Кыргызстандын президенти Сооронбай Жээнбеков Россия лидери Владимир Путин менен жолукту

Кыргыз-орус мамилеси тереңдейт. Жээнбеков менен Путин өзүнчө сүйлөштү

180
(жаңыланган 19:11 28.11.2019)
Жээнбеков Кыргызстан менен Россиянын эки тараптуу мамилеси активдүү динамикага ээ болуп, өлкөлөрдүн кызматташуусу бардык багыттар боюнча жемиштүү уланып жатканын баса белгиледи.

БИШКЕК, 28-ноя. — Sputnik. Кыргызстандын президенти Сооронбай Жээнбеков Россия лидери Владимир Путин менен жолукту. Бул тууралуу мамлекет башчысынын маалымат кызматы билдирди.

Жолугушуу ЖККУнун Жамааттык коопсуздук кеңешинин кезектеги сессиясынын алкагында болгон.

Жээнбеков Кыргызстан менен Россиянын эки тараптуу мамилеси активдүү динамикага ээ болуп, өлкөлөрдүн кызматташуусу бардык багыттар боюнча жемиштүү уланып жатканын баса белгиледи. 

Президент Кыргызской Республики Сооронбай Жээнбеков встретился с Президентом Российской Федерации Владимиром Путиным. 28 ноября 2019 года
© Пресс-служба президента КР / Султан Досалиев
Кыргызстандын президенти Сооронбай Жээнбеков Россия лидери Владимир Путин менен жолукту

Ал Россиянын президентине ЖККУнун алкагында да, эки тараптуу форматта да активдүү жана жемиштүү кызматташуусу үчүн ыраазычылык билдирди.

"Биз дайым сизди Кыргызстанда көрүүгө кубанычтабыз. Сизди биздин өлкөдө жакын жана чыныгы дос катары кабыл алышат", — деди ал.

Андан сырткары, Кыргызстан жана Россиянын кызматташуусу мындан ары дагы союздаштык жана стратегиялык өнөктөштүктө өнүгөрүнө ишеним артты.

Өз кезегинде Путин Жээнбековго Кыргызстандын ЖККУдагы төрагалыгынын алкагында аткарылган иштер үчүн ыраазычылык билдирди. Эки тараптуу мамилелердин өнүгүүсү үчүн гана эмес, аймактагы кызматташтык жаатында дагы маанилүү болгон көптөгөн маселелер боюнча Кыргызстан лидерликти көрсөткөнүн белгиледи.

Путин, андан сырткары, кыргыз тарапка БУУ жана башка аянтчаларда Россиянын сунуш-демилгелерин колдогону үчүн ыраазы болду.

Белгилей кетсек, 28-ноябрда Бишкекте ЖККУнун Жамааттык коопсуздук кеңешинин кезектеги сессиясы өтүп, ага Кыргызстан төрагалык кылды. Башчылык милдет эми Россияга өттү.

Саммит кандай өткөнүн Sputnik Кыргызстан агенттигинин онлайн репортажынан окуңуз.

180
Белгилер:
ЖККУ, кызматташтык, Сооронбай Жээнбеков, Владимир Путин
Тема:
Бишкектеги ЖККУ саммити (37)
Тема боюнча
Биринчи орунга коелу. Путин баңгизаттарын соодалоого каршы күрөшүү көйгөйүн көтөрдү
Достордун санын көбөйтүү керек. Путин ЖККУнун пландары менен бөлүштү
Путин: тынчтыкты камсыздоого өзгөчө көңүл буруу керек
Меккада зыяратчылар. Архив

Сауд Аравия Кыргызстанга кичи ажылыкка уруксат берген жок

73
(жаңыланган 15:09 28.10.2020)
Ноябрдын башынан тарта умрага 108 өлкөнүн жарандарына уруксат берилген. Булардын катарына Кыргызстан азырынча кирген эмес.

БИШКЕК, 28-окт. — Sputnik. Сауд Аравия Кыргызстанга кичи ажылык кылууга уруксат берген жок. Билдирүүнү муфтияттын маалымат катчысы Максат Атабаев тастыктады.

Анын айтымында, ноябрдын башынан баштап кичи ажылык жасоого 108 өлкөнүн жарандарына уруксат берилген. Булардын катарына Кыргызстан азырынча кирген эмес.

"Сауд Аравиянын Ажылык министрлиги сентябрь айында расмий билдирүү тараткан. Анда кичи ажылык эпидкырдаалга жараша үч этап менен жүргүзүлөт деп жазылган. 1-2-этапта Сауд Аравиянын жарандары үчүн гана өткөрүлмөк. Ал эми 3-этапта ноябрдан баштап чет элдик жарандар бармак. Министрлик коронавирус боюнча ар бир мамлекеттин эпидемиологиялык кырдаалын эске алып, аларды түстөргө бөлүп чыккан. Кичи ажылыкка уруксат берилген өлкөлөрдүн тизмеси жашыл түскө киргизилсе, азырынча уруксат берилбей турган мамлекеттер сары түскө, такыр эле барганга болбой турган өлкөлөр кызыл түс болуп көрсөтүлөт. Кыргызстанда азыр эпидкырдаал туруктуу болбой жаткандыктан сары түскө кирген", — деди Атабаев.

Кичи ажылыкка уруксат берилген 108 мамлекеттин ичинде Казакстан, Өзбекстан, Тажикстан, Кытай сыяктуу мамлекеттер бар. Ал эми сары түстөгү тизмеге Кыргызстан, Иран, Италия, Египет сыяктуу мамлекеттер кирген.

Коронавирус кыйсыпыры жана кыргыздар. Абалды ашкерелеген үч нерсе

Атабаев бул убактылуу чечим экенин айтып, өлкөдө ооругандар азайып, кырдаал турукташса Сауд Аравия Кыргызстанды жашыл түстөгү тизмеге киргизет деп ишене турганын кошумчалады.

73
Белгилер:
тизме, уруксат, Ажылык, Кыргызстан, Сауд Аравиясы

Ту-154түн Россияда элди акыркы ирет ташыган видеосу. КРдеги №1 борт да ушундай

135
(жаңыланган 15:15 28.10.2020)
Россиядагы жарандык авиацияда жалгыз, бирден-бир пайданылып келе жаткан Ту-154 аба кемеси акыркы ирет жүргүнчүлөрдү ташып, андан соң сапарын карытты.

Бул туурасында РИА Новости жазды. 

Эске салсак, Кыргызстандын жетекчилиги да Ту-154М (№1 борт) менен учат. Ал 1993-жылы чыгарылган. 2018-жылдын башында РФ коргоо министри Сергей Шойгу Ту-154М учактарын авиакырсыктын алдын алуу максатында колдонуудан алуу туурасында айткан.

Жергиликтүү медиакомпаниялардын бири YouTube каналына Ту-154М туурасындагы видеоматериалды жайгаштырган.

"Алроса" компаниясынын борту Якутскинин Мирный шаарынан 140 жүргүнчүнү Новосибирскиге алып келген.

2002-жылы лайнер Мирныйдагы авиаишканага таандык болсо, 2013-жылы аны "Алроса" компаниясы алган.

"18 жыл ичинде Ту-154М аба кемеси 27,5 миң саат учкан. "Алроса" алган кийинки жылдары эле лайнер 737 каттам жасаган. Ага 160 миңден ашуун жүргүнчү түшкөн", — деп айтышты аталган компаниядан.

Бул жылдардын ичинде учак 1 224 тонна жүк, 52 тонна почта аманаттарын ташыган.

Компаниянын башкы директору Андрей Гуловдун айтымында, лайнерди колдонуу мөөнөтү аяктап бара жатат. Эксплуатациядан чыккандан кийин учак Новосибирскидеги Толмачев аэропортунда калат, андан кийинки тагдыры азырынча белгисиз.

Россиянын МиГ-31 истребителинин стратосферадагы керемет учуусу. Видео

Ту-154 аба кемеси Туполевдун конструктордук бюросунда иштелип чыккан. Биринчи ирет абага мындан 52 жыл мурда көтөрүлсө, 1972-жылы 9-февралда элди ташып баштаган. Бул советтик эң көп чыгарылган, жүргүнчүлөрдү ташый турган реактивдүү орто магистралдуу учак.

135
Белгилер:
жүргүнчү, Ту-154, Новосибирск, Якутск, Россия
Тема боюнча
6 миң метр бийиктик! Катуу шамалда аралыктан май куйган учактардын видеосу
Кыргызстандын вице-премьер-министри Эльвира Сурабалдиева. Архив

Атасынын душмандары сабап кеткен. Эльвира Сурабалдиева тууралуу 8 факты

0
(жаңыланган 18:18 28.10.2020)
Саясатка келгенине салыштырмалуу аз эле убакыт болгонуна карабай Эльвира Сурабалдиева эл арасында белгилүү, өз орду бар.

Бүгүндөн тарта мурдагы депутат Эльвира Сурабалдиева Кыргызстандын вице-премьер-министри кызматына киришти.

Sputnik Кыргызстан эл арасында тайманбай бетке айткычтыгы менен оозго алынган жаңы вице-премьер тууралуу кызыктуу фактыларды даярдады. Маалыматтар ачык булактардан жана Сурабалдиеванын буга чейин ЖМКларга берген маектеринен алынды.

Чүйдүн кызы

Эльвира Сурабалдиева 1978-жылы 23-ноябрда Фрунзе шаарында туулган. Төрт бир туугандын эң улуусу, эки сиңдиси, бир иниси бар. Атасы Жыргалбек Сурабалдиев Сокулук районунан чыккан белгилүү ишкер болгон. Кийин Жогорку Кеңешке депутат болуп шайланган. Апасы Ысык-Көлдүн Ак-Суу районунун кызы.

Депутат ЖК Эльвира Сурабалдиева в школьные годы
© Фото / из личного архива Эльвиры Сурабалдиевой
Эльвира Сурабалдиева 1978-жылы 23-ноябрда Фрунзе шаарында туулган. Атасы Жыргалбек Сурабалдиев Сокулук районунан чыккан белгилүү ишкер болгон

Билими жана эмгек жолунун башталышы

2000-жылы Жусуп Баласагын атындагы Кыргыз улуттук университетин "эл аралык байланыштар" адистиги боюнча аяктаган. Кийин билимин Улуу Британиянын Бристоль университетинде ушул эле адистик боюнча уланткан. 2003-жылы Кыргызстан ишкерлер союзунун аткаруучу директору, 2004-2006-жылдары Социалдык фонддун тышкы байланыштар жана маалыматтар бөлүмүндө катардагы адистен бөлүм башчылыкка чейин көтөрүлгөн.

"Биринчи айым болуу баарына буюрбайт". Садыр Жапаровдун жубайы тууралуу 7 факты

Атасынын душмандарынан таяк жеген

2005-жылдын 24-мартындагы башаламандык учурунда Сурабалдиевдердин үйүнө белгисиз адамдар кирип келип, үй кожоюнун издешкен. Бирок кызынын жалгыз экенин көрүп, катуу сабап, үйдө сакталып турган акча жана зер буюмдарды алып кетишкен. Баса, алар ур-тепкиден дээрлик эсин жоготуп койгон кызды эшиктин алдына алып чыгышкан. Бирок көчөдө ызы-чуу салып келе жаткан митингчилердин үнүн укканда кетип калышкан.

Атасынын өлүмү

Ошондон көп өтпөй, тагыраагы, 10-июнь күнү атасы Жыргалбек Сурабалдиев киши колдуу болгон. Саясатчыны Бишкектин борборундагы кеңселердин биринин алдынан белгисиз адамдар атып кеткен. Жогорку сот анын өлүмүнө күнөөлүү деп мурдагы президент Алмазбек Атамбаевдин кайсы бир учурдагы жан сакчысы Эркин Мамбеталиевди тапкан, бирок ал кийин акталып кеткен. Эльвира Сурабалдиева өзү атасынын өлүмүнө Бакиевдерди күнөөлөп келет.

Гендиректор рынка Кудайберген Эльвира Сурабалдиева с отцом
фото предоставлено Эльвирой Сурабалдиевой
10-июнь күнү атасы Жыргалбек Сурабалдиев киши колдуу болгон. Саясатчыны Бишкектин борборундагы кеңселердин биринин алдынан белгисиз адамдар атып кеткен

Исхак Раззаковдун атактуу жана азаптуу өмүрү. Залкар ишмер тууралуу 20 факты

Атадан калган бизнеси үчүн күрөш

Сурабалдиеванын буга чейинки маектеринде атасынан калган ири бизнеси, тагыраагы, "Кудайберген" автотетиктер базарын бир эмес, бир нече киши тартып алууга аракет кылганын айтып берген. Алардын эң күчтүүсү ошол кездеги президент Курманбек Бакиевдин уулу Максим Бакиев болгон. Ал базарды 1 миллион сомго сатууну талап кылган. Бирок ой-тилеги ишке ашпай калган. Ишкерликке кол салгысы келгендер "унаа бизнесине сендей жаш кыздын тиши өтпөйт" деп жүйө келтиришкен. Анткен менен Сурабалдиева бизнесин колдон чыгарбай, базарды тогуз жыл, Жогорку Кеңешке депутат болуп келгенге чейин башкарган.

Адилеттүүлүк издеп эки президентке кирген

Биринчи жолу атасынын өлүмүнөн кийин дароо базарында текшерүү иштери башталып, анда иштегендерге кысым көрсөтүлгөндө, Курманбек Бакиевдин кабыл алуусунда болгон.

"Ойлоп көрсөм ошол кездеги кайгы-муңум бардык коркунучту айдап кетиптир. Бакиевге атамдын кыркы боло электе басып алып текшерүүлөр болуп жатканын айткам. Ал менин көзүмчө тиешелүү органдарга чалып, мыйзамсыз текшерүү жүргүзүп жаткан адамды тапкан. Ошол замат базарда бир дагы текшерүүчү калбай чыгып кетиптир", — деген Сурабалдиева маектеринин биринде.

Экинчи ирет "туугандарынын бизнесин жалган-жалаа менен текшерүүлөр токтобой койгондо" мурдагы президент Сооронбай Жээнбековго барган.

"Ага кайрылганымдын себеби текшерүүчүлөр президенттин атын атап келишкен. Аны Жээнбековдун өзүнө айтсам шок болуп калган", — деген вице-премьер дагы бир маегинде.

Парламенттик башкарууну колдойт

Сурабалдиева мамлекет толугу менен парламенттик башкарууга өтүүсүн колдойт. Ошол себептүү маектеринин биринде "Сооронбай Жээнбеков Кыргызстанга акыркы президент болсо" деген тилеги бар экенин айткан.

 Депутат Жогорку Кенеша от фракции СДПК Эльвира Сурабалдиева на заседании
Сурабалдиева мамлекет толугу менен парламенттик башкарууга өтүүсүн колдойт

Оштун жаңы жетекчиси Жарасул Абдураимов тууралуу 6 факты

Жолдошу менен ажырашкан

Өзүнүн айтымында, жолдошу менен саясатка келгенге чейин ажырашкан. Ошондон кийин үй-бүлө куруу маселеси экинчи планга жылып кеткенин жашырбайт. Бирок "жаздагы карантин учурунда адамга аны түшүнүп, сырдаша турган жан шерик керек экенин" түшүнгөнүн айтат.

0
Белгилер:
депутат, бизнес, өлүм, ата, факты, Эльвира Сурабалдиева
Тема боюнча
Эльвира Сурабалдиева вице-премьерлик кызматка киришти
Абакта "авторитет" болгон. Бишкек мэрлигине кайра келген Түлеев жөнүндө 7 факты