кызыкчылык деген эмне экенинен, тарыхты жана географияны, башкача айтканда, геосаясатты жакшы билеринен, дүйнөлүк аренада өз оюнун жүргүзүп жатканынан шек санап болбойт. Көп айлампадан турган стратегиялык оюнду жүргүзөт, кырдаал жана курчаган жагдай алмашат, бирок максат өзгөрүүсүз калат. Күчтүү, жетиштүү, цивилизациялуу Россия XXI кылымда дүйнө тартибин аныктай турган күч борборлорунун бири катары чыгат.

Россия өз максатына жетүү үчүн Батышка ыктоого тийишпи? Жок, ал түгүл тактикалык оюн да россиялыктарга зыян келтириши мүмкүн. СССР ыдырагандан бери Батыш чабуулун эч токтоткон эмес. Колу көз артканынын баарына, акыры Украинага чейин жеткен. Постсоветтик мейкиндикте компромисстин болушу мүмкүн эместиги түшүнүктүү: Украинаны атлантикалаштыруу, аны Батыштын геосаясий талаасына бекитүү мүмкүн эмес жана талкуулоого да жатпайт. Бирок андан да маанилүүсү – өзү кааласа да, Россия кайсы Батышка ыктайт? Бирдиктүү Батыш азыр жок, анын кыйроо процесси бир нече жылдан бери уланып келет жана россиялык кызыкчылыктарга толук шайкеш. РФ Батыштын курамдык бөлүктөрү – айрым европалык өлкөлөр жана жалпы Евробиримдик (бирок качан ал геосаясий өз алдынчалыкка ээ болгон соң) менен да, ал тургай антиглобалисттик Америка менен көпүрө кура алат.

Атлантикалык Батышка карата Россиянын стратегиясы жөпжөнөкөй: Батыш үстөмдүгүнүн жүз жылдыктары аяктап барат, ал эми атлантикалык дүйнөнүн ордун тынчокеандык жана евразиялык дүйнө басат. Россия Батыш менен араздашканы үчүн Чыгыш жана Түштүккө да көңүл бурганы жок, мындай кадамдарды ал тарых жана геосаясаттын мыйзамдарын түшүнгөнүнөн улам жасоодо.

"Чоң жетиликтин" алдан тайганына бир топ болду, Трамп анын барагын жөн эле жаап кое албайт. Кайра шайланып келсе да, ал акырындап эки ача жолго түшкөн тараптардын мамилесин териштирүү аянтчасына айлана баштайт. Крымдан кийин Батыш тарабынан тоңдурулган "Чоң жетилик" (башкача айтканда, Россиянын катышуусундагы вариант) принцибинде кайра калыптана албайт. Бул жылдар аралыгында Россия Кытай менен стратегиялык альянсын бекемдеши да буга себеп эмес. Батыш Россия менен биргеликте дүйнөдөгү оюн эрежелерин аныктай албайт, анүчүн бардык негизги оюнчулар да катышууга тийиш. Албетте, Кытай менен Индия, Түштүк-Чыгыш Азиянын өкүлдөрү болгон аймактык интеграциялык союздар, араб дүйнөсү, Түштүк Америка, Африка да орун алууга тийиш. Буга эң жакын формат — "Чоң жыйырма". Аймактык союздаштардын өкүлдөрүн (анүстүнө Евробиримдик да ага эбак кирген) кошуп, аны жакшыртуу гана зарыл. Анын ордуна Трамп "Чоң жетилик" менен "Чоң жыйырманын" ортосундагы 11 өлкөдөн турган жыйын курууну сунуштоодо. Эгер G-11 менен G-20 жыйындарын салыштырсак, анын курамында Кытайдан башка дагы ким орун албайт? Кытайды тыш калтыруу үчүн ушунун баары жасалып жатпайбы. Трампты бул маселеде сылыктык менен токтотуш кыйын. Саммиттин кожоюну катары кимди чакырышты чечүүгө акысы бар. Путиндин катышуусуна макул болбогон Улуу Британия же Германиянын каршылыгын да эске албай коюшу мүмкүн. Себеби бул – "Чоң сегизди" калыптандыруу эмес, тек гана кеңейтилген курамдагы жолугушуу. Бирок, албетте, Владимир Путин кандай форматта болбосун, ал түгүл "Чоң сегизди" кайра түзүүгө чакырса да, "Чоң жетилик" жолугушуусуна катышпайт. 2014-жылы батыш лидерлери Россияда өтө турган кезектеги саммитке келүүдөн өздөрү баш тарткан. Эгер Путин тарабынан январда эле сунушталган "Беш үлкөн" жыйынын топтой алса, анда баары бир күздүн биринчи айында Нью-Йоркто быйылкы жылдын маанилүү саммити болушу ажеп эмес. БУУнун Коопсуздук кеңешинин туруктуу мүчөлөрү болгон беш өзөктүк державанын лидерлеринин сүйлөшүүлөрү тарыхта биринчи ирет өтмөк.

Аны адегенде Бириккен Улуттар Уюмунун мааракелик сессиясынын ишинин башталышына туш келтирүү, тагыраак, сентябрдын ортосуна белгилөө пландалган. Бирок Кытайга америкалык лидердин асылууларынын күч алышы көп тараптуу форматта болсо да, Трамп менен Си Цзиньпиндин сүйлөшүү мүмкүнчүлүгүн азайтат. Ошентсе да быйыл алар баары бир жүз көрүшөт. Анткени "Чоң жыйырманын" саммити Сауд Аравиясында ноябрда өтөт. Эгер шайлоодон жеңип чыга алса, каршылаштары анын жеңишин тааныса, Трамп ага кайрадан шайланган президент катары катыша алат.

Ал эми Путин менен Си ал убакка чейин бир нече ирет эки тараптуу жолугушат. Миң жылдык Россия менен үч миң жылдык Кытай башка бир катар маселелердин арасында, албетте, Американын келечегин да талкууламакчы...

43
Белгилер:
Дональд Трамп, мамиле, Евробиримдик, Батыш, капкан, Кытай, Россия, АКШ
Тема боюнча
Россия АКШнын Ачык асман боюнча келишимден чыгуу ниетин сынга алды
1945-жылы согушту АКШ менен Британия жеңген деген Ак үйгө Россия жооп кайтарды
Бронетранспортерлор Хумвей Вашингтондогу көчөдө АКШнын аскер күчтөрүн ташып жатышат

Пентагон Вашингтондун аймагына 1,6 миң аскер жиберди

92
(жаңыланган 13:36 03.06.2020)
Шейшемби күнү кечинде коменданттык саатка карабай, эл Ак үйдүн жанына топтолуп, кыйкырып, ал тургай АКШ президенти Дональд Трамп кызматтан кетсин деген талап койгон.

БИШКЕК, 3-июн. — Sputnik. АКШда 1,6 миңге жакын аскерди толкундоолор чыгып жаткан Вашингтондун чет жакасына жайгаштырышты. Бул туурасында РИА Новости "Рейтер" агенттигине шилтеме кылып кабарлады.

Аскерлердин саны боюнча маалыматты Пентагондун расмий өкүлү Жонатан Хоффман билдирген.

"Учурда кызматын өтөп жаткан жоокерлер Вашингтондун өзүнө эмес, борбордук аймактагы базага жайгаштырылды", — деген ал.

Хоффман аскерлер "алар катуу даярдыкта тургандыгын", бирок жарандык бийликке жардам бербей тургандыгын айткан.

Буга чейин РИА Новостинин кабарчысы шейшемби күнү кечинде коменданттык саатка карабай, Ак үйдүн жанына эл топтолуп, ар кыл ураандарды кыйкырганын билдирген. Алар АКШ президенти Дональд Трамптын отставкасын да талап кылган.

Ал эми Трамп Twitter баракчасына Вашингтондун "дүйнөдөгү эң коопсуз жер экендигин" айткан.

Расмий маалыматтарга караганда, кечээ нааразы болгондор полициянын бир автоунаасын өрттөп, эки кызматкерди жарадар кылышкан. Мындан улам 300гө чукул адам кармалган.

АКШнын чегинен чыгып Европага жете баштаган нааразылык америкалык кара түстүү жаран Жордж Флойд 25-май күнү каза болгондон кийин башталды. Интернетте полиция кызматкерлери афроамерикалык адамдын колуна кишен салгандан кийин жыгып, үчөөлөп басып калган видео тараган. Бирөөсү моюндун күрөө тамыр өткөн бөлүгүн тизеси менен кысып, басып турат. Флойддун бир нече жолу "дем ала албай жатам" деп айтып, андан кийин тынчып калганын көрүүгө болот.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен чатактын мизи кайта элек. Ири шаарларда дүкөндөр талкаланып, мародёрлук күч алды.

Ал эми АКШ президенти Дональд Трамп башаламандыкты террорчулук деп сыпаттаган.

Ал эми кечээ, 2-июнда, полиция кызматкерлеринин демонстранттардын алдында тизелеп турган видеосу тараган.

92
Белгилер:
өлүм, полиция, Пентагон, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Мейвезер полициянын колунан каза тапкан Флойддун зыйнатын көтөрөт
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова

Абдырасулова: күндүн, суунун же шамалдын кубатынан энергия алуу керек

0
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова атмосферага бөлүнүп чыккан уулуу заттарды азайтса болорун айтты.
Абдырасулова: күндүн, суунун же шамалдын кубатынан энергия алуу керек

Электр энергиясын үнөмдөө менен экологияга пайда келтире алабыз. Бул тууралуу Нурзат Абдырасулова Sputnik Кыргызстан радиосуна маек куруп жатып билдирди.

Анын айтымында, Париж келишиминде дагы ар бир өлкө өз мүмкүнчүлүгүнүн жетишинче экологиялык көйгөйлөр менен күрөшүүсү зарыл экендиги көрсөтүлгөн.

"Өлкөдө экологиялык маселелер менен улуттук деңгээлде иш алып баруу боюнча атайын документтер кабыл алынган. Анда айлана-чөйрөгө уулуу заттардын таасирин минималдаштыруу каралган. Ошол эле көмүр жагууну, автоунаалардан бөлүнүп чыккан уулуу газдарды атмосферага таркашын азайтуу зарыл. Мүмкүнчүлүккө жараша электр кубаты менен иштеген автоунааларга өтүп, күндүн, суунун же шамалдан алынган энергиянын түрлөрүн көбөйтүү керек. Бул технологиялар дүйнөдө жакшы өнүгүп, баасы арзан болуп калды. Өкмөт тарабынан жакшылап көңүл бурулуп, туура саясат жүргүзүлүшү шарт. Эң негизгиси, энергияны үнөмдөп колдонуу зарылчылыгы келип чыгууда. Эгер сарамжалдуу колдоно турган болсок, коңшу өлкөлөрдөн сатып албайбыз. Ошондой эле экологияга тийген терс таасирди азайтууга мүмкүнчүлүк түзүлөт", — деди Абдырасулова.

Ошондой эле ал учурда туруктуу энергияны каржылоо программасынын алкагында бир катар долбоорлор ишке ашырылганын кошумчалады.

0
Белгилер:
Кыргызстан, экология, электр энергиясы
Тема боюнча
Казакстандан 500 млн. кВт/саат энергия импорттоо макулдашылды. Баа өзгөрөбү