Түндүк агым-2 долбоорунда иштеген жумушчулар. Архивдик сүрөт

Россия АКШнын санкцияларынан коркпошу керек. Эмне үчүн?

(жаңыланган 18:20 13.12.2019)
"Тозоктуу санкциялар" аркылуу сенаторлор менен конгрессмендер күчүн рублден, Россиянын мамлекеттик облигацияларынан, нефть компаниялары менен газ түтүктөрүнөн чыгармакчы. Ага кошумча Россияны "террорчулардын демөөрчүсү" деп атап ийиши да мүмкүн.

Crimson Alter блогунун автору Иван Данилов санкциялардын Россияга кандай таасир этерин талдап чыкты.

Россияга каршы санкцияларды кароо жана бекитүү ар кыл стадияда болгондуктан экономика менен финансы секторунун кайсы багыты көбүрөөк кысымга учурары белгисиз. Жалпы жонунан антироссиялык чаралардын үч пакетин бөлүп кароого болот.

Биринчиси — "Түндүк агым-2" долбооруна каршы кыйыр санкциялардын топтому, америкалык ЖМКлардын билдиришинче, 2020-жылдын аскерий бюджетине кирген. Мыйзамчылар россиялык газды сатып алуучуларга же "Газпромго" түз санкция киргизүүдөн айбыгып, ушу тапта Даниянын жээгинде "Түндүк агым-2" долбоорунун курулушу менен алектенип жаткан европалык компанияларга сокку урду. Долларлык операцияларынын токтоп калуу жана АКШ же америкалык компаниялар менен иштешүү мүмкүнчүлүгүнөн ажыроо кооптуулугу европалык компаниялардын долбоордон чыгып, "Газпромду" газды Украина аркылуу гана өткөрүүгө аргасыз кылат деген эсеп бар.

Экинчиси деле "Түндүк агым-2" долбооруна байланыштуу. Эгер бул мыйзам долбоору конгресс менен сенатта колдоо таап, ага Трамп кол кое турган болсо, санкцияга түтүктүн курулушун каржылаган европалык компаниялар тушугат. Мындай кадамдын ишке ашып кетери да күмөн, анткени курулуш соңуна чыгып калды, тиешелүү каражат да эчак бөлүштүрүлүп бүткөн.

Үчүнчүсү — "тозоктуу санкциялар". Башкача айтканда, мыйзам долбоору расмий түрдө "Америкалык коопсуздукту Кремлдин агрессиясынан коргоо" деп аталат. Ал жакын арада каралмакчы. Reuters мыйзам долбоорунун максаты тууралуу жазган. "Сунушталган санкциялар чет өлкөдөгү шайлоого кийлигишүүгө колдоо көрсөтчү россиялык банктарга, Россиянын киберсекторуна, жаңы мамлекеттик карызга, Россия президенти Владимир Путиндин атынан мыйзамсыз жана коррупциялык ишмердүүлүктү тикелей жана кыйыр колдоого каршы багытталган. Мындан тышкары, мыйзам долбоорунда Россиянын нефть жана газ секторуна карата катуу чара көрүү каралган. Белгилей кетсек, россиялык казынанын 40 пайызга чукулу дал ушул нефть менен газ секторунан толукталат" деп айтылат макалада.

АКШ мыйзамчыларынын пикиринде мунун баары Россиядан коргонуу үчүн жасалып жаткан имиш. Конгрессмендер менен сенаторлор АКШга тиешеси жок нефть чыккан жердин ачылышын жеке кемсинтүү, болуп көрбөгөндөй акыйкатсыздык жана улуттук коопсуздукка коркунуч катары кабыл алат эмеспи. Нефть көйгөйүн нарыдан бери чече салып (мисалы, Сириядагыдай) көнгөн АКШ Россиянын армиясынан, флоту менен өзөктүк мүмкүнчүлүгүнөн улам ага даай албай турат. Дал ушундан улам сенаторлор менен конгрессмендер санкция сыяктуу башкача жол издөө менен убара.

Албетте, "тозоктуу санкциялардан" Россиянын финансы жана валюталык рыногу эч зыян тартпайт деген жаңылыш ой. Кедергиси тиет. Бирок Россиянын экономикасын тозокко кептейбиз деген америкалыктар да адашат. Анын үстүнө "тозоктуу санкция" эски жомок болуп бүттү. Болгону сенаторлор менен конгрессмендердин бир ууч тобуна, тагыраагы, финансы жаатында эч нерсе түшүнбөгөндөргө майдай жаккан нерсе.

АКШнын финансы министри Стивен Мнучин деле Россияны жакшы көрбөйт. Бирок ал финансист болгондуктан эки жылдан бери санкцияларды зордоп киргизүүчү мыйзамдардын кабыл алынышына каршылык көрсөтүп келет. Анын пикиринде мындай санкцияларды Евробиримдик да киргизиши керек (ЕБнын бул тууралуу ою да жок), болбосо Вашингтон жалгыз Россиядан эле жооп албайт. Россиялык облигацияларды сатып алып жаткан чет элдиктер америкалык банктардан баш тартып, Европанын, Япониянын, Кытайдын банктарына же офшордук финансы структураларга ооп кетет. Мындан тышкары, Россиянын активдери ушу тапта былтыркыга караганда эл аралык инвесторлор үчүн пайдалуу болуп турат. Анткени европалык инвесторлор мамлекеттик облигацияларга салган инвестициясынан кирешени өнүгүп келе жаткан рыноктордон гана көрө алат. Демек, "тозоктуу санкциялар" Россия үчүн кыска мөөнөттүү ыңгайсыздык жаратса, Американын финансы сектору акчасынан да, кардарынан кол жууган кыйын абалга туш болот.

"Тозоктуу санкциялар" жана "Түндүк агым-2" долбооруна каршы көрүлчү чаралар ишке ашат эле болуш керек. Бирок керек болсо АКШнын өзүнүн аткаминерлери да мындай кадамдын натыйжалуу болорунан шек санап турушат. Санкциялар боюнча сунуштардын беш жылдан бери "такалып" турушу да бекеринен эместир.

Бирок АКШнын мыйзамчылары Американын финансы секторуна зыян келтирип, Евробиримдиктин АКШнын ашкере камкордугунан "бошонуу" процессин ылдамдатууну кааласа, албетте, өз эрки. Ага Россиянын башы оорубайт.

Белгилер:
сенат, конгресс, Евробиримдик, санкциялар, АКШ, Россия
Тема боюнча
Татаал маселе. Аскерий эксперт Эрдогандын С-400 боюнча айтканы тууралуу
"Кинжал" кайтып келди. Россиянын Ту-22М3 учагын кайра учурушуна эмне себеп?
Россиянын Петр Великий атомдук крейсери. Архив

"Бул кемесиз иш жүрбөйт": Россиянын Түндүк флоту НАТОго кандай жооп кайтарат?

(жаңыланган 20:15 22.04.2021)
Эксперттердин баамында, РФтин Түндүк флотуна ушул тапта суу түбүндө жүрүүчү дизелдик кайыктар өтө зарыл.

Куралышы адаттан тыш, купуялуулук, автономдуулугу жогору, бөтөнчө милдеттер... 2027-жылы Россиянын Аскердик-деңиз күчтөрүнүн Түндүк флоту кеминде эле суу түбүндөгү жаңы дизель-электрдик төрт кайык менен бекемделет. Алар "Лада" 677 долбооруна таандык.

Бүгүнкү күндө мындай кемелер айрыкча Арктикага зарыл. РФтин эң күчтүү аскердик-деңиз бирикмесинин курамы кандай өзгөрөрү тууралуу РИА Новости агенттигинин колумнисти Николай Протопопов толгогон.

Дизелдик серия

Төртүнчү муундагы 677 долбоорунун дизелдик-электрдик кайыктары 1990-жылдардын аягынан бери курулуп келет. Башкы кемеси — ушул тапта сынамык пайдалануудагы "Санкт-Петербург". Суу түбүндө жүрүүчү дагы эки, атап айтканда, "Кронштадт" жана "Великие Луки" кайыктарынын курулушу ар кыл баскычта. Булардан тышкары дагы эки кеменин курулушу келерки жылы башталат.

"Лада" — көбүнесе инновациялык долбоор. "Рубин" борбордук конструктордук бюросунун иштеп чыгуучу адистери россиялык кеме курууга анча мүнөздүү болбогон бир корпустуу схеманы колдонушкан.

Атайын каражат менен капталгандыктан, ошондой эле заманбап радиоэлектрондук системалар менен жабдылып, жогорку даражада автоматташтырылгандыктан "Ладалар" бул типтеги субмариналардын арасынан байкатпастыгы боюнча кескин түрдө айырмаланат. Булардан тышкары, келечекте "677чилерди" абадан көз каранды болбогон күч орнотмолору менен жабдышмакчы.

"Ладалар" — россиялык флоттун "курулушу узакка созулган" кайыктарынан. Кемелерди ишке берүүнүн мөөнөтү улам жылдырылып, каржылоо кыскарып, иш токтотулуп келген. Биргелешкен кеме куруу корпорациясынын жетекчиси Алексей Рахмановдун айтымында, мындайга себеп болгон көйгөйлөр тийиштүү каражаттар менен жабдуучуларга байланыштуу. Ал тургай ушундан улам Тынч океандык флот үчүн "Ладалардын" ордуна башка бир — 636.3 долбоорунун суу түбүндөгү алты кайыгын курууну чечишкен.

Башкы "Санкт-Петербург" кемесин моряктарга араң 2010-жылы беришкен. Негизи бул кеме сынамык стенд катары болуп, пайдаланууда улам толукталып, куроодогу мүчүлүштүктөрүн жоюуга бир далай убакыт кеткен.

"Ладалар" салыштырмалуу чакан субмариналар, сыйымдуулугу — 1800 тонна. Суу түбүндө 21 узелге дейре күүлөнөт, 250 метрге чейин сүңгүй алат. Экипажы — 35 киши, автономдуулугу — 45 сутка. Негизги кеме торпеда жана миналар менен гана жабдылган, сериядагы кийинкилеринде бортторуна "Калибр" канаттуу ракеталары жайгаштырылат.

Алмашкыс кайыктар

Эксперттердин баамында, РФтин Түндүк флотуна ушул тапта суу түбүндө жүрүүчү дизелдик кайыктар өтө зарыл. Азырынча аталган өлкөнүн 877 долбоорунун суу түбүндө жүрүүчү эски дизелдик-электрдик кайыгынан бир нечеси гана бар.

"Палтус", негизи эле суу түбүндөгү күчтөр көп буталуу жана стратегиялык атомдук субмариналар катары таанылган. Натыйжада аларды башкы функциясынан башка багытка буруп, тактикалык операцияларга катыштырууга туура келет. Россияда флоттун мурдагы командачысы адмирал Вячеслав Поповдун айтымында, мындай көрүнүш — 1990-жылдардагы каатчылыктын изи.

"Түндүк флотко суу түбүндө жүрүүчү дизелдик кайыктар ар убак зарыл, — дейт ал. — Ар бир долбоордун өз аскердик багыты бар, башкалар анын ордун баары бир жүз пайызга толтура албайт. Азыркы дизелдик-электрдик суу түбүндөгү кайыктардын атомдук түрлөрүнөн негизги айырмачылыгы — дээрлик дабышсыз, аларды табыш абдан татаал. Негизги милдети — душмандын кайыгы менен кармашуу". Адмирал ушундай субмариналардын жоктугун башка каражаттар, атап айтканда авиация, кемелер, атомдук ракета ташуучулар менен толукталарын түшүндүрөт.

"Түндүк флотко суу үстүндөгү жана суу түбүндөгү кемелердин бардык – дизелдик-электрдик кайыктардан атомдук түрлөрүнө дейре керек, — дейт Попов. — Флотко командачылык кылып турганымда суу түбүндө жүрүүчү дизелдик-электрдик үч кайыгыбыз бар эле. Акырындап алар мөөнөтү боюнча эсептен чыгарылган, бирок кайра жарытарлык эч нерсе жөнөтүлгөн эмес. Кара деңиз флотун суу түбүндөгү дизелдик кайыктар менен толуктоону чечишкен. Саясий себептерден улам ушундай болгону айкын".

Чектешкен чекит

Түндүк флоту кансыз согуш жылдары өзөктүк ооздуктоонун маанилүү элементи болгон. Түндүк деңизчилер эң заманбап стратегиялык атомоход жана суудагы сокку уруучу ракеталык кемелерге ээ болгон.

Бүгүн тарых кайталанып турат: Түндүк флотко өзүнчө аскердик округ макамын ыйгарышкан, ал эми 2014-жылы анын базасында Бириккен страгиялык командачылыкты түзүшкөн. Бул жакка эң акыркы курал жана техника келип турат. Ошентип, түндүк деңизчилер "Борей" долбоорунун суу түбүндөгү жаңы атомдук жана "Ясень" көп буталуу кайыктарын алгачкылардан болуп өздөштүрүштү.

"Адмирал Нахимов" атомдук ракеталык крейсери да толук заманбапташтырылууда. Ага удаа эле "Петр Великий" оор атомдук ракеталык крейсери да толук жакшыртылат. Мындан тышкары, түндүк деңизчилерге 22350 долбоорунун көп буталуу фрегаттарынан бир нече бирдик бөлүшкөн. Алар "Калибр" канаттуу ракеталары жана кемеге каршы коргонуучу "Оникс" ракеталары менен куралданган. Анан да сериянын башкы вымпели "Адмирал Горшковдо" "Циркон" гипер үндүү комплексин башкарууга машыгып жатышат.

Азыркы реалдуулукта Россияга Түндүктө кубаттуу форпост (алдыңкы пункт) өтө зарыл. Арктикага планетадагы алдыңкы державалар тыкыр көз салат. Мында пайдалуу кендин эбегейсиз кору жатат. Далай мамлекеттер аталган чөлкөмдө аскердик күчүн бекемдөөгө умтулат. Анын ичинде Арктикадагы башкы атаандаштары катары Россия менен Кытайды атаган Кошмо Штаттар да аталган аймакта активдешти.

Соңку жылдары америкалыктар Түндүккө курал толтуруп, Аляскада радиолокациялык станцияларды куруп, ал жакка ондогон сокку уруучу истребителдерди жеткирүүдө. Пентагон чөлкөмдө жаңы типтеги күч бөлүктөрүн – көп домендүү топторду уюштурууга ниеттенди. Норвегияда азыр АКШнын стратегиялык авиациясынын учактары бар, ал эми россиялык жээктерге жакын тоңдурулган аскердик-деңиз базаларды кайрадан пайдаланууну пландоодо.

Белгилер:
Авиация, сокку, кайык, ракета, курал, НАТО, Россия, кеме
Тема боюнча
Бура бастырбаган табылга. Россиянын жаңы стратегиялык ракета ташуучусу
Екатеринбург шаарындагы мигранттар. Архив

Россияда мигрант куруучулардын реестрин түзүү сунушталууда. Максаты кандай

(жаңыланган 16:02 22.04.2021)
Жаңы эреже мигранттарга жумушка оңой орношууга, айлык акысын убагында алып, жакшы шарттарды талап кылууга жардам берери айтылууда.

БИШКЕК, 22-апр. — Sputnik. Россияда Куруучулардын улуттук бирикмеси курулуш тармагында иштеген мигранттардын реестрин түзүүнү сунуштап жатат. Бул тууралуу бирикменин жетекчиси Антон Глушков РИА Новости агенттигине билдирди.

Анын айтымында, учурда Россияга келген куруучулар ден соолугу тууралуу маалым кат даярдап, орус тилинен экзамен тапшырып, ошондой эле жумушка орношуу үчүн документтерди тууралашы керек.

"Мындан ары аларды Россияга келе жатканда эле бирдиктүү реестрге катталууга милдеттендирүүнү сунуштап жатабыз. Бул нерсе мигранттарга жумушка оңой орношууга, айлык акысын убагында алып, жакшы шарттарды талап кылууга жардам берет. Мындан тышкары, салык жагынан ачык-айкындуулук пайда болмок", — деди Глушков.

Ошондой эле жетекчи бул тизме учурда кайсы куруучу иштеп, кайсынысынын колу бош экенин аныктап, тез аранын ичинде аны жаңы объектиге жайгаштырууга мүмкүнчүлүк түзөрүн кошумчалады.

Буга чейин Россия президентинин маалымат катчысы Дмитрий Песков "ири пландарды ишке ашыруу үчүн мигранттар жетишсиз болуп жатканын, жумушчу күчтүн тартыштыгы өзгөчө курулуш тармагында байкалганын" билдирген.

Белгилер:
реестр, курулуш, мигранттар, Россия
Тема боюнча
Песков: ири пландарды ишке ашыруу үчүн Россияга мигранттар жетишпей жатат
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр