Лаборатория кызматкери. Архив

Рак илдети качан пайда болгон? Байыркы доорду иликтөөнүн жыйынтыгы

1208
Окумуштуулар акыркы 300 жыл ичинде өнөр жай өнүккөн мамлекеттерде рак оорусу арбын катталып жаткандыгын айтышкан. Анын ичинен балдар арасында бөтөнчө көбөйгөнү кошумчаланды.

БИШКЕК, 12-ноя. — Sputnik. Байыркы элде рак оорусу өтө чанда кездешчү илдет болгонун окумуштуулар изилдеп чыгышты. Бул тууралуу "Известия" жазды.

Адистер акыркы жылдары рак оорусунун көбөйүшүнө айлана-чөйрөнүн булганышы, туура эмес тамактануу жана кыймылдын аздыгы себеп болуп жаткандыгын белгилешкен.

Алардын айтымында, рак миллион жыл мурда эле пайда болгон. Манчестер университетинин окумуштуулары птoлeмeйлердин доорунда (биздин заманга чейинки IV-V кылымдарда) жашаган египеттик мумиядан залалдуу шишик болгонун тастыктап бере алышкан.

Мындан тышкары, адистер болжол менен 2 миллион жыл мурда каза тапкан 12-13 жаштагы австралопитектен (адам сымал маймылдардын уруусу — ред.) шишиктин издерин аныктай алышкан. Оорунун эң байыркы мисалы катары 1,7–1,8 миллион жыл мурда бутунун таманына чыккан рактан каза тапкан гоминидди (адамдардын эң байыркылары — ред.) эсептешкен.

Окумуштуулар акыркы 300 жыл ичинде өнөр жай өнүккөн мамлекеттерде рак оорусу арбын катталып жаткандыгын айтышкан. Анын ичинен балдар арасында бөтөнчө көбөйүп баратканы кошумчаланды.

Гарвард университетинин окумуштууларынын айтымында, ракка кабылгандардын 75 пайызынын өлүмүн алдын алууга болот. Бул үчүн убагы менен медициналык текшерүүдөн өтүп, ичимдик, чылымды таштап, стресс, депрессиялардан оолак жүрүү керек. Ошондой эле уйкуну тууралап, ашыкча салмактан арылуу зарыл.

1208
Белгилер:
иликтөө, оору, адам, шишик, рак, адистер, окумуштуулар
Тема боюнча
Боор рагынын алгачкы белгиси айтылды. Иликтөө
Эркекти бүк түшүргөн простата рагы. Оорунун жаңы себептери аныкталды
Оорукананын бөлүмүндөгү медициналык кызматкер

Пандемия мындан 23 жыл мурдагы Азия кризисинен кем калышкан жок

63
(жаңыланган 17:40 18.06.2021)
Статистика боюнча бардык адистер пандемиянын экономикалык жана социалдык көрсөткүчтөргө тийгизген терс таасирин чагылдырганга аракет кылып жатышат. Муну менен БУУнун бир уюму да иштей баштаган.

БИШКЕК, 18-июн. — Sputnik. Пандемиянын дүйнөлүк экономикага жана социалдык багытка тийгизген таасири 1998-жылы болгон Азия кризиси менен бир деңгээлге коюлуп жатат. Бул тууралуу КМШнын Статистика боюнча мамлекет аралык комитетинин башчысы Владимир Соколин Экономикалык кеңештин жүрүшүндө айтты.

Анын пикирине караганда, статистика боюнча иштеген бардык адистер пандемиянын экономикалык жана социалдык көрсөткүчтөргө тийгизген терс таасирин чагылдырганга аракет кылууда. БУУнун бөлүктөрүнүн бири муну изилдеп, ал үч том болду.

"Үчүнчү томдо эксперттер пандемия 1998-жылы болгон Азия кризиси сыяктуу эле өзгөчө социалдык багытка катуу таасир эткендигин айтышууда. Эске сала кетсем, ал каатчылык Россияга чейин жетип, дефолт жарыяланган эле", — деди Соколин.

Азия финансылык кризиси 1997-1998-жылы дүйнөлүк экономиканы аңтар-теңтер кылып кеткен. Ага "Азия арстандарынын" экономикасынын ыкчам өсүшү жана корпоративдик, мамлекеттик карыздардын арбышы себеп болгон. Жыйынтыгында бир катар мамлекеттердин валюталарынын куну түшкөн. Кризистин кесепети 2001-жылдан тартып азая баштаган.

63
Белгилер:
пандемия, кризис, Азия, Россия, КМШ
Тема:
Дүйнөгө жайылган коронавирус
Тема боюнча
КМШ өлкөлөрүнүн ортосундагы өз ара соода калыбына келе баштады
Пандемия Европа үчүн бороон-чапкынга айланууда. Туруштук бере алабы?
Заводдо сагыз өндүрүү линиясынын жумушчусу. Архив

ЖМК: Россиянын Коргонуу министрлиги вакцинаны сагыз түрүндө чыгарууга киришти

70
(жаңыланган 17:37 18.06.2021)
Колдонуу үчүн ыңгайлуу формада чыгарылган препарат коронавирус инфекциясы менен күрөшүүдө жакшы натыйжа берет деген ишенич бар экени айтылды.

БИШКЕК, 18-июн. — Sputnik. Россиянын Коргонуу министрлиги коронавируска каршы жаңы препарат даярдоого киришти. Ал сагыз түрүндө болмокчу. Бул тууралуу РИА Новости агенттиги ишенимдүү маалымат булагына таянып жазды.

Агенттиктин маектеши иш № 48 Борбордук илимий-изилдөө институтунда жүрүп жатканын билдирген.

"Колдонуу үчүн ыңгайлуу формада чыгарылган препарат коронавирус инфекциясы менен күрөшүүдө жакшы натыйжа берет", — деген ал.

Белгилей кетсек, 2020-жылы Коргонуу министрлиги Гамалея атындагы эпидемиология жана микробиология улуттук изилдөө борбору менен биргеликте "Спутник V" вакцинасын чыгарган.

70
Белгилер:
вакцина, коронавирус, Коргоо министрлиги, Россия
Тема:
Дүйнөгө жайылган коронавирус
Тема боюнча
Собянин: Москвада мигранттарды эмдөө июлда башталышы мүмкүн
Өткөн суткада 653 киши COVID-19 жуктуруп, 4 бейтап акка моюн сунду
Бишкек — Ош унаа жолунун оңдоо иштери. Архив

Кырсыктан кийин... Бишкек Ош унаа жолунун жыртык-тешиги бүтөлүүдө

0
(жаңыланган 00:33 19.06.2021)
Түндүк менен түштүк региондорун бириктирип турган жолдогу аң-чөнөктөр күн сайын көбөйүп, айдоочуларды кырсыкка кептей турганы да айтылып келет.

БИШКЕК, 19-июн. — Sputnik. Бишкек — Ош унаа жолу оңдоодон өтүп, жыртык-тешиги бүтөлүп жатат. Бул тууралуу Транспорт жана коммуникациялар министрлиги кабарлады.

Ага ылайык, Бишкек — Ош жолунун оңдоо иштери 61-чакырымдан 103-чакырымга чейин жүргүзүлдү. Башкача айтканда, 719 чарчы метр жерге 117,9 тонна асфальт-бетон аралашмасы төшөлдү. Ал эми Суусамыр өрөөнүндө 152-чакырымдан 196-чакырымга чейинки 2 380 метр чарчы жолго 390,4 тонна аралашма колдонулган.

Учурда болсо Бишкек — Ош унаа жолунун 184-209-чакырымында жамоо иштери жүрүп жатат.

Ошондой эле жакынкы убакта Төө-Ашууда асфальттын эски катмары алынып, жаңысы төшөлөрү кошумчаланды. Жолдун жээктери бекемделип, белгилерди орнотуу иштери жүргүзүлөт.

Белгилей кетсек, бул жолдордун абалын жеринен көрүп, көйгөйдү коомчулукка жеткирүү максатында Sputnik Кыргызстандын кабарчылары Ошко сапар алып, видео материал даярдаган.

Бишкек — Оштун бүтпөгөн жолу айдоочулардын айласын кетирип келет. Узаган аптанын дем алыш күндөрү өлкөнүн негизги трассаларында 15 адам набыт болгон. Айдоочулар аңгектен качсаң дөңгөккө кептеген жол каргашанын бир себеби болуп жатканын айтышууда.

Буга президент Садыр Жапаров да көңүл буруп, ИИМге жол кырсыктарын алдын алуу ишин күчөтүүнү тапшырган.

0
Белгилер:
оңдоо, Бишкек - Ош жолу, Транспорт жана коммуникациялар министрлиги, Кыргызстан
Тема боюнча
Унаанын дөңгөлөгү жарылып кеткен. Баткендеги жол кырсыктан бир киши каза тапты
Жапаров Балыкчы — Барскоон жолунун курулушун баштоону тапшырды