Казакстандык ырчы Димаш Кудайбергенов. Архив

Эркектей болуп ырда! Димаш бала кезинде шылдыңга кабылганын айтып берди

2319
Казакстандык ырчы Димаш Кудайберген уникалдуу үндүн ээси. Кытайдагы сынакка катышкандан кийин жылдызы жанып, ушу тапта атагы таш жарып турган учур.

БИШКЕК, 29-дек. — Sputnik. Казакстандык ырчы Димаш Кудайберген "Россия-1" телеканалынын "Привет, Андрей" берүүсүндө үнүнүн тембри үчүн шылдыңга кабылып келгенин айтып берди.

Димаш Андрей Малаховдун берүүсүнө 28-декабрь күнү катышкан. Андан бөлөк мейман катары аталган программага Филипп Киркоров, Лев Лещенко, Юрий Шатунов, Николай Басков, Лера Кудрявцева, Игорь Крутой жана башкалар чакырылган.

Казакстандык ырчы "Жылдын ыры" берүүсүн бала кезинен көрүп келгенин баяндап берген. Мындан тышкары, Малахов 12 жаштагы Димаштын ырдаганы жазылган казак телевидениесинин кадрларын көрсөткөн. Ырчы кичине кезинде үнү үчүн көп шылдыңга кабылганын эстеди.

"Короомдогу балдардын баары "кыздай болуп ырдайсың, үнүң эмнеге мындай" дешчү. Бизди сопрано менен ырдаганга үйрөткөн. Үнүм дискант кезинде да апамдай болуп ырдаганга аракет кылчумун. Балдар "эркектей болуп ырдачы" деп көп айтышчу. Анан үнүмдү жоонойтконго да аракет кылдым", — деген Димаш.

Казакстандык ырчы Димаш Кудайберген уникалдуу үндүн ээси. Кытайдагы сынакка катышкандан кийин жылдызы жанып, ушу тапта атагы таш жарып турган учур.

2319
Белгилер:
Андрей Малахов, ыр, Димаш Кудайберген
Россия президенти Владимир Путин БУУнун Башкы Ассамблеясынын 75-сессиясында сөз сүйлөө учурунда

Путин ДССУнун потенциалын жакшылап бекемдөөгө чакырды

19
(жаңыланган 23:21 22.09.2020)
Россиянын лидери бүгүн Бириккен Улуттар Уюмунун Башкы Ассамблеясынын 75-сессиясында билдирүү жасады.

БИШКЕК, 22-сен. — Sputnik. Дүйнөлүк саламаттык сактоо уюму потенциалын жакшылап бекемдеши керек. Ага Россия кызыкдар тарап катары катышат. Бул тууралуу РФ президенти Владимир Путин БУУнун онлайн форматта өткөн сессиясында билдирди.

Россиянын лидери бүгүн Бириккен Улуттар Уюмунун Башкы Ассамблеясынын 75-сессиясында билдирүү жасады.

"ДССУнун потенциалын сапаттуу бекемдеш керек деп эсептейбиз. Мындай иштер жүрүп жатат жана Россия буга кызыкдар өлкө катары катышат", — деди Путин.

Дүйнө чарчады. Лавров БУУнун Башкы Ассамблеясынын сессиясында сүйлөдү

Ошондой эле коронавирус пандемиясынын эпкини миллиондогон адамдарга тийип, адамзат үчүн жаңы чакырык болгонун белгиледи. Аны менен катар эч нерсе менен баалангыс жүз миңдеген өмүрлөр кыйылганын айтып өттү.

19
Белгилер:
Дүйнөлүк саламаттыкты сактоо уюму, БУУ, Владимир Путин
Тема боюнча
Октябрда КМШ өлкө башчыларынын саммити өтөт
Жээнбеков мамлекеттик карызды кечүүнү суранды. Эмнеге алмашууну сунуштады?
Россия президенти Владимир Путин БУУнун Башкы Ассамблеясынын 75-сессиясында сөз сүйлөө учурунда

Путин: БУУ бир орунда катып калбай, заманга ылайыкташуусу керек

29
Президент өз сөзүндө тарых БУУнун тынчтыкты сактап, өзүнүн негизги милдетин татыктуу аткарып жатканын тастыктап турарын айтты.

БИШКЕК, 22-сен. — Sputnik. Бириккен Улуттар Уюму бир жерде туруп калбай, бүгүнкү күндүн талабына ылайыкташып өзгөрүшү керек. Бул тууралуу Россия президенти Владимир Путин БУУнун Башкы Ассамблеясынын 75-сессиясында сөз сүйлөп жатып айтты.

"Эл аралык уюмдар же аймактык структуралар сыяктуу эле БУУ да калыбын бузбай тура бербеши керек. Ал өз өнүгүүсүндө XXI кылымдын өнүгүү динамикасын чагылдырып туруусу шарт. Демек, бүгүнкү күндүн талабына көнүп, ылайыкташуусу кажет, анткени дүйнө ушу тапта татаалдашып, көп кырдуу болуп бара жатат", — деди Путин.

Дүйнө чарчады. Лавров БУУнун Башкы Ассамблеясынын сессиясында сүйлөдү

Мындан тышкары, президент өз сөзүндө тарых БУУнун тынчтыкты сактап, өзүнүн негизги милдетин татыктуу аткарып жатканын тастыктап турарын айтты.

"Артка кылчайып, саресеп салсак, кансыз согуш учурунда да, геосаясий өзгөрүүлөр маалында да, дүйнөлүк саясаттын шойкому күч болуп турганда да БУУ тынчтыкты сактап, континенттердин өнүгүүсүнө салым кошуп, өзүнүн башкы миссиясын татыктуу аткарып келе жатат", — деди РФ башысы.

Жээнбеков мамлекеттик карызды кечүүнү суранды. Эмнеге алмашууну сунуштады?

Буга кошумча уюмдун туруктуу беш мүчөсүнүн вето укугунун маанилүүлүгүн белгилей кетти. Анын айтымында, бул дүйнөнүн аскердик-саясий балансын тең салмактап турат. Андан сырткары, БУУнун Коопсуздук кеңеши мүчө мамлекеттердин баарынын кызыкчылыгын эске алуу менен иштеши керектигин белгиледи.

29
Белгилер:
кайрылуу, БУУнун Башкы Ассамблеясы, БУУ, Владимир Путин
Тема боюнча
Жээнбеков мамлекеттик карызды кечүүнү суранды. Эмнеге алмашууну сунуштады?
Жүк көтөргөн адамдар. Архив

Россияда мекендештерди чек арадан өткөрөм деп алдап кеткен шылуун изделүүдө

0
(жаңыланган 00:41 23.09.2020)
Өзүн элчиликтин кызматкери катары тааныштырган киши чек арадан өткөрүүгө жардам берем деп ар бир мигранттан 7000 рублден алган.

БИШКЕК, 23-сен. — Sputnik. Россиядагы кыргызстандыктарды автобус менен мекенге жеткирүүнү убадалап, акчасын алдап кеткен киши изделүүдө. Бул тууралуу Тышкы иштер министрлиги билдирди.

Маалыматка ылайык, аты-жөнүн Кубанычбек Жээнкулов деп элчиликтин кызматкери катары тааныштырган жаран Казакстан чек арасын ачканын айткан. Ал жерден автобус менен өткөрүүгө жардам берем деп ар биринен 7000 рублден алып Башкыртстандан Оренбургга алып келген. Натыйжада шылуундун тузагына түшкөн мекендештер ара жолдо калышкан. Бул иш боюнча 22 киши элчиликке арыз жазды.

"Кубанычбек Жээнкулов деген элчиликтин кызматкери жок. Аны жоопко тартуу үчүн КР ИИМинин Россиядагы өкүлчүлүгү РФ ИИМи менен биргеликте издеп жатат. Мыйзамсыз түрдө акча чогултканы үчүн катуу жазага тартылат. Элчилик мекендештерди ушул сыяктуу фактылар болсо кылмыштын алдын алып, күнөөлүүлөрдү жоопко тартуу үчүн кабарлап коюуга чакырат", — деп жазылган билдирүүдө.

Даттануулар менен Россиядагы элчи Аликбек Жекшенкуловдун elchi.ru сайтындагы жеке блогуна жана КР ИИМдин РФтеги өкүлчүлүгүнө predstavitelstvomvd@mail.ru электрондук дареги же +7(926) 890 87 00 ыкчам байланыш номерине кайрылууга болот. Купуялуулукка кепилдик берилет.

Авиакаттам жанданса да Россиядан кыргызстандыктарды автобус менен ташуу уланат

Учурда Оренбург облусундагы орус-казак чек арасында Россиянын шаарларынан жана Башкыртстан Республикасынан келген 3500дөн ашык кыргызстандык топтолуп турганы маалым болду.

Элчилик Казакстандын аймагынан автобус менен өтүү үчүн "жашыл коридор" ачып берүү өтүнүчү менен казак тарапка кайрылган. Азырынча жооп келе элек.

Ошондой эле Оренбург облусунун жана Башкыртстандын жергиликтүү бийлик органдары менен биргеликте ал жердеги кыргызстандыктарга шарт түзүү иштери жүрүп жатканы белгиленди. Ушул тапта Россия тарап аларды акысыз түрдө жатаканаларга, балдар лагерлеринин аймактарына жайгаштырды, мындан тышкары, чатыр лагери түзүлгөн. Айрымдары мейманканаларга жана жатаканаларга жайгаштырылды. Жарандарга үч маал бекер тамак берилип жатканы айтылды.

Ошону менен катары элчилик мекендештерге Казакстан чек арасын толук ача электигин эскертип, өз алдынча келип топтолбоого чакырат.

Мүмкүнчүлүккө жараша учак менен кетүүнү сунуштайт. Ошону менен катар элчилик авиакаттамдардын санын көбөйтүү жана билет баасын арзандатуу боюнча сүйлөшүү жүргүзүп жатканы айтылды.

0
Белгилер:
Мигрант, автобус, алдамчылык, чек ара, Элчилик, Россия
Тема боюнча
Кыргызстандан чет өлкөлөргө ачылган каттамдардын тизмеси
22 миң рубль. Москва — Бишкек каттамына авиабилеттердин октябрдагы баасы айтылды