Бикини кийген кыздар. Архивдик сүрөт

Кандай аялдар ачык кийингенди жакшы көрөт? Жаңы иликтөө

1654
Адистер эмне себептен кыз-келиндер ачык кийинип, дароо көзгө урунган макияж колдонорун билүү үчүн 38 мамлекетте жашаган 30 миң аялды иликтөөгө алышкан.

БИШКЕК, 27-ноя. — Sputnik. Аялдар материалдык жактан пайда көрүп, өзүнүн коомдогу статусун көтөргүсү келген маалда болгон-толгон сулуулугун көрсөткүсү келип ачык кийимдерди кийип алат. Мындай бүтүмгө бир нече жылга созулган иликтөөдөн кийин Мельбурн университетинин (Австралия) окумуштуулары келгенин Daily Mail басылмасы жазды.

Адистер эмне себептен кыз-келиндер ачык кийинип, дароо көзгө урунган макияж колдонорун билүү үчүн 38 мамлекетте жашаган 30 миң аялды иликтөөгө алышкан.

"Алардын ар бирине өтө маанилүү кече үчүн кийим танда деген тапшырма берилген. Жыйынтыгында экономикасы олку-солку өлкөдө жашаган, үй-бүлөсүнүн материалдык абалы начар аялдар денесинин көбүрөөк бөлүгүн көрсөтүп турган, жалтырак кийимдерди тандап, укмуштуудай чач жасалгасын жасатышкан", — деп айтылат билдирүүдө.

Буга эмне себеп экенин сураган маалда экспериментке катышкан аялдардын көбү өзүнүн социалдык абалын жакшыртыш үчүн эң негизги курал катары келбетин жана денесин колдонорун айтышкан.

"Биз ачык кийинип жүргөн аялды көргөндө жөн гана жеңил ойлуу, көңүл ачууну жакшы көрөт деп ойлойбуз. Чындыгында абал андан дагы оор. Аял өзүнүн чырайын акыркы мүмкүнчүлүк катары пайдалангысы келет", — деди иликтөөгө катышкан психологдордун бири Кэндис Блэйк.

Баса, буга чейин үй-бүлөдө аялдын көбүрөөк акча табышы күйөөсүнө кандай таасир этерин жазганбыз. Материалда аял-эркектин психологиясы жөнүндө кызыктуу фактылар бар.

1654
Белгилер:
аял, кийим, психология
Тема боюнча
Уйкусу канбаган адамдын психикасы өзгөрөт. Иликтөөнүн жыйынтыгы
Окумуштуулар боюна бүтпөй жаткан аялга жардам берчү ыкманы аныкташты
Эркектин чачы эмнеге эрте түшөт? Окумуштуулар жаңы себебин тапты
Адамдар канткенде келбетине ыраазы болот? Окумуштуулардын жаңы изилдөөсү
Доллар акчалары. Архивдик сүрөт

ЕТӨФ кеңеши Кыргызстанга 100 миллион доллар насыя бермей болду

27
(жаңыланган 13:28 10.08.2020)
Каражат өкмөт менен Улуттук банктын COVID-19 эпидемиясынын кесепеттерине каршы күрөшүү программасын ишке ашырууга жумшалат.

БИШКЕК, 10-авг. — Sputnik. Евразия турукташтыруу жана өнүктүрүү фондунун (ЕТӨФ) кеңеши Кыргызстанга 100 миллион доллар насыя берет. Бул тууралуу Россиянын Финансы министрлигинин сайтында жазылды.

"Региондук финансылык механизм катары иш алып барган фонд башка эл аралык каржы институттары жана донорлор менен биргеликте катышуучу-мамлекеттерге маанилүү колдоолорду көрсөтүп келет. Бул алардын каржылык туруктуулугун камсыздап, пандемиянын социалдык-экономикалык кесепеттерин жоюу үчүн кризиске каршы улуттук программаларды ишке ашырууга мүмкүнчүлүк берет", — деген Финансы министри жана ЕТӨФ кеңешинин башчысы Антон Силуанов.

Каражат өкмөт менен Улуттук банктын COVID-19 эпидемиясынын экономика, финансы жана социалдык тармактарга тийгизген таасирине каршы күрөшүү программасын ишке ашырууга жумшалат.

Өкмөт: Кытай баштаган бир катар өлкө Кыргызстандын карызын сурабай турат

Евразиялык турукташтыруу жана өнүктүрүү фонду — катышуучу-мамлекеттердин экономикасын колдоодо регионалдык финансылык механизм болуп саналат. Анын каражатын эң көп Белоруссия алган. Аталган өлкөгө 5 миллиард доллар өлчөмүндө эки насыя менен бекитилген. Инвестициялык жана каржылык насыяларды, ошондой эле гранттар түрүндө каржылык колдоолорду Кыргызстандан сырткары Тажикстан менен Армения алып турат.

27
Белгилер:
каражат, насыя, Евразия, Кыргызстан
Тема боюнча
Былтыр банктар элге канча насыяны кандай максатта берген. Сандар
Карабаева: насыя боюнча жеңилдик алгандардын 28%ы соодагер
Ишканалардын дебитордук карызы көбөйдү. Статистика
Turkish Airlines авиакомпаниянын учактары Стамбулда. Архивдик сүрөт

Кыргызстан Түркия менен туруктуу аба каттамдарын жандантты

35
(жаңыланган 13:19 10.08.2020)
Учурда Республикалык ыкчам штаб бир катар алыскы жана жакынкы мамлекеттер менен туруктуу аба каттамдарды кайрадан баштоо боюнча сүйлөшүүлөрдү жүргүзүүдө.

БИШКЕК, 10-авг. — Sputnik. Кыргызстан менен Түркиянын ортосундагы туруктуу аба каттамдары жанданды. Бул тууралуу брифинг учурунда Жарандык авиация агенттигинин директору Курманбек Акышев айтты.

"Бүгүнкү күндөн тарта Түркия менен Кыргызстандын ортосунда туруктуу каттамдарды түрктөрдүн эки, Кыргызстандын бир компаниясы аткара баштайт. Pegasus Airlines, Turkish Airlines жана Avia Traffic компаниялары аптасына эки жолудан учат", — деди Акышев.

Ошондой эле ал Кувейт жана Өзбекстандын авиакомпанияларынан туруктуу каттамдарды ачуу боюнча сунуш түшкөнүн, учурда бул маселе Республикалык штабда каралып жатканын кошумчалады.

Кыргызстандан Россияга кетчү каттамдар. Күнү жана шарты

Буга чейин Бириккен Араб Эмирлигинин ортосундагы аба каттам кайра жанданганы айтылган эле. Алгачкы учактар 14, 21, 28-август күндөрү абага көтөрүлөт.

Ал эми россиялык "Аэрофлот" эпидемиологиялык абалга байланыштуу деп буга чейин пландалган август айындагы бардык каттамдарын токтоткон.

35
Белгилер:
пандемия, учак, каттам, Түркия, Кыргызстан
Тема боюнча
Дубай — Бишкек — Дубай каттамы жума сайын уча баштайт
Элчилик: Түркия Кыргызстан менен авиа байланышты жандантты
Аэропорттогу учак. Архивдик сүрөт

Эл аралык каттамдар жанданууда. Эми кыргызстандыктар сыртка чыга алабы?

0
(жаңыланган 13:43 10.08.2020)
Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон.

БИШКЕК, 10-авг. — Sputnik. Эл аралык аба каттамдары жандана баштаганына байланышутуу өкмөт кыргызстандыктардын чек арадан чыгуусуна уруксат берген буйрукту иштеп чыгууда. Бул тууралуу брифинг учурунда Жарандык авиация агенттигинин директору Курманбек Акышев айтты.

Ага модератор учурда кыргыз жарандары кандай негизде сыртка чыга алат деген суроо берген.

Кыргызстандан Россияга кетчү каттамдар. Күнү жана шарты

Акышевдин айтымында, ушул тапта Кыргызстандын жарандыгы бар адамдарга сыртка чыгууга уруксат берген документ жок.

"20-марттан тарта өкмөттүн чечими менен мамлекеттик чек ара жабылган. Демек биздин жарандар сыртка чыга албайт. Эми каттамдар жандана баштаганына байланыштуу өкмөт ал чечимине өзгөрүүлөрдү киргизип жатат. Жакында даяр болот", — деди Акышев.

Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон. Андан бери Кыргызстанга чертердик, жүк ташуучу жана гуманитардык рейстер гана аткарылууда.

Ал эми сыртка дипломаттар, мамлекеттик делегация жана чет элдик үй-бүлө мүчөсү бар айрым кишилер гана чыгарылып жаткан.

0
Белгилер:
укук, жаран, чек ара, Кыргызстан
Тема боюнча
Кыргызстан Түркия менен туруктуу аба каттамдарын жандантты
Дубай — Бишкек — Дубай каттамы жума сайын уча баштайт