Түндүк агым-2 газ түтүгүнүн курулуш иштери. Архив

РФ министри: "Түндүк агым-2" курулушуна эч бир санкция жолтоо боло албайт

219
АКШ президенти Дональд Трамп 20-декабрь күнү 2020-жылга коргонуу боюнча бюджетти бекиткен. Анда "Түндүк агым-2" жана "Түрк агымы" газ түтүктөрүнүн курулушуна каршы санкциялар да каралганы маалым.

БИШКЕК, 26-дек. — Sputnik. "Түндүк агым-2" газ түтүгүнүн курулушу эч бир санкцияга карабай аягына чыгат. Бул тууралуу Россиянын энергетика министри Александр Новак айтканын РИА Новости жазып чыкты.

Чиновниктин айтымында, ушу кезде түтүктүн 160 чакырымын орнотуу калды.

Министр Швейцариянын Allseas компаниясы курулуштун өзүнө таандык бөлүгүн бүтүрө албай калат деп айтуу азырынча эрте экенин белгиледи. Аталган компания санкциялар боюнча АКШнын Финансы министрлигинин түшүндүрмөсүн күтүп жатат.

Эскерте кетсек, АКШ президенти Дональд Трамп 20-декабрь күнү 2020-жылга коргонуу боюнча бюджетти бекиткен. Анда "Түндүк агым-2" жана "Түрк агымы" газ түтүктөрүнүн курулушуна каршы санкциялар да каралган.

АКШ подрядчы компаниялардан курулушту дароо токтотууну талап кылып, "Түндүк агым-2" түтүгүн орнотуп жаткан Allseas компаниясы азырынча иштебей турат.

219
Белгилер:
Россия, курулуш, энергетика, АКШ
Тема боюнча
АКШ "Түндүк агым-2" долбооруна каршы санкция киргизди. Россиянын жообу
Россиянын президенти Владимир Путин. Архив

Песков Путиндин "унутуп калган" көйнөгүн саткан жарнама боюнча айтып берди

159
(жаңыланган 20:33 04.07.2020)
Жарнамада көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган.

БИШКЕК, 4-июл. — Sputnik. Интернеттеги "Россия президенти Владимир Путиндин унутуп таштап кеткен көйнөгү сатылат" деген кабарга лидердин маалымат катчысы Дмитрий Песков комментарий берип, ага ишенбеш керектигин айтты. Бул тууралуу РИА Новости жазды.

Элге белгилүү болгон сайттардын бирине "Нижний Новгород аймагындагы Sheraton мейманканасына президент Путиндин унутуп таштап кеткен көйнөгү сатылат" деген жарнама чыккан. Анда көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган. Көйнөк 165 миң рублга бааланган. Путин аталган шаарда соңку ирет 2019-жылдын 10-ноябрында Дене тарбия жана спортту өнүктүрүү боюнча президенттин алдындагы кеңештин отурумуна катышкан.

Путин жыйында калемин столго ыргытып жиберип, министрлерден отчёт сурады. Видео

Сатуучу көйнөк дагы деле сатыкта экендигин айткан. Анын сөзүнө караганда, "кийимдин президентке таандык экендиги боюнча жазылган эч кандай атрибуттар жок, бирок зарыл болсо ДНК-экспертизага берүүгө даяр".

Песков мындай кулактандырууларга ишене берүүгө болбой тургандыгын айткан.

"Жок. Андай болууга мүмкүн эмес", — деген ал көйнөк чын эле президентке таандык болушу мүмкүнбү деген суроого жооп берип жатып.

Путин буга чейин журналисттерге кабинетиндеги жашыруун бөлмөсүн көрсөтүп, ал ЖМКлардын эле эмес, коомчулуктун дагы кызыгуусун жараткан.

159
Белгилер:
отель, көйнөк, Владимир Путин, Россия
Тема боюнча
Путин кабинетиндеги жашыруун бөлмөсүн көрсөттү. Видео
Путин чүмбөттөлүп алып коронавируска кабылган жарандарын көрүп чыкты. Видео
UFC чемпиону Хабиб Нурмагомедовдун атасы, машыктыруучусу Абдулманап Нурмагомедов. Архив

Хабибдин атасы Абдулманап Нурмагомедовдун сөөгү Дагестанда жерге берилди

147
(жаңыланган 20:07 04.07.2020)
Маалыматта машыктыруучуну акыркы сапарга узатуу зыйнатына Чеченстандын башчысы Рамзан Кадыровдун дагы катышканы айтылат.

БИШКЕК, 4-июл. — Sputnik. UFC чемпиону Хабиб Нурмагомедовдун атасы, машыктыруучусу Абдулманап Нурмагомедовдун сөөгү кичи мекенинде жерге берилди. Бул туурасында РИА Новости билдирди.

Маалыматка ылайык, коштошуу зыйнатына Чеченстандын башчысы Рамзан Кадыров дагы катышкан.

Россиянын эмгек сиңирген машыктыруучусу Нурмагомедовдун сөөгү Дагестандын Кизилюртов районунун Кироваул айылына коюлган.

UFC чемпионунун атасы коронавирустун оор түрү менен жабыркап Москвадагы клиникалардын бирине жаткырылган. Ага эки тараптуу пневмония деген диагноз коюлуп, андан кийин инсульт алган. Бул дарттан айыга албай 3-июль күнү 58 жаш курагында каза тапты.

"Аны акыркы сапарга узатууга көп адам катышкан жок. Туугандары жана Москвадан спортчулар келди", — деп айткан Кироваул айылынын башчысы Ильяс.

Мушкер Хабиб Нурмагомедовго UFC уюмунун президенти Дана Уайт көңүл айтып, спортчунун атасынын жашоодогу орду тууралуу айтып берген видеосун жарыялады.

​Ошондой эле Хабибдин октагондогу атаандаштары Конор Макгрегор жана Тони Фергюсон сыяктуу бир катар спортчулар көңүл айткан.

147
Белгилер:
жерге берүү, сөөк, машыктыруучу, Дагестан, Абдулманап Нурмагомедов
Тема боюнча
Белгилүү ырчы-обончу Тургуналы Нурматовдун жерге качан берилери айтылды
Коомдук ишмер, экс-депутат Болот Шердин сөөгү кичи мекенинде жерге берилди
Дарыгерлер. Архив

Акысын төлөп беребиз! Ош шаары медиктерди жардамга чакырууда

0
(жаңыланган 22:11 04.07.2020)
Дарыгерлер дээрлик төрт айдан бери күчөтүлгөн режимде иштеп, айрымдары ооруп калгандыктан адистер тартыш болууда.

БИШКЕК, 4-июл. — Sputnik. Ош шаарында COVID-19 инфекциясына байланыштуу абал оорлоп бараткандыгынан улам ыктыярчы дарыгерлерди жардамга чакырабыз. Мындай билдирүү менен калаа мэриясы ак халатчандарга кайрылды.

Маалыматта март айынан бери медицина кызматкерлери, эпидемиологдор күчөтүлгөн режимде иштеп, айрымдары оору жугузуп алгандыктан медиктер тартыш болуп жатканы айтылат.

Азайбай койду. Дагы 71 медицина кызматкери коронавирус жуктуруп алды

"Биз кайдыгер эмес жогорку, орто билимдүү жана тажрыйбасы бар медицина кызматкерлерин, ординаторлордун жардамга келишин өтүнөбүз", — деп жазылат кайрылууда.

Өз ыктыяры менен иштөөнү каалаган адистер Ош шаардык ооруканасы менен келишим түзүп, айлык акысы төлөнөт.

Байланыш телефондору: (0772) 45 49 49, (0550) 29 26 24

0
Белгилер:
оорукана, медик, жардам, Ош мэриясы, Ош
Тема:
Коронавируска байланыштуу Кыргызстандагы кырдаал
Тема боюнча
Колдоп-коштоп... Баткенден 20 ак халатчан Бишкекке жөнөп кетти. Сүрөт
Кырдаал оор экен. Россиялык эксперттер ооруканаларга барып, КРдеги абалга баа берди