Уктап жаткан кыз. Архив

Адам эмнеге жаман түш көрөт? Адистин түшүндүрмөсү

2502
Эксперимент учурунда психиатрлар менен неврологдор атайын жабдуу аркылуу жаман түш көргөн адамдар ойгоо кезинде кандайдыр бир терс көрүнүшкө аша чаап тынчсызданбаганын аныкташкан.

БИШКЕК, 2-дек. — Sputnik. Уктап жатып кыйналуу, жаман түш көрүү адамдын ойгоо кездеги терс маанайы, тынчсыздануусу менен байланыштуу. Бул тууралуу Женева университетинин окумуштуулар тобунун иликтөөсү боюнча жазылган макалада айтылат.

Адистер уйкудагы адамдын мээси кандай иштей турганын билүү үчүн эки эксперимент жүргүзүшкөн. Анын биринде уктап жатканда коркуу сезиминин пайда болуусу менен байланышкан мээ кыртышынын эки бөлүгүн — аралча жана мээнин буткулун аныктап чыгышкан.

Акыл-эс жана эмоциялардын пайда болуусу менен байланышкан бөлүгү аралча болсо, кооптуулук жаралган кезде жүрүм-турумга жана кыймыл реакцияларына жооптуу болгон бөлүгүн мээнин буткулу дешкен. Бул эки бөлүк адам корккон кезде активдешери мурунтан эле белгилүү болуп келген. Эми окумуштуулар мээ кыртышынын ушул эле бөлүктөрү адам уктап жатканда да "иштей турганы" анык болду.

Экинчи эксперимент учурунда психиатрлар менен неврологдор атайын жабдуу аркылуу жаман түш көргөн адамдар ойгоо кезинде кандайдыр бир терс көрүнүшкө аша чаап тынчсызданбаганын аныкташкан. Мындан улам уктап жаткандагы кыйналуу менен ойгоо кездеги стресске болгон реакциянын тыгыз байланышы бар деген бүтүмгө келишкен.

Ал эми "Выше радуги" нейро-психологиялык борбордун адиси, нейропсихолог Кубат Каниметов түш жашоонун күзгүсү экенин айтып, жакшысын да, жаманын да көз жаздымда калтырбаш керек деген пикирде.

"Медицинанын тили менен айтканда жаман түш адамдын жашоосунда кез болгон терс көрүнүштөргө байланыштуу болот. Киши ооруса да жаман түш көрөт. Көбүнесе калкан бези ооругандар, гормоналдык бузулуулардан жабыркагандар кыйналат. Мындан тышкары, бүгүнкү күндө адамдар негизи эле аз уктап калышты. 8-10 саат уктаган киши жок. Уйкусу канбаган адам эс албайт, организми дем-күч алууга жетишпей калат", — деди Каниметов.

Уйку жакшы канып, жаман түш көрбөш үчүн адис режимди туура сактап, терс адаттардан арылып, тамакты тандап ичүү сыяктуу жөпжөнөкөй кеңештерди сунуштайт.

2502
Белгилер:
уйку, иликтөө, Окумуштуулар, түш, адам
Тема боюнча
Боор рагынын алгачкы белгиси айтылды. Иликтөө
Уйкусу канбаган адамдын психикасы өзгөрөт. Иликтөөнүн жыйынтыгы
Баткен облусунда чек ара бекетиндеги мунара. Архив

Асманга ок атылды. Кыргыз-тажик чек арасында кайрадан жаңжал чыкты

795
(жаңыланган 22:51 25.10.2020)
Тажик жарандары Үч-Төбө айылынан чек ара аркылуу жер алдынан суу түтүк өткөрүп жатканда кыргыз чек арачылары келип, ишти токтотууну талап кылышкан.

БИШКЕК, 25-окт. — Sputnik. Кыргыз-тажик чек арасында чатак чыкканын Мамлекеттик чек ара кызматы кабарлады.

Ага ылайык, бүгүн, 25-октябрда, саат 17:00дөр чамасында тажик жарандары Баткен облусунун Үч-Төбө айылынан чек ара аркылуу жер алдынан суу түтүк өткөрүп башташкан.

"Окуя болгон жерге кыргыз чек арачылары барып, тактала элек аймактагы ишти токтотууну талап кылышкан. Бирок тажик тарап баш ийбей кайым айтышкан. Аскер кызматкерлеринин өмүрүн жана саламаттыгын сактоо максатында, ошондой эле абалдын курчуп кетпеши үчүн Кыргызстандын чек арачылары эскертүү иретинде асманга ок чыгарууга аргасыз болушту", — деп айтылат маалыматта.

Учурда түтүк өткөрүү иши токтотулду. Эки өлкөнүн чек ара өкүлдөрү сүйлөшүү жүргүзүүдө. Ага жергиликтүү бийлик органдары менен укук коргоо органдарынын өкүлдөрү катышып жатат.
Мамлекетик чек аранын аталган аймагында абал туруктуу деп бааланды.

795
Белгилер:
ок атуу, Жаңжал, Мамлекеттик чек ара кызматы, Тажикстан, Кыргызстан
Тема боюнча
Кыргыз-өзбек жумушчу тобу чек арадагы чечиле элек тилкелерди карап чыгышты
Джастин Гэтжи менен Хабиб Нурмагомедов беттешүү учурунда

Хабиб мыкты беттеш тартуулаганы үчүн кошумча 50 миң доллар алат

366
(жаңыланган 18:24 25.10.2020)
Бишкек убактысы менен 25-октябрга караган түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды.

БИШКЕК, 25-окт. — Sputnik. Абсолюттук мушкерлер уюму (UFC) россиялык чемпион Хабиб Нурмагомедовго мыкты беттеш тартуулаганы үчүн гонорарынан сырткары бонус берет. Бул тууралуу Дана Уайт маалымат жыйынында айтканын "Известия" жазды. 

Нурмагомедов беттешкени үчүн канча сый акы алары белгисиз. Ал эми бонустун суммасы 50 миң долларды түзөт.

Хабибден тышкары ушунча акчаны молдовалык Ион Куцелабаны нокаутка кетирген россиялык Магомед Анкалаев дагы алмакчы.

Макгрегор эзелки атаандашы Нурмагомедовдун Гэтжи менен беттеши боюнча үн катты

Бүгүн түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды. Хабиб бул анын акыркы кармашы болгонун жар салды. Мындай убадасын апасына атасы Абдулманап Нурмагомедов каза болгондон кийин бергенин айтты.

366
Белгилер:
сый акы, бонус, беттешүү, Хабиб Нурмагомедов, UFC
Тема боюнча
Хабиб менен Гэтжи беттешкен UFC 254 турниринин эң кызуу ирмемдери. Видео
Айыл чарба министри Тилек Токтогазиев. Архив

Тилек Токтогазиев Айыл чарба министрлигиндеги көйгөйлөрдү ачыктады

225
(жаңыланган 00:23 26.10.2020)
Министрдин айтымында, ведомство Советтер Союзунан бери өзгөрбөгөндөй сезим калтырган. Анда керек болсо жылуулук жок экенин белгилеген.

БИШКЕК, 26-окт. – Sputnik. Айыл чарба министрлигинде жаңыланууну талап кылган нерселер көп экен. Бул тууралуу министр Тилек Токтогазиев өзүнүн Facebook баракчасы аркылуу түз эфирге чыгып билдирди. 

Ал кыска мөөнөттүн ичинде өзгөртүүлөрдү жасап, анда иштеп жаткан адистерге жакшыраак шарт түзүп берүүгө аракет жасай турганын белгиледи.

35 жашка чыкпай жогорку кызматты ээлеген аткаминерлер. Тизме

“Башка министрликтерге салыштырмалуу бул жактын айлыгы аз экен. Жакшы адистерге жакшы маяна төлөп бергидей кылышыбыз керек. Иштөө шарттары дагы начарыраак экен, мисалы жылуулук жок, суук. Ушунун баарын акырындык менен ордуна алып келебиз. Документтердин бардыгы кагаз түрүндө экен. Аны электрондук форматка өткөрүү зарыл”, - деди министр.

Токтогазиев кагаздар электрондук форматка өтсө ички процесстер, дыйкандарга кызмат көрсөтүүлөр батыраак жүрөрүн кошумчалады. Ал ошондой эле министрликте 888 киши иштей турганын, жалпы ведомство текшерилсин деген буйрук чыгарганын белгиледи.

“Азыр биз аудит баштадык. Жалпы министрлик текшерилсин деп Эсептөө палатасына кат менен кайрылдык. Бүт агенттиктер менен департаменттер текшерилет. Функционалдык анализ жүргүзүлүп, кайсы позициялар керек, кайсылары кереги жок экени аныкталат. Себеби бири-бирин кайталап калган штаттар болушу мүмкүн. Аларды кыскартууга туура келет”, - деди Токтогазиев.

Эң жаш министр алдыда чоң реформаларды жасоо ниети бар экенин кошумчалады.

225
Белгилер:
реформа, көйгөй, Тилек Токтогазиев, Айыл чарба жана мелиорация министрлиги
Тема боюнча
Тилек Токтогазиев жыйын өткөрүп, министрликтеги ишин эмнеден баштаарын айтты