АКШнын эл өкүлдөрү Трамптын импичменти боюнча докладды бекитти
(жаңыланган 10:48 04.12.2019)
АКШ президентин ээрден оодара турган документ конгрессчилердин кароосунан 13 "макул" жана 9 "каршы" добуш менен өткөн. Бул жерде демократтардын тараза ташы басып кеткени айтылган.БИШКЕК, 4-дек. — Sputnik. АКШнын эл өкүлдөр палатасынын Чалгындоо комитети президент Дональд Трамптын импичменти боюнча даярдалган документти колдоого алды. Бул туурасында РИА Новости кабарлады.
Жыйынтыктын мындай болгондугун берилген добуштардан улам көрүүгө болот. Документ алардын кароосунан 13 "макул" жана 9 "каршы" добуш менен өткөн. Бул жерде демократтардын тараза ташы басып кеткени айтылган.
Импичментти кароо эми соттук иштер боюнча комитетке жөнөтүлөт да, документтин негизинде Трампка карата конкреттүү күнөөлөөлөрдүн тизмеги түзүлөт.
Анын чыккан жыйынтыгы менен тагылган күнөөнү эл өкүлдөрүнүн жалпы жыйынына алып чыгып иш сенатка өтөт. Ал жерде азыркы президенттин партиялаштары — республикачылар отурат.
Буга чейин демократтар конгрессте Трамптын импичменти боюнча иликтеген жыйынтык документти элге алып чыккан. Анда азыркы президентти АКШдагы боло турчу шайлоого Украина бийлигин тартуу, кызыктыруу боюнча аракет кылган деген пикирлер айтылган.
Ак үйдүн маалымат катчысы Стефани Гришэм демократтардын бул докладында Трамптын мыйзамсыз аракеттери боюнча эч кандай далилдер камтылган эмес деген пикирин айткан.
Вице-президент Майк Пенс бул кадамды уят эле иш деп атаган.
Трамптын импичменти
Конгресстеги демократтар Трампка импичмент жарыялоо туурасында демилге көтөрүп, аракетин баштаган. Оппоненттер Ак үйдүн азыркы ээсин шайлоодогу мурунку саясий аттандашы — Жо Байденди каралоо үчүн чет мамлекеттен жардам сураган деп күнөөлөгөн. Ал эми Трамптын өзү муну танып, четке кагууда.
Трамп менен Украина президенти Владимир Зеленскийдин телефондон сүйлөшүүсү да чоң чырдын башы болгон. Ал гезит-журналдарга чыгып кеткенден кийин Чалгын кызматынын өкүлү муну кооптуу деп белгилеп, жетекчисине кат жөнөткөн.
Алгач телефондон эмне деп сүйлөшкөнү элге жайылып, андан соң жазылган арыз чыккан. Стенограмма Трамп Зеленскийди Украинанын мурдагы башкы прокурору Виктор Шокиндин кызматтан кетүүсү боюнча иликтөө жүргүзүүнү суранганын тастыктаган. Шокин Burisma Group деп аталган компаниянын ишмердүүлүгүн иликтеген. Ишкананын директорлор кеңешине АКШнын мурдагы вице-президенти Жо Байдендин уулу Хантер Байден кирген.
Буга чейин Украина президенти Владимир Зеленский анын телефондон сүйлөшүүсү жогоруда айтылган таризде болгон эмес деп билдирген.
АКШнын Конституциясына ылайык, импичменттин процедурасында палатанын өкүлдөрү иликтөө жүргүзүп, анын жыйынтыгын Конгресстин жогорку палатасы — сенат карайт.
Эгерде аны күнөөлөө эл өкүлдөр палатасы тарабынан бекитилип калса, сенатка берилет. Алар мамлекет башчысынын тагдырын чечкен акыркы чечимди чыгарат. Учурда палатада демократтардын өкүлдөрү көп, ал эми сенатта республикачылар арбын.
Апта ирмеми: көркөмдүү муз тазалагычтан тарта жеңилген Конорго чейин
Индонезиянын Ява аралында Семеру жанар тоо атылып, анын күлү менен түтүнү 5,6 чакырым бийикке сапырылды.
Вашингтондо АКШнын шайланган президенти Жозеф Байдендин инаугурациясы өттү.
Гаитиде Порт-о-Пренседе вуду модасынын көргөзмөсү өттү.
Бразилия коронавирус пандемиясынан катуу жапа чеккен мамлекеттердин бири болду. Өлкөдө илдетке чалдыккандардын саны 8 миллион 697 миң 368ге жетип, 214 147 адам көз жумган.
Бишкекте православдар Крещение майрамын белгилешти.
Нью-Делиде (Индия) Республика күнүнө карата өтүүчү парадга даярдыктар көрүлүүдө.
АКШнын Невада штатында көркөм муз тебүү боюнча өлкө чемпионаты өттү.
Гватемалада Гондурастан барган мигранттар менен полициянын ортосунда кагылышуу болду.
Москвада Алексей Навальныйды колдогон санкцияланбаган нааразычылык акциясы өттү.
Абу-Дабидеги "Мушкерлер аралы" спорттук жайында UFC 257 мелдешинде ирландиялык Конор Макгрегор менен америкалык Дастин Порье кармашты. Порье беттештин экинчи раундунда Макгрегорду сулата чаап утту.
Кыргызстандагы "Орловка" тоо-лыжа базасында лыжа менен тоодон түшүү боюнча Борбор Азиядан келген спортчулардын катышуусунда FIS эл аралык турнири жана өлкө чемпионаты өттү.
© Sputnik / Табылды Кадырбеков19-январда Бишкекте православдар Крещение майрамын белгилешти. Салт боюнча Крещение майрамы сыйынуу менен башталып, андан соң сууга чөмүлүп чыгышат
© Sputnik / Александр ГальперинРоссиянын Великий Новгородундагы Волхов дарыясында аялдар Крещение майрамында сууга түшүүдө
© Sputnik / Кирилл ШипицинБайкал көлүндөгү муз
© AFP 2021 / AGUS HARIANTOИндонезиянын Ява аралында Семеру вулканы атылып, анын күлү менен түтүнү 5,6 чакырым бийикке сапырылды
© AFP 2021 / Ethan MillerKnights Guard хоккей командасынын кыздары Лас-Вегастагы оюн алдында музду тазалап жатышат
© AFP 2021 / MENAHEM KAHANAИзраилдин Иордан өрөөнүндөгү токтоп турган фермадагы крокодилдер
© AP Photo / Luis M. AlvarezАКШ президенти Дональд Трамп жана биринчи айым Мелания Трамп Флоридадагы Мар-а-Лаго резиденциясына учар алдында президенттик учакка отуруп жатышат. Дональд Трамп ноябрда өткөн президенттик шайлоодо демократ Жозеф Байденге жеңилген. Трамп атаандашы Байдендин инаугурациясына катышпай турганын айткан
© AFP 2021 / SAUL LOEBАКШнын жаңы шайланган президенти Жозеф Байден Вашингтондо өткөн инаугурацияда ант берип кызматына расмий киришти. Өз сөзүндө Байден салтка айлангандай эле бардык америкалыктар үчүн бирдей президент болорун убада кылды
© Sputnik / Табылды Кадырбеков18-22-январь күндөрү "Орловка" тоо-лыжа базасында лыжа менен тоодон түшүү боюнча Борбор Азиядан келген спортчулардын катышуусунда FIS эл аралык турнири жана өлкө чемпионаты өттү. Спортчулар лыжа менен тоодон ылдый жолдогу табигый жана жасалма тоскоолдуктардан өтүп мелдешти
© AFP 2021 / MARCIO JAMESБразилиянын Манаус шаарында адамдар COVID-19 жуккан туугандарына кычкылтек баллондорун толтуруу үчүн кезекте турушат. Бразилия коронавирус пандемиясынан катуу жапа чеккен мамлекеттердин бири болду. Акыркы маалыматтарга ылайык, өлкөдө илдетке чалдыккандардын саны 8 миллион 697 миң 368ге жетип, 214 147 адам көз жумган.
© REUTERS / STRINGERЧилидеги Конгильо улуттук паркындагы түркүн түстүү жарыктар
© REUTERS / ADNAN ABIDIНью-Делиде (Индия) Республика күнүнө карата өтүүчү парадга даярданып жаткан бийчилер. 26-январда Индияда башкы улуттук майрамы белгиленет. 1950-жылы ушул күнү өлкө Конституциясын кабыл алып, муну менен Британиянын колониясы статусунан Республика статусуна өткөнүн бекемдеген
© REUTERS / Orlando RamirezАмерикалык спортчу Алиса Лю Невада штатында көркөмдөп муз тебүү боюнча АКШнын чемпионатына катышып жатат
© AP Photo / Sandra SebastianГондурастык мигранттардын Гватемала полициясы менен кагылышы
© AFP 2021 / NHAC NGUYENВьетнамдагы Шондонг үңкүрүндөгү туристтер
© Sputnik / Илья ПиталевМосквадагы санкцияланбаган нааразычылык акциясынын катышуучулары
© AP Photo / Dieu Nalio CheryПорт-о-Пренседе (Гаити) вуду мода көргөзмөсүндөгү моделдер
© REUTERS / Jeff BottariUFC мушкери, америкалык Дастин Порье уюмдун эки салмактагы экс-чемпиону ирландиялык Конор Макгрегорду нокаутка түшүрдү. Беттеш 24-январда Абу-Дабидеги "Мушкерлер аралы" спорттук жайында UFC 257 мелдешинде болду. Порье беттештин экинчи раундунда Макгрегорду сулата чаап, утту
Эреже бузулду! Вышинский менен Бутина Латвия элчилигинин алдына митингге чыкты
(жаңыланган 19:19 26.01.2021)
Колуна символикалык түрдө кишен салынган Бутина "Зона свободы слова строгого режима" деген жазуусу бар плакат көтөрүп жүрдү. Вышинский дагы журналисттерге карата кысымды токтотууну талап кылууда.БИШКЕК, 26-янв. — Sputnik. Адам укуктары боюнча кеңештин мүчөсү, "Россия сегодня" медиа тобунун аткаруучу директору Кирилл Вышинский менен Коомдук палатанын мүчөсү, АКШдагы абактан бошотулган Мария Бутина Россиядагы Латвия элчилигинин алдына митингге чыгышты. Алар Латвия жана Прибалтика республикаларында россиялык журналисттерге карата куугунтуктоону токтотууну талап кылып жатканын РИА Новости жазды.
Колуна символикалык түрдө кишен салынган Бутина "Зона свободы слова строгого режима" деген жазуусу бар плакат көтөрүп жүрдү. Вышинский дагы журналисттерге карата кысымды токтотууну талап кылууда.
"Тилекке каршы, колума дагы бир жолу кишен тагындым. Мен бул нерсени кылгым келген эмес, бирок айла куругандагы иш болуп калды. Мындай жол менен Латвияда альтернативдүү көз карашы үчүн куугунтукка кабылган мекендештерге жана журналисттерге тилектештик кылам", — деди Бутина.
Ошондой эле Латвияда болуп жаткан жагдай жөн гана сөз эркиндигин чектебестен, жалпы адамдык баалуулуктарга көлөкөсүн түшүрүп жатканы айтылды.
"Латвияда журналистиканын негизги эрежеси бузулууда. Ар бир журналист өзүнүн ишенимине, принциптерине туура келген редакцияда иштөөгө укуктуу. Латвияда бул түшүнүк жокко чыгарылып жатканын Россиянын Тышкы иштер министрлиги дагы байкады. Атургай биздин өлкөгө эч бир жагынан жан тартпай турган "Чек арасыз репортерлор" эл аралык уюму дагы муну айтып жатат", — деди Вышинский.
Эске салсак, 2020-жылдын 3-декабрында Латвиянын Мамлекеттик коопсуздук кызматы Sputnik Латвия жана Baltnews агенттиктеринин жети өкүлүн кармаган.
Балтиканын башка мамлекеттеринде да журналисттердин укугу байма-бай бузулуп жатканы белгиленген. Мисалга, 2019-жылы Литванын парламенти Sputnik Литва сайтын жаап салууну сунуштаган. Ал эми агенттиктин башкы редактору кармалып, беш жылга чет өлкөгө куулган. 2019-жылдын соңунда Эстониянын бийлиги Sputnik агенттигинин журналисттери ишинен кетпесе кылмыш иши козголо турганын айтып коркутушкан.
Россия ТИМи мындай көрүнүштөрдү демократиялык коомдун негиздерин тепселөө катары сыпаттаган.
Дипломатиялык ведомстводон билдиришкендей, санкциялар "Россия сегодня" эл аралык маалымат агенттигинин башкы директору Дмитрий Киселевго гана тиешелүү экенин, бирок медиахолдинг менен кызматташкан башка адамдарга тиешеси жок экенин айткан. Ал эми "Россия сегодня" агенттиги менен RT каналынын башкы редактору Маргарита Симоньян Россия журналисттерге карата козголгон кылмыш ишине жооп кайтарат деп ишенерин айтты.
Германия Кыргызстандын карызын кечет, бирок бир шарты бар
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.
Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.
©
Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.
Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.
Белгилер: