Whatsapp логотиби. Архивдик сүрөт

Пландарыңызды эскертип туруу керекпи? WhatsApp жаңы кызмат кошту

928
(жаңыланган 12:31 09.12.2019)
Жаңы кирген опция WhatsApp Reminders ("WhatsApp эскертме") деп аталат. Аны бардык мессенджерлерде акы төлөп кошуп алууга болот.

БИШКЕК, 9-дек. — Sputnik. WhatsApp тиркемесин иштеп чыккандар Any.do сервиси менен биргеликте мессенджерге жаңы кызматты киргизишти. Анын жардамы менен тапшырмаларды түзүүгө жана маалы менен алар тууралуу эскертмени алып турууга болот. Бул туурасында whatsapp.any.do сайтында айтылат.

Жаңы опция WhatsApp Reminders ("WhatsApp эскертме") деп аталат. Аны бардык мессенджерлерде акы төлөп кошуп алууга болот.

Тапшырманы түзүп, анын эскертмесин алып туруу үчүн Any.do ботуна тиешелүү кат жиберүү керек. Мындан тышкары, тапшырманы автоматтык түрдө түзүү үчүн башкалардан келген билдирүүнү кайра жиберип койсо болот.

Мындай жаңылык колдонуучулардын ишин иреттеп, көп нерсеге жетишүү үчүн киргизилип жаткандыгы белгиленет.

928
Белгилер:
кызмат, тиркеме, WhatsApp
Тема боюнча
WhatsApp жаңылыгы: билдирүүлөр өзү эле өчүп калуучу функция киргизилүүдө