Олимпиада шакешчелери. Архив

WADA уюмунун максаты эмне? Клоунада же британиялыктардын кутуму

124
(жаңыланган 18:16 27.12.2019)
WADA россиялык спортчуларды  эмне мынча жек көрөрүн жана буга Улуу Британиянын кандай тиешеси бар экенин Sputnik колумнистинин материалынан окуңуздар.

Дүйнөлүк антидопинг агенттигинин россиялык спортчуларды 2020-жылы Токиодо өтчү Олимпиада оюндарынан четтетүү боюнча билдирүүсү аз-аздан унуткарылып баратканда айрымдар аталган уюмдун РФ спортчуларына болгон "арзуусунун" себебин териштирүүгө киришти. 

Версиялар көп, анын баарына токтолуунун кажети жок. WADA сыяктуу структура түзүүгө Улуу Британиянын жеке кызыкчылыгы тууралуу айтылган божомол да болду. Канчалык күтүүсүз болсо дагы ушундай дагы теория бар. Буга мааниси жок деп кол шилтеп коюуга да болбойт.

Алгач уюмдун президенти Крейг Ридини карап көрөлүчү. Британиялык спорт функционери, Эл аралык олимпиада комитетинин мүчөсү аталган кызматка 2014-жылдын башында келген. Башкача айтканда, Сочи Олимпиадасына бир ай калганда жетекчилик алмашкан. Ким билет, балким жаңы иш ордундагы алгачкы ийгиликтерин ал дал ушул Россияда көрсөткөндүр.

Бул дагы сизди ынандыра албаса, статистикага көңүл буралы.

Результаты выступления спортсменов из Великобритании на 5 Олимпиадах до создания WADA и на 5 –после
© SPUTNIK
Улуу Британия спортчуларынын WADA түзүлгөнгө чейинки жана андан кийинки беш жылда Олимпиада оюндарындагы көрсөткүчтөрү

Эгер WADA түзүлгөн бир жылдан кийинки ээ болгон 11 алтын медалды байкабай калуу ыктымал болсо, 2016-жылкы Рио Олимпиадасындагы 27 медалды көз жаздымда калтыруу мүмкүн эмес. Анын үстүнө 1996-жылы Атлантадагы бир медалдын фонунда бул бакыйып эле көрүнүп турат. Анан, албетте, жалпы медаль эсебиндеги орунга да көңүл бурбай коюуга болбойт. Эгер 2000-жылга чейин Улуу Британия ашып кетсе 9-орунду ээлеп келсе, 2016-жылы экинчи сапка көтөрүлүп, 2012-жылы үчүнчү орунга чыккан. Буга башка мамлекеттер менен салыштырмалуу допинг чуусу таптакыр болбогонун эске алсак, Дүйнөлүк антидопинг уюму көмөчүнө күл тартып жатабы деген да ой кетет.

Албетте, мунун баары жөн гана дал келүүчүлүк болушу да мүмкүн, бирок карапайым киши россиялыктардын дарегине айтылган кызыктуудай айыптардын фонунда ар кайсыны ойлой берет экен.

Мындан тышкары, Россия бийлигинин да, Эл аралык олимпиада комитети менен WADA уюмунун да реакциясы кызык болду.

Россия президенти Владимир Путиндин айтар сөзү белгилүү болчу десек туура болчудай. Өлкө намысын коргоп, спортчулардын өз туусу жана гимни алдында чыгуу укугун кайтаруу. Бир суроо жаралат. Кантип?

Согушта жеңишке жеткирчү ыкманын баары жакшы. Андыктан Россиянын Олимпиада жана Паралимпиада комитеттери РУСАДА менен биргеликте ар кыл конференцияларда, чогулуштарда доо арыздар тууралуу чечишип жаткан кезде Россиянын Тергөө комитети маанилүү билдирүү жасады.

Алардын маалыматы боюнча, Москванын антидопинг лабораториясынын экс-жетекчиси Григорий Родченков WADA уюмуна спортчулардын тактала элек альтернативдик маалымат базасын өткөрүп берип койгон. Мындан тышкары, россиялык спортчулардын маалымат базасына АКШ менен Германияда туруп кирүүгө, атургай допинг боюнча текшерүүлөргө кандайдыр бир өзгөртүүлөрдү киргизүүгө мүмкүнчүлүк болгону айтылган.

Ал эми мындай билдирүүгө WADA уюмунун жообу күлкү келтирерлик болду. ЖМКнын узаткан суроолорунун баарына "маалыматты алар декабрдын башында бергенбиз, мындан башка эч нерсе айта албайбыз" деп жооп берип жатышты. Соттолуп жаткан киши өзүнө каршы көрсөтмө берүүдөн баш тартып жаткандай эле болду. Эмне дейбиз...

Россиялык федерациялар азырынча чогуу турганын көрүүгө болот. Бул да маанилүү учур. Олимпиада жана Паралимпиада комитеттери РУСАДА тарабынан үчүнчү жак катары чыгууга да даяр турат. Болгону РУСАДАнын акыркы чечими калды. Ошентсе да бул чуулгандуу ишке чекит кийинки жылдын жаз айларында коюлат окшоп калды. Олимпиада бүгүн-эртең башталат деп, спортчулар болсо ага катышаар-катышпасын билбей турганда акыркы чечим чыгат.

2020-жылдын жазын күтпөй эле бир нерсени ишенимдүү айта берүүгө болчудай. Эл аралык олимпиада комитети билип-билбей өзүн кызык абалга тушуктурду. Эгер Эл аралык олимпиада комитети россиялыктардын баарын оюндардан четтетип, туу менен желекти пайдаланууга тыюу салган чечим кабыл ала турган болсо, дүйнөлүк спортту тескеген аткаминерлердин уяты көпкө узатпаса керек. Жооп кайтараар жүйөсү жок да.

124
Белгилер:
Токио, комитет, допинг, WADA, олимпиада, спорт
Тема боюнча
Россиялык спортту эскинин эпкини ээрчип жүрөбү? Саресеп
Алма ширеси. Архивдик сүрөт

Диетолог организмге пайдалуу деп жүргөн азыктардын зыянын айтып берди

14
(жаңыланган 20:05 26.09.2020)
Адис май ден соолук үчүн маанилүү роль ойной турганын белгилеп, майы кетирилген сүт азыктарын алуу таптакыр эле пайдасы жок экендигин айткан.

БИШКЕК, 26-сен. — Sputnik. Туура тамактануу үчүн колдонгон азыктардын көбүнүн организмге пайдасы жок. Бул тууралуу Sputnik радиосуна диетолог-нутрициолог Арина Скоромная айтып берди. 

Анын пикиринде, майлары кетирилген сүт азыктары ден соолукка оң таасирин тийгизбейт.

"Адамга май керек. Ал жок кальций сиңбейт. Ошондуктан майы кетирилген сүт азыктарынын дээрлик пайдасы жок десек болот. Изилдөөлөр боюнча мындай азыктар зат алмашууну кыйындатат", — деген Арина Скоромная.

Ошондой эле эртең менен эрте жемиштерден сыгылган ширени ичпей эле коюуну сунуштаган. Себеби кандагы канттын деңгээли көтөрүлүп кетет.

Чөнтөккө да күч келбейт, ден соолукка да пайдалуу. Диетолог 7 азыкты санады

Диетолог мүнөздөп тамак ичип жаткандарга арналып чыгарылган азыктарды дагы байкап алууга кеңеш берген. Маселен, фитнес-батондордун курамына жана чыгарган ишканага көңүл буруу керек. Адатта пайдалуу делген азыктардын көбүндө кант болот.

14
Белгилер:
адистер, май, ден соолук, азык, диетолог
Тема боюнча
Адис: жаңгак сиңимдүү болушу үчүн үч эрежени сактоо керек
Instagram колдонуучулары. Архивдик сүрөт

Хакерлер кантип Instagram-аккаунтту талкалап, телефонду аңтарышат

38
(жаңыланган 19:02 26.09.2020)
Хакерлер алгач электрондук почтага, WhatsApp тиркемесине жана башка жолдор менен зыяндуу файлды кетирет. Эгер катталуучу аны өзүнө сактап алса, хакер Instagram тармагын көзөмөлдөөгө мүмкүнчүлүк алат.

БИШКЕК, 26-сен. — Sputnik. Хакерлер Instagram социалдык тармагын талкалап кирип, смартфондогу маалыматтарды оңой алышы мүмкүн. Тиркеменин мындай кемчилигин Check Point Software Technologies компаниясы аныктаган.

Хакерлер алгач электрондук почтага, WhatsApp тиркемесине жана башка жолдор менен зыяндуу файлды кетирет. Эгер катталуучу аны өзүнө сактап алса, хакер Instagram тармагын көзөмөлдөөгө мүмкүнчүлүк алат. Анын арты менен телефондогу номерлерди жана камерадагы файлдарды көрүп, колдонуучу кайда жүргөнүн байкай алат.

Смартфондогу үн жаздырган колдонмолордун негизги кооптуулугу айтылды

Мындай кемчилик Instagram сүрөттөрдү көчүрүү үчүн колдонгон Mozjpeg —JPEG JPEG декодеринде табылган.

Check Point программалык камсыздоону үзгүлтүксүз жаңыртып турууну жана жеке маалыматтарга уруксат сураган тиркемелерге көңүл бурууга кеңеш берген. Кайсы бир учурда телефондогу номерлерге жана геолокацияга мүмкүнчүлүк берүүдө жакшылап ойлонуу керектигин эскертишкен.

38
Белгилер:
Чабуул, хакерлер, телефон, Instagram
Тема боюнча
Телефондун SIM-картасынын блоктолуп калышынын негизги себептери айтылды