Sputnik Эстония баннери. Архивдик сүрөт

Бошонбосоңор, иш козгойбуз! Эстон бийлиги Sputnik кызматкерлерин кантип коркутууда

128
(жаңыланган 06:58 19.12.2019)
Акыркы учурда агенттиктин кызматкерлери бир нече ирет күч түзүмдөрүнө “профилактикалык аңгемелешүүгө” чакырылган. Анда “Россия бүгүн” агенттигинен өз каалоосу менен кызматтан кетип калууга кеңеш берген.

БИШКЕК, 18-дек. — Sputnik. Эстон бийлиги Sputnik Estonia кызматкерлерин 2020-жылдын январь айынан тарта “Россия бүгүн” эл аралык агенттигинен бошонуп кетпесе кылмыш ишин ачууну айтып коркуткан. Бул туурасында агенттиктин маалымат кызматынан кабарлашты.

Журналисттер Полиция жана Чек араны коргоо департаментинен “аларга каршы иш козгоо боюнча түз эле коркутуу болгон” катты алышкан.

Таллин мындай кадамын Евробиримдик 2014-жылы Украинада болгон окуялардан кийин жеке жана юридикалык жактарга салган санкцияларга негиздеди.

“Россия бүгүн” эл аралык агенттиги ЕБдин санкцияларынын эч бир тизмесинде айтылган эмес. Эстония бийлигинин бул кадамдарын кыжырды кайнаткан чектен чыккандык деп эсептейбиз жана БУУ, ЕККУ, Европа Кеңеши, ЮНЕСКО сындуу эл аралык уюмдарга сөз эркиндигин бузган мындай кадамдарга тиешелүү баасын берип, чара көрүүнү талап кылып кайрылабыз. Биздин журналисттердин кесиптик ишмердүүлүгүн аткаруусу үчүн укугун камсыздап бериши керек", —деп айтылат маалыматта.

Акыркы айларда агенттиктин кызматкерлери бир нече ирет күч түзүмдөрүнө “профилактикалык аңгемелешүүгө” чакырылганын айтышты. Анда “Россия бүгүн” эл аралык агенттигинен өз каалоосу менен кызматтан кетип калууга катуулап эле кеңеш беришкен.

“Россия бүгүн” эл аралык агенттигинин аткаруучу директору Кирилл Вышинский РИА Новостиге агенттиктин кызматкерлерине жасалган коркутуп-үркүтүүлөр боюнча президенттин алдындагы адам укуктары боюнча Кеңештин отурумуна бейшемби күнү алып чыгарын айтты.

"Кесиптештеримди эстон бийлигинин ушуга окшогон аракеттерине кандайдыр бир реакцияларын сурайм. Журналисттерге карата алардын кесибине тыюу салган аракеттер экенине негиз бар. Бул саясий буюртма", — деген Вышинский.

Sputnik Эстонияны кантип өлкөдөн чыгарып жатышат

Эстония — Балтика боюндагы Sputnik кеңсеси жана толук кандуу редакциясы бар бирден-бир өлкө. Жамаат 35 кишиден турат, алардын 33ү “Россия бүгүн” агенттигинин эмгек келиши менен иштеген Эстония жарандары. Агенттик ай сайын мамлекеттин бюджетине салык төлөмдөрүн чегерип турат. Бул 30 миң евронун тегерегиндеги сумма.

“Россия бүгүн” эл аралык агенттиги менен RT телеканалынын башкы редактору Маргарита Симоньян Sputnik эч качан эч бир жерде Эстониядагыдай маселеге тушукпагандыгын айтты. Аларда иштегендерди Коопсуздук кызматы суракка чакырган, ал эми жергиликтүү банктарга агенттик менен кызматташууга тыюу салынган. Октябрдын аягында эл аралык банктык топтордун Эстониядагы филиалы Sputnik Эстонияга которулган каражаттарды тоңдуруп салган. Ал – айлыктар, салыктар жана ижара акчалары эле. Ал эми имаратын арендага берген тарап келишимди бир тараптуу бузган.

Балтика боюндагы өлкөлөрдүн бийлиги россиялык ЖМКлардын, анын ичинде “Россия бүгүн” эл аралык агенттигинин ресурстарынын ишине бир нече жолу бут тосуп, тоскоолдук жараткан. Россия ТИМинен аталган иштер Вильнюстун, Таллиндин жана Риганын координацияланган багыты экендигин айткан. Бул аракеттер демократия жана сөз эркиндигинин прициптерин карманабыз деген алардын билдирүүлөрүнүн иш жүзүнө кантип ашып жатканынын айкын мисалы экендигин баса белгилеген.

128
Белгилер:
журналист, коркутуу, сурак, Sputnik, Эстония, Россия

Тизелеп, тилектештикти билдирип… АКШ полициясынын видеосу

47
Американын Де-Мойн шаарындагы нааразычылык акциясы жүрүп жаткан маалда полиция эл алдында тизелеп турду.

Муну менен тартип коргоочулар акцияга чыккандарга тилектештигин билдирип, расизмге жана адилетсиздикке каршы экендигин билдиришкен.

Шаар администрациясынын айтымында, митинг коменданттык саат алдында болгон. Ага катышкандар өздөрү эле үйүнө кайтышкан.

46 жаштагы афроамерикалык Жордж Флойддун өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен чатактын мизи кайта элек. Нааразычылык акциясынын катышуучулары Флойдду өлүмгө дуушар кылган полиция кызматкерлерин катуу жазалоону талап кылышууда.

47
Белгилер:
видео, нааразычылык акциясы, полиция, АКШ
Тема боюнча
Америкалыктар бизнесин мародерлордон курал менен коргоп жатат. Видео
Өмүрүн тобокелге салып тартышкан. АКШдагы башаламандыкты баяндаган 12 сүрөт
Телефон колдонуп жаткан кыз. Архив

Телефон тыңшоодо экенин кантип билүүгө болот. Адистин кеңеши

461
(жаңыланган 11:23 04.06.2020)
Тыңшоочу аппараттын түрлөрү көп, алар легалдуу жана легалдуу эмес деп бөлүнөт. Бирок муну тактоо оңой эмес.

БИШКЕК, 4-июн. — Sputnik. Телефонго ээси орнотпосо да кошумча программалык камсыздоонун кирип калганы аппараттын тыңшоодо экендигинен кабар берет. Бул тууралуу TelecomDaily маалымат-аналитикалык агенттигинин башчысы Денис Кусковдун айтканына таянуу менен РИА Новости жазып чыкты.

Маалыматка ылайык, уюлдук аппараттын өзүнөн өзү өчүп-күйүп, колдонулбаса деле кубаттуулугу түгөнө бергенинде да мандем бар.

Кусковдун айтымында, тыңшоочу аппараттын түрлөрү көп, аларды легалдуу жана легалдуу эмес деп бөлүүгө болот. Бирок муну билүү оңой иш эмес, ал үчүн кымбат аппарат керектелет.

Ошондой эле смартфондун кубаттуулугу бат эле түгөнүп калса, демек кайсы бир программа фондук режимде иштеп жатат. Муну дагы тактап алуу керек.

461
Белгилер:
программа, аппарат, телефон
Тема боюнча
Кооптуу делген смартфондор аталды
Премьер-министрдин милдетин аткаруучу, биринчи вице-премьер Кубатбек Боронов

Боронов: аймакка каттаган ар бир жүргүнчүнүн телефон номерин жазып калгыла

0
(жаңыланган 13:34 04.06.2020)
Биринчи вице-премьер облустарга кетип жаткан жүргүнчүлөрдүн ар бири тизмектелип, телефон номерлери жазыла турган китепче ачуу керектигин айтты.

БИШКЕК, 4-июн. — Sputnik. Үй карантиндегилерди көзөмөлдөө үчүн алардын бардыгынын уюлдук телефонуна мобилдик тиркеме жүктөлүшү керек. Мындай тапшырманы тармактык мамлекеттик органдарга премьер-министрдин милдетин аткаруучу, биринчи вице-премьер Кубатбек Боронов бергендигин өкмөттүн маалымат кызматынан кабарлашты.

Муну менен катар Боронов карантиндик эрежелерди эске алуу менен туристтик сезонго даярдыкты күчөтүүнү тапшырды.

"Өкмөттүн Ысык-Көл облусундагы ыйгарым укуктуу өкүлчүлүгү жана башка жергиликтүү өз алдынча башкаруу органдары туристтик сезонго дыкат даярдык көрүүгө тийиш. Бул багыттагы иш-аракеттердин алгоритми иштелип чыгышы зарыл", — деген Боронов.

Биринчи вице-премьер жергиликтүү бийлик органдарына 5-июндан тарта аймактар аралык коомдук транспорттун иши жанданарын эскертти. Бир облустан экинчи аймакка өтүп жаткан ар бир жүргүнчүнү катуу көзөмөлгө алуу керектигин кошумчалады.

"Вирустун жайылышын алдын алуу үчүн башка облустарга кирип жаткан жарандарды көзөмөлдөө иши күчөтүлгөн тартипте жүргүзүлүүгө тийиш. Ошондуктан жергиликтүү өз алдынча башкаруу органдары тармактык мамлекеттик органдар менен биргеликте аймактарга барып жаткан ар бир жаранды тизмектеп, телефон номерлери жазыла турган китепче ачуу керек", — деди ал.

COVID-19 жуктуруп алгандардын жалпы саны 1899га жетип, бүгүн, 4-июнда, 28 кишиден аныкталды.

Ал эми жалпы 1292 бейтап айыгып, ооруканадан чыгарылды.

0
Белгилер:
эреже, көзөмөл, коронавирус, Кубатбек Боронов, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жээнбеков облус жана шаар жетекчилери менен онлайн-жыйын курууда
COVID-19: Чолпон-Атада вирусологиялык лаборатория ачылат