Часы, выставленные на гигантском экране у стенда швейцарского часовщика Patek Philippe. Архивное фото

Дүйнөдөгү эң кымбат саат аукциондо сатылып, акчасы кайрымдуулукка кетти

231
(жаңыланган 14:28 13.11.2019)
Сааттын циферблаты таза алтындан жасалган, бети кара жана күлгүн түстөргө алмашып турат. Колго тагуучу куру аллигатордун терисинен тигилген. Аны сатып алган киши атын ачыкка чыгарбоону суранган.

БИШКЕК, 13-ноя. — Sputnik. Швейцариялык атактуу Patek Philippe брендинин сааты аукциондо 31 миллион долларга сатылды. Бул тарыхта эң кымбат баада сатылган саат экенин The Guardian басылмасы жазды.

Кызыгы, анын акчасы толугу менен кайрымдуулукка, тагыраагы, тукум кууган булчуңдун дистрофиясы илдетин изилдөөгө жумшалмакчы. Компания өтө кымбат жана жалгыз экземплярдагы саатты атайын кайрымдуулук максатында чыгарган.

Циферблат таза алтындан жасалган, бети кара жана күлгүн түстөргө алмашып турат. Колго тагуучу куру аллигатордун терисинен тигилген. Аны сатып алган киши атын ачыкка чыгарбоону суранган.

Буга чейинки рекорд дагы ушул эле компанияга тиешелүү эле. Ишкана 2014-жылы Женева шаарында өткөн аукциондо 1932-жылы жасалган саатты 24 миллион долларга саткан.

Булчуңдун дистрофиясына көпчүлүк учурда эркектер туш болот. Оору өзү 2-5 жаштагы балдарда кездешип, булчуңдарды алсыратып, адамды майып кылып коёт. Көпчүлүк учурда оорулуу омурткасын түз кармай албай, тили чулдурап калат. Мындай илдетке чалдыккандар адатта 25 жылдан азыраак жашайт.

231
Белгилер:
иликтөө, оору, кайрымдуулук, аукцион, саат, Швейцария
Тема боюнча
Улуттук банк жаңы коллекциялык тыйындарды сатыкка чыгарды. Баасы жана сүрөтү
1000 сомдук акча 20 эсе кымбат баада сатылууда. Себеби
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

48
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

48
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш

Тынчтыкка карай... Россия Тоолуу Карабахка кандай жардам берип жатат

122
Өзүн-өзү эркин деп жарыялаган Тоолуу Карабах республикасынын жашоочулары согуштан кийин акырындык менен үйлөрүнө кайта баштады. Аларга россиялык тынчтык орнотуучулар менен ӨКМ куткаруучулары жардам берүүдө.

Аскер инженерлери согуш учурунда талкаланган аймакта байланыш каражаттары менен инфраструктураны калыбына келтирүүгө жардам берүүдө. Ошондой эле жол кыймылы калыбына келип, борбор калаада коомдук транспорт каттай баштады.

Адистер мурда согуш талаасы болгон аймактын ар бир метринен жарылуучу заттарды издеп, учурда 2 гектар аймак менен 3 чакырым жолду тыкыр карап чыгышты. Көптөгөн жарандык жана социалдык объектилер текшерилди.

122
Белгилер:
жашоо, эл, тынчтык, Тоолуу Карабах, Россия
Тема:
Тоолуу Карабахтагы жаңжал
Тема боюнча
Кадам сайын жарылбасын! Карабахтагы миналарды зыянсыздандыруу аракеттери
Карабахтагы сириялык туркомандар: согушууга барышканбы же жайгашуугабы?